Ibrani 8:10 - Allahle a neme heteungekoke homofae

¹⁰ Bena ya mendene, Reyae nda wali himalainyeboke yo yae me baeremile nibi Israel ro miyaere a heteremikonde. Nebei yo naei u bene wa bene einye Raeinya wali heere foloukokale are haufemile nane merau naei kena u einye nebei a eremolongkonde. Reyae naei Allahre isebonde, nebei yo Raei ro miyaere inyaibonde.

Ibrani 8:10 Referans Kwoze

2 Korintus 3:3

Wali Ondofolole a foi faeu foi mai nolone huwewayembe hee, Allah Walilole Roh elae mokombokembe mai kena ura na hele elaukoke. Mai u mekai neme nekeimeyaube huluinye kelaeumi Wali Ondofolo Naei kaliare maei walora mokole. Nebei homofae tinta yae ban nane merau ruka ranne molaikoke ban, nebeibe mai u mekai wa mekai neme yae.

1 Petrus 2:9

Nebeibe mayae nebei wanen ban. Mayae Allahre onewaungene ouben hauben nolone nekewaube hee, Allah kaenengkokembe nebei walira maubaleke, Naei hehe foi sele nolone maweuboke. Ro miyae bene Allahre buma kaennele naeise, Allah mare elembokembe nda ma ro miyaere yembombere: Wali Ondofolole imam holona ro miyae, Allahre mo ei molainye yohona ro miyae, Naei holona hele ro miyae.

Roma 11:27

Allahle homofaene anuwau hine Yahudi ro miyae naeise Allah nda a eleukoke: “Reyae nda a heteungekokale, naei u mekai beko yoni-yoni faeinyeremibonde.”

Yakobus 1:21

Nebeinye mai u bene niki bele u mekaise bene enekeijae nane merau bekore kena haehae koimeyaube hului omokoyeijae. Yesus Naei a elelere mai kena une isaeyaeuboke. Nebei are kena nime haba yae ei hawennele, rabuhine ban nebei a elele yae na hului mai wali hole molonembombe.

Titus 2:14

Nana hesele ro miyae naei me beko u beko mokowate huluinye ehee bukulu emmihayendera hole molommebonde naeise, nane merau ro miyae kuyemmile Naei holo mbaise mokombonde naeise, Yesus mehauwae na wali kinyeumiboke. Ro miyae holo mbai me foi u foise mokonatere kena kaban koyate yore Yesus baele.

1 Petrus 1:23

Rabuhine ban mayae fa manemfa honate wanen mai kena u benen neme honongkokembene, wali nemebe nekaube. Allahlera nebei wali neme ijewoumi, huba ban haei ban ako faeuko Wali Ondofolole walora huwoumi. Nebei ako faeukore hila rabo halaeube yae mayae Allah bele ewaheikoi, nebeibe wali hena bona ennekemembe.

Yakobus 1:18

Na bere Yahudi ro miyae ani yele na Allahle kayeene imam yoni-yonire iwaimi. Allah kena koukoke hului Naei mokoukoke rambun yoni-yoni nolora eyae Naei kayee yelena imabonde naeise aere eleuboke wekeume. Wali Ondofolo Naei a elelere hila rabo halemandere kena u neme ikeume, fa manemfa honate kena u neme wanen.

Matius 22:32

‘Abraham mae, Isak yae, Yakob yae, Rare ei molaisele.’ Ro miyae herate yo Rare ei omoloikoi sului. Waline nekate ro miyae yae mo Rare ei moloyaisele. Nebei a keleumekoke herate yo benen walenaibonde.”

Ibrani 11:16

Nebeibe nebei ro miyae kena haehae hele yo yan mbai naei foi sele kiyae, surgana yo foi yan foi niyae. Naei elewole are hakowainyene, nebei ro miyae naei Allah yae enainyeronde naeise Allah fe okoi. Nda holonare Allah yo foi yan foi mbai mokoungehake.

1 Korintus 6:16

Mayae maisaei sele ro mbai uwa naise heyate maengke bele uwa mbainye hononetena, nebei bee mbaise yeiboke. Rabuhine ban Allah homofaene nda mekai moloukoke, “Ro miyae bele uwa mbainye hononetera, mbai yae inyeibonde ((naei kena u aweneikonde)).”