Ibrani 12:22 - Allahle a neme heteungekoke homofae

²² Nebeibe mayae nda anuwau mare mekaube: Sion elu, surgana Yerusalem yo, wali bele Allahle yo yan, malaikat helen bolen hokoumeke rei mai kate anuwau,

Ibrani 12:22 Referans Kwoze

Filipi 3:20

Nebeibe surga aei kani kela niyae. Nebei anuwaufa aei walilo Tuhan Yesus Wali Ondofolo bensonde mendere kena maemae yae rakeyannele.

Galatia 4:26

Nebeibe Allah Abrahamde a heteungekoke a mbai nendo kiyae. Nda a mekai Allahle a elelere hila rabo halainye ro miyae yobuma Yerusalem mae kanainyele. Musale walora wali heere foloukoke naei yebaei bubaeise ebei. Nda ahuneuboke ahubane neyae aei nake miyae Sara wanen yeuboke.

Wahyu 14:1

Nebeisa reyae erale bae, nane Domba Kelu Sion elune hebele nangkele nanembainye hebate ro miyae 144.000. Nebei ro miyae feline nebei Domba Kelu ro bele Naekole Ro bele molaimikoke yo mbai.

Wahyu 21:2

Reyae erale Allahle yo yan Yerusalem neme Allahle mera surgara oke. Yerusalem neme na mekai miyae neme u kamae rileuboke na molore hubainyekondere mokoungehake wanen.

Wahyu 22:19

Nane merau ro miyae nde yae nda homofae na nulainyekoke a kalo ennemolondena, nda homofaene molaikoke walire yeumi o ha bele Allahle yo neme bele nebei ro miyae naei kayeero Allah yarongkonde.

Wahyu 3:12

Hila rabo bekore mokounge elaere melennehande ro miyae Raei Allahre ei mom-mom imaene kose hure inyaibonde. Nebei anuwaufa roko mbai benen eibalei hele. Naei uwane nda ro keli moloremikonde: Raei Allahle Ro, Raei Allahle Yerusalem neme surgara, Raei Allahlera mende yo yan naei ro, Raei Ro neme.

Ibrani 13:14

Rabuhine ban nda kani kelane eyae na hibi mo nekemande yo yan ban, nebeibe Allah mokoungehake yo foi yan foi menyembonde kayeerobe eyae baeimeyande.

Ibrani 11:10

Rabuhine ban Allah yae meraufe raungehike rukara aehure hembonde kusei mahei ban yo yande Abraham rakewolene.

Wahyu 21:10

Nebeisa Allahle Roh yae aufeboke, are weufe malaikat yae yaweufehoke elu mbai kaban sele buma hosoro hele. Nebei elura Allahle yo Yerusalem neme, Allahle mera surgara olebe rare keleufe.

Wahyu 7:2

Malaikat hi kayeero reyae erenale hure kitele anuwaufa yeuwakauboke. Allah wali bele Kiyae na meterai mokole rambunde nda malaikat yae roweimeyele. Malaikat keli nda kani kela bele bu yau bele bekore mokonainyebondere kinyeumiboke yore nebei malaikat yae a elae hele yae kaeneumi, weumi,

Yudas 1:14

Adambe orona mena hokolo mehine bee nendo Henokh yae nda holona ro miyae naei nendahina hele a nuleungekoke. Naei a nda wanen elewole, “Eren! Tuhan Wali Ondofolo na malaikat yolo-yolo helen bolen bele matere.

Ibrani 10:31

U nene hele wali bele Allah yae ehee bukulu hainyemilere enainyehubande.

Ibrani 9:14

emekai bele Allahle kaliare mokomale naeise Yesus Wali Ondofolo hare rileuboke Kiyae Naei a elelere hila rabo halaenne yae aei kena ure faeinyemmele. Allah Hubalo Mandole Roh ukeunge huluinye me beko u beko ban Wali Ondofolo Nauwa hili era akau era wanen mae Allahre ongkou feleungeboke. Aere Allah bele kayee molommebonde naei u bene bekore Wali Ondofolo na hului faeinyemmebonde.

Ibrani 3:12

Aka naei baeke naei, mauware kayaa hebembe benen u mekai beko mokomembera Wali Ondofolo Naei a elelere hila rabo ehaleinye, Allah wali bele Kiyaere moi bulennebombe belene.

1 Tesalonika 1:9

Maere na foi yae yawaumeboke a, nane merau na bere hoime bahere ei molowaumilera bukauboke nda hee Allah wali nekele bele a na hele elele bele Kiyaere ei molaunge a, neyae huwaimi.

Roma 11:26

Nebei nibi yaere Yahudi ro miyae nanemene na wali hole emmimolombonde nda a wanen molaikoke, “Ro miyae wali hole moloiboi Ondofolo Yahudi naei yo kaban, Sion, naei ro miyae nolora mende. Neyae mokommibonde ((Yahudi yobe)) Yakuble orona mena yo benen Allah kena kole huluinye nekenate.”

Roma 9:26

Nane merau, “Nebeinya ro miyae Allahle ro miyae bande elaikoke anuwaunge, nebei ro miyaere Allah wali bele Kiyaele kelu omi yae ro ronayembe.”

Matius 5:35

Nane merau kani kela ro randa a holo okoijae. Rabuhine ban kani kela Allah Naei oro hensen anuwau. Nane merau Yerusalem ro randa a holo okoijae. Rabuhine ban Yerusalem Ondofolo kaban Allah Naei yo yan.

Matius 16:16

Simon Petrus yae weunge, “Weyae Niyae Allah yae oro umaufe heraweubokete Wali Ondofolo, Allah huba ban haei ban nekeimeyele Kiyaele Kelu.”

Efesus 2:19

Nebei mekainye mayae Yahudi ban ro miyae Yahudi ro miyae wanen mbai Allah Naei eleuboke wekeumi holona ro miyaere yaeuboke. Mayae yo meiko-meiko yo ban nane merau ele moinya ro miyae ban.

2 Timotius 4:18

Nane merau honaisebonde naei merau koloyainyera Allah wewe kongkonde, na foi moi yae rowensele, Naei yo yan surgane ensehansebonde. Allahre huba ban haei ban hili hebenainyende. Amin.

Ibrani 11:16

Nebeibe nebei ro miyae kena haehae hele yo yan mbai naei foi sele kiyae, surgana yo foi yan foi niyae. Naei elewole are hakowainyene, nebei ro miyae naei Allah yae enainyeronde naeise Allah fe okoi. Nda holonare Allah yo foi yan foi mbai mokoungehake.