Kisah 6:10 - Allahle a neme heteungekoke homofae

¹⁰ Stefanus yae weumi are hi yae ha yae ame-amere eleikoi sului nane merau kou kalo ehubaikoi sului. A faeufe elewolere isaei hebaen bele nane merau Allahle Roh yae nauwa keteungeboke.

Kisah 6:10 Referans Kwoze

Lukas 21:15

Renaeijae isaei hebaen isembene, ma yokeijo yoni-yoni mai a faeu elembere ohoroiboi sului.

1 Korintus 2:4

Ro miyae naei isaei hebaen aerene ban nebeibe Allahle elae aerene mayae Wali Ondofolore hila rabo halennele naeise, nebei a usaei wasaei mare kelewamale. Ro miyae naei isaei hebaen hului yae kena yon-jon a yae reyae ehuwei, nebeibe Allahle Roh elaebe kelembokamale.

Yohanes 7:46

Nebei yo yae waimi, “Era mahi hele. Nda ro miyae nekandera roko mbai Neyae elewole wanen eleikoi, maei angkaei yae oboroiboi mo!”

Lukas 1:17

Allahle burelen boi-boi rore yembonde. Allahle yendo kayaalo Elia Allahle Roh bele elae wake bele Allahle kaliare mokowole wanen Yohanes mokonde. Ako naei mokommile bukenaibonde na kelu omi bele rei mai yae nekenate nane merau be elae u elae ro miyaere mokommile wali himalainyeboke yo isaei hebaen bele huwate are boronate. Tuhan huwemmile a hului nekenate ro miyae holo mbai neyae mokommihande.”

Kisah 7:51

“Aka naei baeke naei, ma yun elaekei sele. Mai u bene Allahre isian nekeyate ro miyae wanen. Mayae Allahle are oboroyei. Allahle Rohre moi yae mo buleyaunge, mai yobe naei yae kowate wanen.

Kisah 5:39

Naei a kelaeimi Allahlena, mayae nare hun eraisi sului. Nendon Allahle yokeijore yengkombe bele.”

Kisah 6:9

Nebeinya Yahudi ro miyae Kirene yona yo bele, Aleksandriana yo bele, Kilikia kanina yo bele, Asia kanina yo bele, naei homo “ei mom-mom imaena yebaei bubaei ban” yae kaenewainye. Stefanus naei a hin-sin eibeko meibeko na waere-waere relewainye.

Kisah 6:11

Nebeinye ekate, ro miyae hiware a moi-moi yae mokaimikoke nda wanen are enayelengkondere, “Naei a ma elewole borowannele Allahre nane merau Musalere aukakabe koumi.”