Kisah 15:12 - Allahle a neme heteungekoke homofae

¹² Paulusle Barnabasle walora Yahudi ban ro miyae nolone roko helen Allah rambun emere-emere mokowole ahuba huwoumine, nebeinye arilewole yo koro ban yaeiboke.

Kisah 15:12 Referans Kwoze

Kisah 14:27

Antiokhia yore ekete hee, nebei yona Yesusre hakainyekoke ro miyae arilaimihike. Hokolo bee naei wali walora Allah me u mokowole ahuba bele Allah nibi wekeunge Yahudi ban ro miyae na hului Yesusre hila rabo halenainyele ahuba bele huwewoimi.

Kisah 15:4

Yerusalem yone mekate hee, nebei jemaatna ro miyae bele Yesusle abu ako bele nane merau nebei jemaatna be yun be yebae bele na foi sele ei hauwaimile, hokolo bee walora Allah me u mokowole yoni-yoni nemene a huwaimi.

Kisah 21:19

Ro melaeyeumiboke mo, Paulusle walora Allah me u Yahudi ro miyae ban nolone ebibi kaban-kaban mokoweke nemene uwoumi.

Yohanes 4:48

Yesus nda rore weunge, “Mayae rambun emere-emere ijoko ereiboinye Reyae Wali Ondofolo yeubokalere mayae hila rabo ehalei sului.”

Kisah 15:3

Antiokhia Jemaatna yo bele yo moinye ekate mo “Moro foi yae embe,” a waimiyeke, nebei yo riyana kulun ukate Fenisia kanira Samaria kanire ewate. Nebei kani beene huwaimi, “Yahudi ban ro miyae helen Yesusre hakowainye.” Yesusre hakainyekoke ro miyae nebei a borowatene rei sele kowate.

Roma 15:18

Yesus Wali Ondofolo raei walora Yahudi ban ro miyae yaweremile Allah weumi a huluinye hakonainyele naeise, Wali Ondofololena a foi faeu foi huwamaele nane merau Allahle Roh elae yae ei aufebokene rambun emere-emere mokowale. Nebei bewate rambunde mo reyae a elerele, rambun hiwa a eyelei. Wali Ondofololena a foi faeu foi huwamaele Yerusalem yora huba raweubokale ekale nibi yo yanne Ilirikum yone huba eungemokoukokale.