Kisah 5:15 - Allahle a neme heteungekoke homofae

¹⁵ Petrus mende me ekatasinya, u alin fere nennebonde naeise, ro miyae era buloone kayeke yo na aka baeke yae na ijongku honson ranne kaewate nibi enene relewaimi honowate.

Kisah 5:15 Referans Kwoze

Matius 14:36

Nda yo Yesusre riwainye ehee kommikonde na malo buraisa mo katanainyele. Ro miyae nanemene na malo buraisa katawate yo onomi yarowate.

Yohanes 14:12

Reyae nana heselebe wamale, nde yae Raei a elalere hila rabo haleufe kiyae, Reyae rambun emere-emere mokale ma na hului emmokonde. Raei mokalera neyae emekai bele emmokonde, rabuhine ban Reyae Maeko Allahle bokore erelerene.

Matius 9:21

Na kena eisa elele, “Na malore mo katarensinde, na hului onomi roufele.”

Markus 6:55

Ro miyae na yore eisa bele meisa bele habelaete. Erana buloona yo Yesus ekenekele anuwaufe na ijongku honoi kewa ranne yarate mate.

Kisah 5:16

Yerusalem yo kaban honole enena fainya yo yoni-yonira ro miyae nekai hokowole. Nda ro miyae era buloone kayeke yo bele alo yae hawaimiyeke yo bele yawaimi mewate yo nemene onomi yarowate.

Kisah 28:9

Nebei wanen borowatene, nebei yokobana ro miyae Paulusle bokore hokowole, nera buloore kayeke yo onomi yarowate.