Ibrani 6:6 - Allahle a neme heteungekoke homofae

⁶ nebeisa Yesus Wali Ondofolore moi bulaeinyebokena, na hului ban sele nebei ro miyae a usaei ungainyekondera bensonde na beko bakora benen nulu kennebonde. Rabuhine ban nenaeijae Allahle Kelure benen ohaline bate wanen moibe bulaeinye nane merau mokainyeboke ro miyae bene fe mokoinye.

Ibrani 6:6 Referans Kwoze

2 Petrus 2:21

Na foi sele nebei ro miyae Wali Ondofolole wali nibi a hului nekenate walora wali himalainyeboke yo yae me baemmile ako faeuko oboroiboi yae nekenayende. Na beko hele nebei ako faeuko boronate, isaeinyate, nebeisa nebei Allahle ukeumi ako faeukore moi hainyaikonde.

Ibrani 10:29

Allahle Kelure oro yae hayaeikoke ro miyae beko emekai bele mokowate. Yesus Na ha rileubokene Allah yae nebei ro miyaere Naei u mekai wanen nekate yo yae me baeumiboke Naei a heteungekoke huluinye, nebeibe nebei ro miyae Yesusle hare rabuhi ban mae me baete. Nane merau nebei ro miyae yae Allahle Roh nare kena buhae aere ban mae hewoumi Kiyaele me u foi naeise a beko huwoumi. Nebei u mekai ma ro miyaere Allah ehee bukulu na beko hele yun ran kaembaei ranne emmihayende.

Ibrani 6:4

Nde maenin neyae nda rambun hubawainye: na bere Wali Ondofolole wali hena bona nibi na a foi faeu foise isaeyaeiboke, nane merau hehe yae na kena u einye naeumikoke, roko mbai surgana foi yoni-yoni hubawate, Allahle Roh aumiboke,

1 Yohanes 5:16

Nebei a faeu na meli mekai nda niyae: mai aka baeke homo mbainye oraube nolone ro miyae hi Allah bele ewaheikoi u mekai ma beko mokombondena, mayae nebei ro miyae naeise Allahre ebeli bonnehimbe Allah wali yennele. U mekai beko ma hi mokonnele nebei mokole Kiyae Allah bele waheneikonde, here no unulu bele waheikoke wanen. Nebei ma u mekai beko mayae Allahre ebeli bonnele naeise reyae mare ewei. Allah nda rore wali eyei.

2 Timotius 2:25

Neyae keleumi are na hele ban elate ro miyaere naei kena nime haba yae a usaei waeisaei kelemmile. Rabo haleyae nebei ro miyaere Allah kena kommikondena na u mekai beko mokowatera mon yemmile nulu kenainyebonde, Wali Ondofolole na hele wali nibi a isaeinyaibonde,

Ibrani 12:2

Aei ijokobe Yesusre yae eremande, Naei bune wane hamemande. Neyae Allah Naei a elewolere hila rabo halemande yae nekemale naeise kelewoume nane merau na hibi-hibi kelemmele. Neyae Naeisaei Allahle bokore rei mai yae nekenenderene, kena herauboke yae ohaline baikoke, fere koi-koi here ma. Ohaline baikoke u buhae hubawoungebe, rilibo ban mae hereke, nebeisa Allahle kendan wameran meube reufine ekenekele.

Matius 19:26

Nda yore kaeneumikoke wa Yesus yae weumi, “Ro miyae yae nda rambun omokoi hului, nebeibe Allah yae rambun nanemene na hului mokoikoyele!”

Lukas 11:48

Nebei nibi yae mai yobe naei kamahe naei me u mayae be yae hinaube. Mai yobe naei yae haikoke, mayae bene nekeisi-nekeisi fale haeube.

Ibrani 4:14

Yesus Allahle Kelu surgane ekenekele Kiyae nda hee aei imam kabande yeuboke. Nebeinye, ro miyae hiware huwammi wanen mae, Allahle Kelu Naei a elelere na hibi-hibi hila rabo halemande.

Ibrani 10:26

Eyae isaeyaendeboke Wali Ondofolo aei beko mokowandere faeinyemmebondere nibi mbai mokombonde naeise hereke, nane merau Allah yae Naei a elelere hila rabo halaeinye ro miyae wali himalainyeboke yo yae me baemmele. Nebeibe mehauwae na hibi-hibi u mekai beko mokomalena, nebei beko mokomale faeinyeiboi naei hili era akau era hi u.