Kisah 7:60 - Allahle a neme heteungekoke homofae

⁶⁰ Nebeisa oro selen-selen mae oukoroukoke kali na kaban mae kaenele, “Tuhan, nda beko nebei yo ranne ehayeijae!” Nebei are mo eleukoke na hibi na no hokoukoke.

Kisah 7:60 Referans Kwoze

Matius 5:44

Nebeibe Reyae wamale, ma yokeijore buhae hemmiyembe, nane merau ro miyae mare weitasi koyayembe yore Allahre riyennehimbe onomi foka yae ei hawemmile.

Lukas 23:34

Yesus weumi, “Arai, ndi ro miyae naei beko mokate faeinyeumibonde, rabuhine ban naei me u mokate neyae isaeyeiboi sului.” Yesus nambelae nebei felayo yae oye nihaeiboke nenaeijae mo wahaeikoke.

1 Korintus 15:20

Nebeibe nda niyae na hele, Wali Ondofolo nulu yo mahe yora aunguke. Ani yelena yae kelaeimi na heki ban ani wauwau yaronate wanen, Yesus aunguke yae kelewoumi Allahle holona ro miyae herewate yo na hele ainyainyu enaikonde.

Kisah 20:36

Ara eleukoke baeufoke mo, Paulus nebei yo bele kani ranne oro selen-selen rororaikoke, Allahre ebeli bainyehike.

Kisah 9:40

Petrus nebei yore ukeumi moise ai baleke mo, nembai oro selen-selen mae roroukoke Allahre ebeli bowounge. Nebeisa Dorkasle no honolere be beufoke weunge, “Tabita, ainyu!” Dorkas na ijoko keleukoke, Petrusre erekeunge hee na hibi angken nuweuboke.

Lukas 6:28

ware olomore roronete kiyaere Allah riyeungele foi yae mokonnele, ware bekore mokonete kiyae naeise Allahre ebeli boungele.

1 Korintus 15:18

Nebei na helena, ro miyae eherei heena Wali Ondofolore hila rabo halewainye yae herewate yo bele Allah bele wahaeukoke honoimeyaube.

Kisah 21:5

Nebeibe maei nekewande ya baeufoke, meyae kulun ukande ewande. Nebeinya Yesusre hakainyekoke yo, nemene na miyae fa-fa bele yo moise yae andebaleke isoufe mewande. Nebei buhaeinye ro miyae nemene oro selen-selende mo rorandekoke, Allahre ebeli bannehike.

Kisah 13:36

“Ondofolo Daud Allah ukeunge rambun-rambun mokoukoke baeufoke mo, hereke na yobe naei kamahe naeite bulei kelaeunge molaisake. Ondofolo Daud na u melen nemene kanine beko yaeiboke.

Lukas 22:41

Nebeisa Yesus ruka yalo roko mbainya wande eukuweube hului yae nebei yo naei bokora nahau eke, oro selen-selen mae oukoroukoke Naekore ebeli bowounge,

1 Tesalonika 5:10

Neyae aei aerene hereke, eyae wali namman nekande yae, heremale yae Yesus benen mende yane Nangkele nanembainye emanekende naeise.

1 Korintus 15:6

Mainyekeukoke mo Yesusle eisa aka baeke wa 500 hului na kulun mbainye Yesus uwa yakaumiboke. Nebei ro miyae na helen holo namman wali nekate, keli name heraiboke.

Matius 27:52

Nane merau ruka bulei wewe molowate, Allah Naei eleuboke wekeumi ro miyae helen heraibokera ainyuke.

1 Korintus 11:30

Nebei aerene mai u nolo u kainya hiwa male yambi koloukeumi, hiwa yo era buloo kate, nane merau helen solo heraikoke.

1 Korintus 15:51

Angkaei borombo, Allah nunne heraweuboke honoweke abe wamale, eyae nanemene eisereiboi, nebeibe amin waku wanen rambun huba mokoikoi naei ranembonde hee yae waembin mae wembonde, eyae nanemene kakare ebei uwa yae bemmehonde. Nebei amin waku wanen rambun ranembonde mo, herewate yo kaka eyeiboi uwa yae amminunde nane merau eyae wali nekande yo bemmehonde.

Yohanes 11:11

Naei wanenda Yesus ukeumira nebeisa benen weumi, “Aei kahili Lazarus ijongkune eke honole. Nebeibe Reyae nda hee nebei yengkeikoise erelere.”

2 Timotius 4:16

Roko mbai nendo raei uwa are kolaimi yo riya bene yobaiseboke ekalere hi yae ha yae ehakoiboi, raei foi naei are eleikoi. Nanemene nukaiseboke. Reyae rabo halaele nebei u mekai kelaiseboke yore Allah yae beko ewei.

2 Petrus 3:4

ungayembe: “Yesus a ukembe Neyae benen bensonde mendere nebeibe emei mo. Aei yobe naei maiserekokera meke nda heene, nemene fomene Allah nda kani kela mokoukoke hului mo honate.”