Filipi 4:20 - Allahle a neme heteungekoke homofae

²⁰ Allah, aei Ako Kiyaere huba ban haei ban hili hebenainyende. Amin.

Filipi 4:20 Referans Kwoze

Roma 11:36

Rabuhine ban nda rambun nemene Allah yae mokoukoke. Naei elae yae nekate, Nare bumane kaenainyele naeise nekate. Nare mbaibe huba ban haei ban hili hebenainyele. Amin.

Wahyu 14:7

Nebei malaikat a elaekei sele kaenele, “Allahre fe faenne, hili hebenne, rabuhine ban Allah ro miyae naei walire hului kolommikonde hee na hului yeubokene. Nare ei molonne! Neyae buma a bele bu yau bele rotebu yoni-yoni bele mokouboke Kiyae.”

Wahyu 7:12

na a bele yae wainye, “Amin! Allahre ro buma hosoro kaeinye bele, hili hebei-sebei bele, isaei hebaen bele, helen foi bele, be hinei-sinei bele, elae wake bele, meli mekai bele huba ban haei ban nekewende. Amin!”

Wahyu 5:12

A kaban lon mae na bulaunge wokainyele elate, “Domba Kelu haiboke Kiyae, Weyae yeisi raeiboi belene na mekai sele elae wake, kuikui maemae, isaei hebaen, meli mekai, be hinei-sinei, hili hebei-sebei, ro buma kaei-kaei, Ware mo kinyenete hakenete!”

Wahyu 1:6

Nebeisa Neyae aere mokoumeboke Naeko Allahle imam yoni-yoni holona ro miyaere yaendeboke, Allahle me kelee u keleene nekemande, Naei kaliare mokomande. Nare mo hili hebenainyende nane merau rambun nanemene huba ban haei ban mae me mokommiyende. Amin.

Yudas 1:25

Allah mbai mo, aei Walilo, aei Tuhan Yesus Wali Ondofolole walora Allah Niyae nene waewae bele angken nuwei na bumana hele nuwele elae wake bele one hengko bele nekenende, na beme fome helera meke nda heene nane merau huba ban haei ban nekenende. Amin.

Filipi 1:11

Mayae Yesus Wali Ondofolo Naei a elelere hubara haeisa yanaunge yae mai wali alonembombe nane merau Yesus kenare kole me u emekai bele mokombe. Nebei aerene Allahre hili ennehebembe nane merau buma ennekaembe.

Efesus 3:21

Jemaat me u mokonate aerene, nane merau Wali Ondofolo me u mokonde aerene, Allahre rimolone yangkone hili hebenainyele. Amin.

Wahyu 11:13

Nebei hee yae oinyeu kaban sele hineubokene, nebei yo kaban fo me beere keraiboke nane merau ro miyae 7000 heraiboke. Hiwa yo buhae hele hokoumibokene, Allah surgane nekele Kiyaere hili hebewainyele.

1 Timotius 1:17

Mana raei kena rowanale yae elerekonde, Allah, Ondofolo Hubalo Mando, huba ban haei ban be hinenainyende, hili hebenainyende. Neyae Allah mbai mo, ijoko yae ekamboi, wali huba ban haei ban Kiyae. Amin.

Filipi 4:23

Reyae ebeli banale aei Tuhan Wali Ondofolo mare kena buhae aere ban mae henembe nane merau Naei kena buhaere mai kena ei u einye hubannembe. Amin.

Roma 16:27

Allah Nembai sele isaei no hebaen no, hi bele ban. Yesus Wali Ondofolole walora Allahre huba ban haei ban hili hebenainyende! Amin.

Matius 28:20

Nane merau nebei yore, mare uwamale a hului kelemmile nebei sului yae mokonate. Reyae mare na hibi mo ei haufemembe ende nda kani kela huba mokorende yane.”

Matius 6:9

Mai ebeli nda wanen mae bonnele, ‘Arai surgane nekeyae, Waei ro nene waewae hele yae mokomayewende.