Ibrani 11:40 - Allahle a neme heteungekoke homofae

⁴⁰ Nebei holona bele aengkele naei walire alonainyehande naeise, aei naei wali haraiboise rambun yoni-yoni na foi sele Allah merau raungehike (wali nibi, imam kaban, rambun hiwa bele).

Ibrani 11:40 Referans Kwoze

Wahyu 6:11

Nebeisa nda holona yore malo koko mbai keleumon ma naeise naeise waheumikoke ukeumi, na kena hebaen-sebaen mae nekemmembe mende mare hayengkokembe wanen mai aka baeke, mangkele mbainye Allahle kaliare mokate yo, honaikonde na helen sului na hului yembonde.

Ibrani 8:6

Yesus nda kani kelane imamde omokoi nebeibe surgane mokolene, Naei imamde mokole naei emekai bele bena imam holona yo mokowatera. Allah are heteungekoke nibi neme ro miyaere wali himalainyeboke yo yae me baeyeumi a rande Yesus imamde mokole. Nebei nibi Allah a elaekei sele heteungekoke ranne, Musale walora wali heere foloukoke yae ehameikoi sului.

Ibrani 7:19

Musale walora wali heere foloukokere hakowainye yae Allahle ro be ro yoinye ro miyae mbai sambai wali himaloiboise omokoiboi sului, nane merau nda hee Allah imam kaban neme raneujeke. Naei walora eyae rabo elae halemale na hului Allah bele mbainye nekemale.

Ibrani 9:23

Nebei mekainye Allah ukeumi huluinye nda kani kelana rambun Naei ro be ro yoinye yolo-yolo mokonate naeise, nendahina surgana bune wane hamewaimi obo yoku ha yae mokowaimile, nebeibe surgane wali himaloungeboke Ro na ha ya mokoumiboke.

Ibrani 5:9

Yesus na wali hiyei raneungebokera, ro miyae Neyae weumi a huluinye nekate yo nanemene naei wali hena bona no Kiyae, Yesus Niyae.

Ibrani 7:22

Nebei a holo koukokera Allah are heteungekoke nibi neme ro miyaere wali himalainyeboke yo yae me baemmilere Yesus yae elae mokoungeboke. Nebei nibi neme a na foi sele, Musale walora wali heere foloukoke ara.

Ibrani 11:16

Nebeibe nebei ro miyae kena haehae hele yo yan mbai naei foi sele kiyae, surgana yo foi yan foi niyae. Naei elewole are hakowainyene, nebei ro miyae naei Allah yae enainyeronde naeise Allah fe okoi. Nda holonare Allah yo foi yan foi mbai mokoungehake.