Kisah 18:27 - Allahle a neme heteungekoke homofae

^27-28 Nebeisa Apolos kena kowole Akhaya kanire endere. Efesus yona Yesusle einye aka baeke be hinaiboke nane merau homo mbai molaikoke ukaimi, Akhaya kanina Yesusre hakainye ro miyae Apolosre na foi yae yaungainyehondere. Akhaya kanine eke hee, ro miyae naei bene Yahudi a elewatere horowoumi nane merau na yaka hele Allahle homofaena a kelewoumi Yesus Allah yae oro umaufe heraungeboke Wali Ondofolo Niyae. Neyae kelewoumi a yae, nebeinya ro miyae Allah kena buhae aere ban mae hewoumi walora Yesusre hila rabo halewainye yore, Apolos helen sele hakowoumi.

Kisah 18:27 Referans Kwoze

Kolose 4:10

Aristarkhus, rangkele kawane hebende ro, mare ro melaeyayembe. Markus, naei yoho mbai Barnabasle, mare ro melaeyayembe. Naei naeise reyae mare a ninae ukamaele. Neyae mai bokore mendena foi yae ei annebombe.

Kolose 2:12

Mayae bu kayengkokembe heene Wali Ondofolo Yesus mangkele a bulune nanembembane molayengkokembe wanen. Nebeisa Allah Yesusre herewate yo nolora waleungeboke Kiyaele elaere hila rabo halewaube walora mayae Yesus bele walaeuboke.

Filipi 1:29

Rabuhine ban Wali Ondofolole aerene mare mon ikembe Nare hila rabo halennelere mo ban nebeibe Naei aerene beko hubannembe,

Filipi 1:25

nane merau isaeyeubokale Reyae hakoremembe mayae Wali Ondofolo Naei a elelere hila rabo halemembe. Mai rei mai kaban komembe naeise nda kani kelane reyae namman nekerele.

2 Korintus 1:24

Makei are hila rabo halembe helere meyae koli hara ebei, rabuhine ban Wali Ondofolo Naei a elelere hila rabo halaeungene elae yae hebaube. Nebeibe mayae rei mai kombe naeise, kalia maengkele hakandekoke mokande.

1 Korintus 16:3

Reyae mai bokore erele hee mayae na hului yae erennele ro miyae rore romamibonde naeise, jemaatna yun-junde homone molorekonde ufemile mai mena una arilaukoke rambun bele homo isemile bele Yerusalem yone emmiyende.

1 Korintus 15:10

Nebeibe Allah rare kena buhae aere ban mae heufekoke aerene mai ijokore eraufe wanen mae raei u mekai nekale. Nane merau Allah rare kena buhae aere ban heufekokene Yesusle abu ako yae nekate yo nolora reyae kalia mokowale ma ehameikoi sului. Raei kena kale huluinye omokoi, nebeibe Allah raei walora ro miyaere kena buhae aere ban hewoumi huluinye mokowale.

Roma 1:5

Yahudi ban ro miyae kaenemamile Wali Ondofolo Naei a elelere hila rabo halenainyele hakonainyele naeise, Naei walora Allah maere kena buhae aere ban mae heumekoke nane merau Yesusle abu akore mokoumeboke.

Kisah 19:1

Apolos Korintus yone nekewole hee yae, Paulus nebei kani bohi ara oroukoke eke Efesus yone. Nebeinya ro mbemba Yesusre hakainyekoke mate yore Paulus hubayaeikoke.

Kisah 18:18

Paulus Korintus yone heki holo nekeukoke wa, nebeisa Yesusle einya aka baekere “nauwa bele” a weumiyeke, Akilale Periskilale hakoinyekoke bele Kengkrea yone bu kaisa naisike Siria kanire ewate. Paulus Allahle a holo koukokene, nebei yone na umaa folainyekoke (yun kombaelu yeuboke).

Kisah 9:27

Mainyekeukokera Saulusle bokore Barnabas meke Yesusle abu ako naei bokore yaweungehoke ekete. Saulus Damsyik yore ewole heene Tuhande erekeunge bele Tuhan Naei a Saulusre uwounge bele nane merau Yesusle ro yae Damsyik yone fere efaei sele kelewoumi bele nemene Barnabas huwewoumi.

1 Korintus 3:6

Reyae mai nolone bolu moloukokale, Apolos yae bu heraeyende, nebeibe Allah yae kitenate naei elae yeumi.

Kisah 18:12

Galio Akhaya kani naei Gubernurre yeuboke hee, Yahudi ro miyae mbainye arileufike Paulusre ikilaiboke, yawainyehoke are kolainye ijende ekate.

Kisah 1:15

Ya mbai mewarileufike nekewate mo, (ro miyae Yesusre hila rabo halewainye yo rorele u mehine mbai bele (120) hului) Petrus are elendere aunguke,

Kisah 11:26

Saulusre hubayeikoke mo, na hibi yaweungehoke Antiokhia yore ekete. Nebei yona Yesusre hila rabore halaeinye yo nolone ralo yakama mbai nekeikoke. Ro miyae helen Yesusle are keleimiyeke. Antiokhia yone Yesusre hakainyekoke mewate yore huba rawaiboke Kristen ro miyae yae kaenewaimi.

Kisah 15:34

Nebeibe Silas naei kena kowole Antiokhia yone nekendere.