Ibrani 5:14 - Allahle a neme heteungekoke homofae

¹⁴ Raman elae ro miyae uwa henaiboyate yo naei. Nebei ro miyae na waline foi naei beko naei hului raisise nenaei nenaei isaeyaeiboke.

Ibrani 5:14 Referans Kwoze

1 Tesalonika 5:21

Nemene fomene umali hubannehimbe, foi kayee ikilennekombe,

Efesus 1:18

Nebei mekai yaere mai u bene wa bene wewe konengkombe nda rambun name isaeyembombe: mbai nendo, Allah mare kaenengkokembene foi sele yoni-yoni hubayengkombere rabo elae halemembe; bee nendo, Naei eleukoke wekeumi holona ro miyae yae Allahre emekai bele hili hebenainyele;

1 Korintus 2:6

Mai nolona Wali Ondofolole eisa uwa henaiboke yore meyae Allahle isaei hebaen kelaemmile, nebeibe nda kani kelana wali beko nibine orate yo naei isaei hebaen bele nda kani kelana rabuhi ban inyaibonde mere mokaimi yo naei isaei hebaen bele meyae ekeleikoi.

Efesus 4:13

Nebei nibi yae eyae nemene kena mbai u mbai yae Allahle Kelu Naei a elelere na hibi-hibi hila rabo halemale nane merau Nare na foi yae ro romambonde. Nebei heene eyae henandeboke ro miyaere imabonde nane merau Wali Ondofolo kena kole hului aei wali walora benate.

Filipi 3:15

Eyae Yesusle einye henandeboke ro miyae nebei u bene mbai nekeyaimele. Nebeibe mai u nolo u kainya u mekai hire u bene mahi nekenayensimbena, Allah Nenaeijae na hului sului nebei rambun naeise yakanengkombe.

Roma 14:1

Ro miyae Wali Ondofolo Naei elele a huluinye nekatene naei waline rahe me u mokonatere kena wauwau koyate yore, mai kena rei mai yae ei annebombe. Naei u bene nekainye are aukaka yae okonnemae.

Matius 5:48

Nebei aerene mai Arai surgane nekele Kiyae naei wali nekele ma, mayae nebei sului mbai wali himalennebombe hele.”

Yakobus 3:2

Eyae nanemene beko meleyae mokoyande. Ro miyae nde ane faeunge beko eleikoinya, nebei kiyae wali himaloungeboke, na hului na uwa kaban kenare kole u mekai beko mokondere hun rannehinde.

1 Timotius 4:7

Relime yoni-yoni bele miyaenale yoni-yoni naeinya ame-ame ahuba huwate belera wauwa wewende. Allah kenare kole huluinye wali ma na hibi mo wauwa releungele.

Ibrani 6:1

Nebeinye, Wali Ondofololena a na bemena kelewaimebe nukemabonde, Wali Ondofolole einye henammebonde naei a usaei wasaei kelaeimene hakomakon. Aei hila rabo aehure raimehike naei a na bere kelewaime nda niyae: Allah bele wahenaikonde u mekai beko mokatera nulu kenainyebonde naei, Allahre hila rabo halenainye naei,