Kisah 3:13 - Allahle a neme heteungekoke homofae

¹³ Aei yobe naei kamahe naei ei molowainye Allah, Abrahambe Allah, Ishakle Allah, Yakuble Allah, nebei Allah mbai meke na yebaei bubaei Yesusre buma kaeungeboke. Nebei Yesus mbaibe mayae hombombere kowaubene Pilatusre ikaungele. Pilatus hayennekondere mayae ahi yae elewaube.

Kisah 3:13 Referans Kwoze

Kisah 7:32

‘Waei yobe Abraham, Ishak, Yakub, naeite Allah Reyae Niyae.’ Musa fene wakune oinyeu wae hineuboke kowole, nebei i bewolere na ijoko erei.

Matius 22:32

‘Abraham mae, Isak yae, Yakob yae, Rare ei molaisele.’ Ro miyae herate yo Rare ei omoloikoi sului. Waline nekate ro miyae yae mo Rare ei moloyaisele. Nebei a keleumekoke herate yo benen walenaibonde.”

Ibrani 2:9

Nebeibe nda hee Yesus ijokore erannele Kiyae. Ya na fofo hele Allah yae mokoungeboke malaikat yoni-yoni nekate anuwaufa are oungeraufike. Nebeibe nda hee Neyae beko hubawoungera hereke benen waleubokene, Ondofolo yae Nare hili hebeyainye nane merau be hineyainye. Allah kena buhae aere ban mae heumi u mekai ma nekelene, ro miyae aerene Yesus hereke.

Yohanes 19:15

Nda yo yae kaenate, “Hombo! Hombo! Ohaline bongko!” Pilatus yae hineumi, “Rahene mai Ondofolo ohaline borekondere waufe?” Imam yun-jun mae wainye, “Kaisar mbai ken maei Ondofolo.”

Yohanes 19:12

Pilatus nda a wanen boroukoke bae, Yesusre bulaerennekondere relewoungele. Nebeibe Yahudi ro miyae kali kaenate, “Weyae nebei kiyae bulaereungekondena, weyae nda kani kaban na Ondofolo Kaisarle kahili ban. Ro miyae nde yae nauware ondofolo yae elendena, neyae Kaisarle yokeijo.”

Yohanes 18:40

Nebei yo kali ara nene kaenate wainye, “Neyae ban, maere Barabasbe hayeinyeko!” Barabas fa kangkin kowole ro.

Wahyu 1:18

Reyae Niyaebe ya wali no Kiyae. Reyae herekalebe, nebeibe ereise, aungukale wali hena bona nekerende. Here naei bele nulu yo mahe yo naei yo yan bele naei kunci Raei me einye honaisele.”

Wahyu 1:5

Yesus Wali Ondofolo Allah weunge a huluinye isaeyeumi Kiyae mbaibe nulu yo mahe yora ainyuke holona yo Neyae na bena Kiyae, nane merau nda kani kelana ondofolo yoni-yoni mere mokommile Kiyae. Yesus aere kena buhae heume, nane merau Naei uwa kinyeumiboke haiboke ha yae aei beko bako aeumefoke nekewandera ruboumeboke.

Kisah 22:14

“Nebeisa Ananias yae rare weufe, ‘Aei yobe naei kamahe naete Allah ware eleubokete Naei kenare kole weyae isaeyeubondere, nane merau wali himaloungeboke Kiyaere ereungebonde, Naei a elende borole.

Yohanes 12:16

Nebei hee Yesus na moisa orowate yo nda bewatere u bene orowei kowate. Nebeibe Yesus herekera meke benen bumane ike heera wa u bene nekaimihike, na hele nebei ro miyae yae ei molowainyere nemene fomene Allahle homofaene Naei naeise molaikoke honate.

Yohanes 7:39

Allahlena Roh enaiyaronde abe Yesus are haraungeboke huwoumi. Yesus Naei a elelere hila rabo halenate ro miyaere Allahle Roh ammibonde. Nebei hee Allahlena Roh namman emei rabuhine ban Yesusre hilire hebenainyele ya nammanne.

Lukas 23:4

Nebeinye Pilatus imam yun-junde, nebei ro miyae arilewolere weumi, “Reyae nda ro naei u mekai wa mekai nane merau naei a faeu nemene ereungekokale, na foi bangka mo. Rahe randa Nare bekore mokomandere?”

Markus 15:11

Pilatus Yesusre hayennekondere, nebeibe imam yun-jun mae ro miyae helende moi hurewaimi Barabasbe Pilatusre rinyainyehinde hayennekondere.

Matius 28:18

Yesus nda yo bokore meungakeleufike mo weumi, “Allah Naei elae wake nane merau nda kani kelana elae wake nanemene hele Raei me einye kinyeufeboke.

Matius 27:2

Yesus na me ha wowo kainyekoke yawainyehoke nebei yo yande ikileuboke mokowole Gubernur Pilatus naei me einye kinyenainyebondere ewate.

Matius 20:19

Nebeisa Yahudi holone eyeiboi yore kinyenaisebonde. Nebei yo yae aukaka weitasi konaisele, nane merau ohaline bonaisekonde, nebeibe ya name mo Reyae arenunde!”

Matius 11:27

Yesus a weumi, “Raei Ako Allah nemene fomene Raei me einye kinyewoufe. Ro miyae hi yae ha yae Rare oroiboi Ako Allah nembai mo roufeboke. Nane merau hi yae ha yae Raei Ako Allahre oroiboi. Reyae na kelu nane merau Reyae elerebonde Akore yakaremibonde ro miyae bele mo Ako Allah royanne.

Lukas 6:37

“Weyae hiwa yo naei bekore hului okoloijae, waei bekore hului ranayeisite bele. Ro miyae naei are weyae a hele ban mae eleijae, Allah ware beneufonde bele. Ro miyae hiwa naei beko u bene nundenayewende, nebei wanen mbai Allah waei beko faeinyeneibote.

Yohanes 19:11

Yesus yae weunge, “Allah nebei rambun ware ekinyeiboinya, weyae Raei uwa rande me ikileiboi hesele. Nebeinye Rare waei me einye kinyeubokete kiyae na beko bako kabani hesele, waeisa.”

Kisah 3:12

Petrus nebei yore erewoumi bae weumi, “Israel ro miyae yoni-yoni, rahene nda wanen mokandere mayae rambun eme hele yae elaube? Rahene ma ijoko maere mo ereyaumele? Mai u benera nekayembe nda rore maeinya elae yae onomi ikannele. Na hele ban.

Kisah 3:26

Allah Na Yebaei Bubaei Yesus Wali Ondofolore oro umau heraweungeboke heera, na bemere ukeunge mayae Israel ro miyae bokore meke mai u mekai beko mokoimeyaungera nulu kenembe walora onomi foka yae ei hawenembe naeise.”

Kisah 4:27

“Nda Daud eleukoke a wanenbe yeuboke. Nda yo einya ondofolo bee Herodesle Pontius Pilatusle nane merau Yahudi ro miyae ban bele Israel ro miyae bele nemene riya nekaikoke. Yesus, Waei yebaei bubaei yolo-yolo renden, Waei Wali Ondofolore eleubokae Kiyaere bekore mokonainyebondere.

Kisah 4:30

Allah Waei me neinye meu, Yesus, Waei yebaei bubaei nene waewae nekele Kiyaele Ro walora era yo buloo yo onomi yeumile, rambun emere-emere mokole.”

Kisah 24:14

Na hele, Gubernur, reyae ware na yaka yae ufetere, reyae Yesusle wali nibine hakoyanale. Nebei wanenne maei yobe naeite kamahe naeite Allahre reyae ei molanale. Nane merau Musale walora wali heere foloukoke homofaena a bele Allahle yenjo kayaayo homofaene molaikoke a bele reyae namman hila rabo halaele. Nda ro miyae ahuneyaise yo Yesusre hakainyekoke yo holore agama hi yae elate.

Roma 9:5

Naei yobe naei kamahe naeite orona menara nda Yahudi kani kela meijakauboke. Naei orona menara Wali Ondofolo ro miyae uwa wanen mae meke. Wali Ondofolo Allah mbai, nanemene mere mokowole, Nare huba haei ban bumane kaenainyende. Amin!

Lukas 22:57

Nebeibe Petrus oneunge yae elewole, weunge, “Reyae Nare onaenale.”