Kisah 10:9 - Allahle a neme heteungekoke homofae

⁹ Ya heuboke rai sului hokolo name Yope yo nobewainye yae wa, Petrus imae bumare yeuketeke Allahre ebelire bonnelere.

Kisah 10:9 Referans Kwoze

Kisah 6:4

Meyae wa Allahre ebeli boi-boise nane merau Wali Ondofolole walora wali nibi are kelemamiyende.”

Markus 6:46

Here ukera Yesus elure ebeli boikoise ewole.

Markus 1:35

Na rene kaukau fele Yesus aunguke, imaera eukuke, aku ban nau ban anuwaufe ewole. Nebeinye Allahre ebeli ekeubowounge.

Matius 27:45

Nebei anuwau hukai me bee oro nen bee hului ouben yeuboke oke hukai name.

Matius 24:17

Holokare okoi ma imae bumana ro miyae rambun imae einya roweise oijae.

Matius 20:5

Nda yo alainyekoke ewate. “Rai hu hului me bee oro nen bee bele (12) nane merau huae rai hukai name hului eukuke oroweke, ro hiwa yo hubayaeikoke mo bena hubayaeikoke a hului yae benen ukeumi.

Matius 6:6

Weyae Allahre ebelire boungehinde hee, wa u mbai yae yowa eise eweufinde, romau ahuneukonde, Arai ereiboi Kiyaere ebeli boungehinde. Wa me u nunne mokoyaere waei Arai yae erete nane merau roibu inyete.

1 Timotius 2:8

Reyae kena kale ro yoni-yoni na kena u yolo-yolo yae ikele han ban mae ebelire bonainyele. (Na bere Yahudi ro miyae nane merau me bumare kaeiboyainyele yae ebeli bowainyele.)

Efesus 6:18

Mehine bee nendo Allahle Roh a wembe hului mai ebeli mahi-mahi nemene na yane baei Allahre bonnembe. Na ranne moloukokale a isaeyaeubokene, Yesus Naei eleukoke wekeumi holona ro miyae nemene naeise u bene foi yae na hibi-hibi ebeli bonnembe.

Kisah 10:3

Ya mbai huae rai hujoko oke name hului yae na ijoko raneungeboke erewole Allahle malaikat na yaka yae erewounge meke weunge, “Kornelius.”