Kisah 10:35 - Allahle a neme heteungekoke homofae

³⁵ Allahle are hubara haeisa yaneyainye nane merau me u foise mokoyate ro miyae Allah ei ammibonde, makei yona bele ban.

Kisah 10:35 Referans Kwoze

1 Yohanes 2:29

Mayae maisaei Yesus Wali Ondofolo Naei wali himaloungeboke! Nebei sului mbai mayae isaeyaeuboke ro miyae na wali ijen nekatena, fa manemfa honate wanen nebei ro miyae na kena u Allahlera honokate.

Kisah 10:2

Kornelius Allahle are hubara haeisa yaneungeke nane merau Nare ei moloungeke. Nebei sului mbai naei imae ei obe einya yo. Ro miyae koufe kalore molowoumi yore eisako meisako nekai hakoumiyeke. Na yane baei Allahre ebeli bainyeke.

Kolose 3:11

Nebei wanen bewatene Yahudi holo, Yahudi ban holo, ro uwa elande folowaimi holo, ro uwa elande ofoloikoi holo, kani hi holo, yangku holo, yebaei bubaei holo, yebaei bubaei ban holo, nebei holona nemene mbai yeuboke. Na bereinya hele Kiyae Wali Ondofolo Niyae, Naei ro miyae nemene na wali einye nekele.

Kisah 15:9

Allah be ijokore ereyei. Na hila rabo halaete walora na beko bako faeinyeumiboke.

2 Korintus 7:1

Aka naei baeke naei, nebei Allah yae hetewounge are eyae isaeyaendebokene, men, uwa bele u bene bele nikire olaeime rambunde moi bulemale. Allahre ei molannene, men, Naei eleuboke wekeumi holona yo naei wali mare haramambonde.

Kolose 1:6

Nebei heera isaeyaeuboke na hele Allah mare kena buhae aere ban mae heyembene me u foi mokoimeyaube, nane merau Wali Ondofolore hila rabo halaeinye ro miyae helen baraimeyate. Nebei wanen mbai baete makeinye makeinye ro miyae Yesusle a foi faeu foise eiborate ijenne.

Kisah 9:31

Saulus eke wa, nebei Yesusre hakainyekoke ro miyae Yudea kanina, Galilea kanina, Samaria kanina nemene buhae osaeiboke. Allahle Roh yae nebei ro miyae naei kena ure hara rorowoumi nane merau elae wake ikeumi. Tuhan mae weumi are ei hauwainye nane merau nebei holona ro miyae emerei-emerei emerewole.

Efesus 5:21

Yesus Wali Ondofolore ei molonnele aerene maise naeise uwa ane nihennehimbe nekembe.

Efesus 1:6

Allah kena buhae aere ban mae heumene aere Na Kelu buhaere heunge Kiyae ikeume. Nebei aerene Allahre buma kaenainyele hili hebenainyele.

Galatia 3:28

Eyae Yesus Wali Ondofolo bele mbainye nekemalene, Yahudina ro miyae, Yunanina ro miyae, yebaei bubaeise nekate yo, ro hosoro, ro holo, miyae holo, nemene Allah mbai yae me baeume.

1 Korintus 12:13

Rabuhine ban eyae nanemene, Yahudi ro miyae, Yunani ro miyae, yebaei bubaei yo, yebaei bubaei ban yo, uwa mbainye eise Roh mbai yae bu koumekoke. Aei wali einye Allahle elae na hibi-hibi yaromale naeise, bu anande wanen mae, Wali Ondofolo yae eyae nemene naei Roh mbai ikeume.

Roma 3:22

Nebei wali nibi neme nda ma: Yesus Wali Ondofolo Naei a elelere Yahudi ro miyae bele Yahudi ban ro miyae bele hila rabo halaeinye ro miyae, Allah yae wali himalainyeboke yo yae me baemmile,

Roma 2:13

Rabuhine ban Musale walora wali heere folaikoke are huba man sele isaeyaeikoke yore wali himalainyeboke yae me ebaei, nebeibe Musale walora wali heere folaikokere hubara haeisa yanainye ro miyaere Allah yae wali himalainyeboke yo yae me baende.

Lukas 1:28

Nebei malaikat Mariale bokore eke mo weunge, “Allah ware onomi foka yae ei hawenewende, wangkele mbainye nekefobe.”

Filipi 3:3

Na bere Allah ro uwa elan nainyehake ro miyaere Naei holona yo yae me baeuboke. Nebeibe nda hee eyae Allahle Roh aei kena eisa elele huluinye Allahre ei molomande nane merau Yesus Wali Ondofolore hili hebannele ro miyaere Allah me baeume, na hele ro uwa elan nainyehake ro miyae wanen.

Kisah 10:28

Petrus nebei yore weumi, “Mayae nemene maisaei bangka mo, meyae Yahudi ro miyae wali heere foloukoke huluinye Yahudi ban ro miyae bele mbainye enekei nane merau mbainye a elei. Nebeibe Allah meke rare keleufeboke ro miyae nde-nde nemene reyae niki bele kanau bele yae nane merau ele moise yae woke a yae eleyeijae.

Roma 2:14

Yahudi ban ro miyae Musale walora wali heere folaikoke a naeisaei ban selebe, nebeibe honate huluinye mokonatena, neyae kelaeimi naei kena une wali heere folaikoke mbaibe honainye.