Kisah 16:7 - Allahle a neme heteungekoke homofae

⁷ Ekate Misia kanina hee ranne Bitinia kanire enayembondere, nebeibe Allahle Roh yae ewaeisi.

Kisah 16:7 Referans Kwoze

Filipi 1:19

rabuhine ban reyae raeisaei nekale mai ebeli baube bele Yesus Wali Ondofolole Roh hakoyeufe bele yae rare hole moloneisebonde.

Roma 8:9

Nebeibe mai kena u einye Allahle Roh na hele nekendena, mayae bekore kena kaube harayembe elae huluinye wali enekei, nebeibe Allahle Roh yae wembe huluinye wali nekembe. Nane merau Wali Ondofolo yae yeumi Roh kena u einye enekei ro miyae, Wali Ondofolole holona yo ban.

1 Petrus 1:1

Onomi foka mayae Allah yae elembokembe wekembe ro miyae Pontus kanine, Galatia kanine, Kapadokia kanine, Asia kanine, Bitinia kanine, kolo yo wanen mae faeungekoke nekeyaube. Na bere Ako Allah yae roubokembene, mare elembokembe wekembe. Mayae Yesus Wali Ondofolole a elelere hakombe naeise, nane merau Naei ha yae mai kena u yolo-yolo mokonembombe naeise, Allahle Roh yae mokombokembe mayae Allahle u mekai wa mekai huluinye yaeuboke. Reyae Petrus Yesus Wali Ondofolole abu akore yeubokale. Reyae ebeli banale Allah emekai bele yae kena buhae aere ban henembe nane merau rei mai inyembe.

Galatia 4:6

Mayae Allahle kelu omire yaeukokene, Allah Na Kelule Roh ukeunge mai kena ei u eise meke. Naei Roh walora Allahre Ako yae ebeli bonnembe.

Kisah 8:29

Allahle Roh yae Filipusre weunge, “Ndi kereta mele kelaeufe yae nobeinyebo.”

1 Petrus 1:11

Wali Ondofolole Roh nebei yenjo kayaayo walora Yesusre beko enainyehubande naei bele nebeisa hili enainyehebende naei bele are nuleungekoke. Nebei mekai benate naeise nane merau makei yare enjembonde naeise isaeinyaibonde, neyae na hebaen-sebaen hamewainye.

Lukas 24:49

Allah are heteungekoke huluinye Reyae mare Naeinya Roh isembere. Nebeibe mayae nda yone namman nekembe mende Allah Naei elae wake bele ketenembombe.”

Kisah 16:8

Nebei aerene Misia kanine enekei, nebeibe Troas yore ewate.