Taitasi 2:7 - Panake Pi La: Ula: Buka pita: Kine Pieke Buka7 Naka꞉ kone naka꞉ pilipi hau paeyaota꞉ wanda꞉halima꞉ handaa honda꞉mea pu haena꞉ epeke hau seliapomanu pu hapeke. Naka꞉ pi wala꞉la꞉ hauna꞉ hone wopu wia mo hapeke pitiki pimanu homeke walo hapeke. Gade chapit la |
Wanda꞉halima꞉ neke wekihali hale ekina꞉ handolo hata꞉ ipikita꞉ pa wekie laama꞉na꞉ nakana꞉ma꞉ ota꞉ Ketiso hau moka꞉la꞉ tiaapeke. Koto puluekema꞉ta꞉ naka꞉ pilipi hauma꞉ make naka꞉ lelipi pima꞉ make naka꞉ pukima꞉ homilipi ekima꞉ make naka꞉ hone tulalipi ekima꞉ make naka꞉ tikitiki piki hauma꞉ make koto hau paeyaota꞉ mo pi mineleme wanda꞉halima꞉ ota꞉ handena꞉ lapeke.
Nikana꞉ma꞉ta꞉ mo a꞉mbaasa꞉ haumanu make yaala꞉piki haumanu make hoe nane wina꞉ loloma꞉me. Nikana꞉ma꞉ta꞉ makeaasa꞉ haumanu na pu haloma꞉me. Kutupa Koda꞉na꞉ pi walolo hata꞉ta꞉ ata꞉ka꞉ peake tupa꞉ na walo haloma꞉me. Nikana꞉ma꞉ta꞉ Koda꞉na꞉ leke popelekena꞉ hata꞉ mo ota꞉ pita꞉ wanda꞉halima꞉ opitolo hata꞉ta꞉ epeke tupa꞉ walelememe alo haena꞉ peneme yao walo haloma꞉me.
Nika꞉ honema꞉ ota꞉ hau pelememe laa peneme yaasekena꞉ ta꞉na꞉ma꞉ homoloma꞉ ekita꞉ dupae. Nika꞉ pitoloma꞉ hau paeyao pa꞉ta꞉ta꞉ Koda꞉ma꞉ kita꞉la꞉ yakopiki hau make tikitiki piki hau make pitoloma꞉me. Dupiki hau manuta꞉ do kenkena꞉ hone u lenkena꞉ peaasa꞉eki pa꞉ta꞉ na a꞉pa꞉la꞉me. Pate mo Koda꞉na꞉ a꞉ta꞉ma꞉ homa tamba꞉ mina꞉la꞉ ekima꞉ homeke puma꞉me Dupiki haumanu puma꞉ ekita꞉ mo wanda꞉hali paeyao pa꞉ta꞉ puma꞉pate pa iki pa꞉ta꞉ homeke hone wopu witolo hata꞉ puma꞉me.
wanda꞉halima꞉ epeke hau pia꞉ wanda꞉e aleme wanda꞉ make ipika꞉ wekiwandiki epeke tupa꞉ handeteke haya꞉ wanda꞉ make na handeke da ma꞉nda꞉ wanda꞉hali epemeke handa꞉mea wamo pia꞉tiki pieke wanda꞉ make Ketiso yankeketonu oto nane hata꞉ tamba꞉ mieke wanda꞉ make ka꞉nda꞉ mina꞉la꞉ wanda꞉hali petelea꞉ wanda꞉ make epeke haumanu puluekema꞉ hone wopu u hayeke wanda꞉ make kosa꞉piki wanda꞉ homekema꞉ koto hau paeyao tonka꞉na꞉ apa꞉tao pea꞉tiki pieki handemeka꞉na꞉ta꞉ kota꞉ ipika꞉ biki wape pea꞉peke.