Kisah 18:10 - Allahle a neme heteungekoke homofae

¹⁰ Reyae kayaa hebawalene, hi yae ha yae ware beko omokoiboi. Rabuhine ban, nda Korintus yo einya Raei holona ro miyae helen nekate.”

Kisah 18:10 Referans Kwoze

2 Korintus 12:9

Nebeibe Tuhan mae weufe, “Raeinya kena buhae aere ban mae ware haewale yae na hului, rabuhine ban Raei elae wake male yambi bele ro miyae naei uwara na yaka hele enaijakambonde.” Nebeinye Wali Ondofolole elae wake raei ranne na hibi hononde naeise, reyae kena bele roweufehike raei male yambi yae nekale naeise uwa kaerele.

Matius 28:20

Nane merau nebei yore, mare uwamale a hului kelemmile nebei sului yae mokonate. Reyae mare na hibi mo ei haufemembe ende nda kani kela huba mokorende yane.”

Roma 8:31

Nebeinye, Allah haraungeboke mokowole naeise rahe a ma yae na hului elemakonde? Naendae mekai, Allah aei holone uwa engwenendena, ro wende na hului ban aei hande me wenjende?

Yohanes 10:16

Raei domba yoni-yoni hiwa kani hine nekate. Nda domba yaweremibonde hele. Neyae domba holo mbai nendo wanen mbai Raei a elerelere boronate. Nebei holo nanemene holo mbainye inyaibonde, na holeumi ro mbai yembonde.

2 Timotius 4:22

Allahre reyae ebeli banale Yesus Wali Ondofolo waei kena u ei haungete, Naeinya kena buhae aere ban mae henete.

Yohanes 11:52

Nane merau Yahudi ro miyaere mo ban, nebeibe Allahle fa-fa here ware waeibokere arilemmihindere nane merau mbainye mokommibondere Yesus herende.

Matius 10:30

Nane merau ma yunna umaa hebate nanemene Allah me baeukoke.

Lukas 21:18

Nebeibe, mai Allahlena wali henara neyae ehobeikoi sului.

2 Timotius 4:17

Nebeibe Allah rare hakoufeboke raei bokone hebewole wanen mae Naeinya elae yae moi neufehike ro miyae helen bene be rabuleubokale Yesuslena a foi faeu foi nanemene nebei kena nime haba bele are Yahudi ban ro miyae bene na hului kelewamaele. Nebei mekai yaere obo yoku singa euwara yobaiseboke wanen mae here me eisa hole moloufeboke.

Matius 1:23

Yesaya nda mekai a eleukoke, “Maengke yele mbai emale miyae yembonde, kelu fabe hononde. Na ro ronainyebonde niyae: Imanuel.” (Imanuel na mekai: Allah aere ei haweyeume.)

Kisah 15:14

Simon manemfa aere weumekoke, Allah na bere hele Yahudi ban ro miyae nolora ro miyae hiwa eleukoke wekeumi Naei holona ro miyaere inyaibondere. Nebei me u walora Allah keleumeboke Neyae Yahudi ban ro miyaere nou heumi.

Kisah 18:9

Reniai mbai ijoko raneungeboke yae Tuhan Paulusre weunge, “Buhae ohokoijae! Na hibi-hibi huweumile, waei ei mali ahuneijae.

Kisah 18:11

Nebei aerene Paulus Korintus yone ralo yakama mbai bohi bele nekeukoke, Allahle ako faeuko kelewoumi.