Kisah 2:23 - Allahle a neme heteungekoke homofae

²³ Allah merau raungehike huluinye be hineuboke, Yesus mai me einye kinyeuboke. Mayae na hibi ro miyae nansau bele hakayengkokembe ohali ranne hauboke.

Kisah 2:23 Referans Kwoze

Lukas 22:22

Reyae, Allahle bokora mekale ro miyae uware yeubokale Kiyae, Allah meraufe raungehike huluinye hererele, nebeibe Raei kelaise nenende kiyae beko hele hubannende!”

Kisah 4:28

Neyae mokaiboke rambun nebei nemene Waei elae randa nane merau Waei are eleukokae huluinye yaeiboke.

Kisah 3:18

Allah nendahina yenjo kayaayo naei euwara are nuleungekoke Wali Ondofolo beko hubannekonde hele. Mai me u mokowaube walora Allah Naei a na ijenne maijeuboke.

1 Petrus 1:20

Allah Na merau haraungebokere mokonde naeise, nda kani kela omokoiboi heena Yesus Wali Ondofolore Allah eleuboke wekeunge. Nebeibe mai foi naeise nda hee hubare mokonnele ya yae Neyae uwa yakauboke.

Kisah 13:27

Yesus mbai Wali Ondofolo Niyae Yerusalem yona nekewate ro miyae bele naei be yun be yebaere hebewate yo bele onewate handawate. Allahle yenjo kayaayo naei a faeu molowate Sabat ya yae kayeke borayeke. Nebei a faeu hului neyae isaei eyeiboi yae Yesusre haibokate.

Matius 26:24

Reyae Allahle bokora mekale ro miyae uware yeubokale Kiyae Allahle homofaene molaikoke huluinye hererele. Nebeibe Raei kelaise neke ro na beko hele hubannele. Nebei ro naei foi sele nda kani kelane ohonoi yaebe hongkate.”

Roma 4:17

Allahle homofaene nda a Abrahamde ukeunge, “Kani kela helen na ro miyae naei yobe ware raneuwekawale.” Allah ro miyae herewatere waleumi Kiyae nane merau eyeiboi rambun Naei a elele hului baete yakate Kiyae. Naei a elewolere Abraham hila rabo halewole. Naei ro be ro yoinye Abraham aei yobere yeuboke.

Kisah 5:30

Yesus, mayae ohaline baukoke hereke Kiyae mbai, aei yobe naei kamahe naeite Allah yae benen waleungeboke.

Wahyu 13:8

Nda kani kela mokouboke hee Allah yae wali hena bona enaijaronde ro miyae homofae mbainye moloukoke. Nebei homofae Domba Kelu naisake Kiyaele naei. Nebei homofaene ro omoloikoi ro miyae nemene nebei obo yokure ei molonainyele.

Yudas 1:4

Reyae nda a wamale, rabuhine ban Allahre ei ehaweyei yo maleu-maleu wae mai u nolo u kainye mayeuboke nekate. Nda yo yae kelaeimi Allah aere kena buhae aere ban mae heumelene, eyae na hului u mekai bekore kena haehae kande hului mokomale. Nebei yo kelaeimi Yesus aei Tuhan hele mbai mo Kiyae Wali Ondofolo ban. Nebei holona yo naei ehee bukulu nendahina homofaene a nulainyekoke.

Lukas 24:20

Imam yun-jun bele maei Yahudi yun-jun mae Nare honaibonde naeise Ondofolo Pilatusle me einye kinyainyeboke. Felayo yae Nare ohaline baikokate!

Lukas 22:37

Allahle homofaene Raei naeise nda a molaikoke, ‘Nare u hila wa hila ro yae elenaikonde.’ Nebei a Raei uwane yembonde hele. Allahle homofaene Raei uwa naeibe molowate hului na hele benate eraube.”

Kisah 7:52

Allah na yenjo kayaayo nemene fomene mai yobe naei yae weitasi kowaimi! Wali himaloungeboke Kiyae mendere a nulaiboke yenjo kayaayo haikoke. Nebei ro walire himaloungeboke Kiyae mbai Yesus Niyae. Menaeijae kelai nekaube hauboke.

Yohanes 19:24

Nebeinye nda felayo hi yae hire weunge, “Nda malo bohi-bohi yae efoloijae. Men, eyae oye nihemakonde mo haimakonde neyae kelemmebonde ndelere yembonde.” Nebei ma mokaiboke yae wa Allahle homone molaikoke a na hului yembonde. Nebei homo nda wanen molaikoke, “Raei malobe neyae wahaeikoke nane merau raei malo kabande oye yae nihaeiboke.” Nebei felayo nebei mekai yae mokaikoke.

1 Petrus 2:8

nane merau nebei homone molaikoke: “Nebei ruka yae ro miyaere mokommile orore nalemmihinde ana balenate.” Nebei ro miyae Yesus Naei a elelere ehakoiboinye nalemmihinde balenate. Nane merau Allah yae merau raungehike nebei yo nalemmihinde balenate.

Matius 20:19

Nebeisa Yahudi holone eyeiboi yore kinyenaisebonde. Nebei yo yae aukaka weitasi konaisele, nane merau ohaline bonaisekonde, nebeibe ya name mo Reyae arenunde!”

Matius 27:35

Yesus ohaline baikokera felayo na malore wahenaikondere oye yae nihaeiboke.

Markus 15:24

Nebeisa Yesusre ohaline baikoke. Nda felayo Yesus na malore wahenaikondere ndelene ruwende, nebei naeise oye yae nihaeiboke wanen mokaiboke.

Lukas 23:33

Ikate Ro Yun Bo Ma anuwau wae wainye ijenne Yesus ohaline baikoke. Nebei ro bee na meline meubene baikoke.

Yohanes 19:18

Nebei anuwaunge Yesus ohaline baikoke. Ro bee bele nanembainye baikoke, hi na meli reufine hi na meubene Yesus na nolone.

Kisah 2:36

“Nebei wanen mayae Israel ro miyae nda are isaeyembombe, Yesus mayae ohaline baukoke Kiyae mbaibe Allah yae Tuhande raneuweke nane merau Wali Ondofolore oro umau heraungeboke.”

Kisah 5:28

Neyae weumi, “Nebei Ro kelaeumi meyae mare hee nekayembe. Nebeibe nda Yerusalem yo eise mainya a usaei yae eufureukoke. Mayae na hibi-hibi mo kelaeumi meyae nda Yesus Kiyaere handeboke.”

Roma 2:12

Musale walora wali heere folaikoke are naeisaei ban mae u mekai bekore mokayeke ro miyae, Musale walora wali heere folaikoke huluinye ban mae Allah bele wahenaikonde. Nane merau Musale walora wali heere folaikoke isaeyaeiboke yae u mekai beko mokayeke ro miyae, nebei a huluinye Allah yae me nommiyonde.

1 Tesalonika 2:15

Aei Tuhan Yesus bele na yenjo kayaayo bele Yahudi ro miyae yae haikoke nane merau maere weitasi koyaime. Yahudi ban ro miyae na hului wali hena bonare yaronaikonde naeise meyae Wali Ondofolole a foi faeu foi huwammine, Yahudi ro miyae maei are henaimenunde naei nibibe baeimeyate. Allah kenare okoi ma mokate nane merau ro miyae nemene fomene bekore mokonaimibonde naei emerei-emerei emereumine, Allahle ikele han naei rande oke.