Ibrani 1:13 - Allahle a neme heteungekoke homofae

¹³ Malaikat mbaise Allah yae nda wanen mae eleikoi, “Weyae Raei meube reufina ro bele anuwaunge meinyuweibo mende Reyae Waei yokeijo yoni-yoni beko mokoremibonde Waei oro hensen anuwau wanen mae enaijembonde.”

Ibrani 1:13 Referans Kwoze

Markus 12:36

Era bae Daud nenaei yae Allahle Roh aungebokene eleukoke, ‘Allah yae raei Tuhan Kiyaere weunge, meube reufine mei nuweibo, wa yokeijo nemene mokoremibonde Waei oro kele me kelene mo menai orulembonde?’

Matius 22:44

‘Allah yae raei Tuhande weunge, “Raei meube reufine nuweibo mende Waei yokeijo mokoremibonde waei oro keleene mo menayorulembonde.” ’

Ibrani 1:3

Naei Kelu Allahle nene waewae mbai nane merau Allahle u mekai bele nekele. Rambun nemene fomene Na Kelu elae bele wake bele a elele yae hara nekeunge. Neyae Ro miyae naei beko bako faeinyemmibonde naei nibi mokoubokera Allah surgana nene waewae bele Kiyae Na meube reufine eunguweuboke.

Kisah 7:55

Nebeibe Stefanus Allahle Roh yae maemae koungekoke kiyae. Na ijoko yakure kanele bae Allah Naei one hengko hehe naeukokebe ereke nane merau ro bele anuwau Allahle meube reufine Yesus hebele erewole.

Lukas 20:42

Daud nenaeijae homofae Mazmurne moloukoke, ‘Allah yae Raei Tuhande weunge, Ra meube reufine meinyuweibo,

Wahyu 20:15

Wali hena bona yaronaikonde yo naei homofaene na rore omoloikoi ro miyae bumoko i buloo-buloo belere hekelaikoke.

Lukas 19:27

Mana reyae ninae ondofolore heberelere rare ahi yae elewate yo yawemmibo mai. Ra bene nemene hongko hayengko!’ ”