Filipi 2:28 - Allahle a neme heteungekoke homofae

²⁸ Nebei aerene mai bokore ufende bensonde ende naeise raei kena kaban sele kale. Rabuhire ban reyae raeisaei mayae nangkele hubayengkombene, mai kena rei mai anembombe kombe, nane merau mai naeise raei kena isaisa alalo okoi nekerele.

Filipi 2:28 Referans Kwoze

Yohanes 16:22

Mayae nebei sului mbai, nda hee mayae kena beko u beko yae ambokembe kaube. Nebeibe Reyae berehonde merele mangkele benen hubaimakondene, mai kena u rei mai ennehubambe. Nebei rei mai ro miyae hi yae mai kenara einyukeisai sului.

2 Timotius 1:4

Heere ukende heena wa kena beko u beko ijoko ibo bele yae balewayetere namman u bene nekaise. Mana raei kena rei mai yae maemae konsekondere wangkele benen hubayaekondere.

2 Korintus 2:3

Reyae mai bokore erele hee mai baka ranne huluinye raei kena rowensehimbe yo yae raei kena bekobe mokonsebombe bele, bena homo nebei ma yae moloukokale. Raei kena elae hubanale raei kena rowensehinde mare mokorembombe mai kena rowenensimbe.

Kisah 20:38

Nare benen ehubayeikoi nekenayende a Paulus yae ukoumine nebeinye ro miyae kena beko hele hubawainye. Nebeisa Paulusre bu wakara hainyeboke ewole.

Filipi 2:29

Mayae Tuhande hakaungene Epafroditusre kena rei mai yae ei annebombe. Naeinya wanen ro miyae nanemene mayae ei hawemmile.