Pilipai 4:22 - Panake Pi La: Ula: Buka pita: Kine Pieke Buka

²² Kutupa do haleme Koda꞉na꞉ wanda꞉hali paeyaoma꞉ make iki pa꞉ta꞉ a꞉taloe la꞉neaasemepate mo Sisana꞉ da pa꞉ta꞉ haleme Ketiso wanda꞉halima꞉ta꞉ a꞉taloe pi ota꞉ wopu la꞉neaasememe.

Pilipai 4:22 Referans Kwoze

Pilipai 1:13

Koto ekima꞉ta꞉ mo hande Sisana꞉ da handeteke haleme a꞉ndeli miniki haliweki paeyaoma꞉ make pa do haleme wanda꞉halima꞉ make I̱ma꞉ Ketisona꞉ e pokaaso hali halo ekina꞉ dipula mea pitalemeke handelememe.

2 Kotindi 13:13

Tekehali Yesu Ketisona꞉ a꞉ta꞉ma꞉ homa tamba꞉ mina꞉la꞉ ekima꞉ make Koda꞉na꞉ pukima꞉ homa꞉la꞉ ekima꞉ make Holi Sipitidina꞉ ta꞉ma꞉ni pita꞉la꞉eki paeyaoma꞉ta꞉ iki ame̱le̱ wina꞉e.

Loma꞉ 16:16

Iki paeyaoma꞉ hande Ketiso wanda꞉halima꞉ pu haloma꞉ tupa꞉ hopula alualu pea꞉pa꞉peke. Ketisona꞉ siosimanu paeyaoma꞉ iki pa꞉ta꞉ a꞉taloe pi la꞉niaasememe.

1 Pida 5:13

Do Ba꞉biloni kenke pa꞉ta꞉ haleme siosi tapaketa꞉ iki tonka꞉na꞉ Koda꞉ma꞉ ma̱leke lila꞉me. Koto siosi tapakema꞉ make ya weki Makama꞉ make iki pa꞉ta꞉ a꞉taloe pi tapaala꞉me.

Hibulu 13:24

Nika꞉ a꞉taloe pi manuta꞉ ika꞉ you haliweki paeyao pa꞉ta꞉ make mo Koda꞉na꞉ wanda꞉hali paeyao pa꞉ta꞉ make la halawapa꞉peke. Do Ideli haleme Ketiso yankeke tonuma꞉ ika꞉ a꞉talo pi iki pa꞉ta꞉ tapaasememe.

Aposolo 9:13

A꞉na꞉naisima꞉ alota꞉ Tekehalio. Do halita꞉ naka꞉ Diutuseleme wanda꞉hali pa꞉ta꞉ tanda tanda hala꞉la꞉eki ma꞉nda꞉ ma꞉nda꞉ma꞉ a꞉pa la꞉tiki pu haleke opu halome leekeme.

3 Dioni 1:14

Yaka honema꞉ta꞉ neke koto kone handolo ipulu hata꞉ pimanu lopana꞉e.

Ma꞉tiu 5:47

Ika꞉ ta꞉ma꞉ni pa꞉ta꞉manu homeke mo ta꞉na꞉ma꞉ homa꞉la꞉ pimanu lo haemeka꞉na꞉ta꞉ kota꞉ ikana꞉ma꞉ kotota꞉ ota꞉ hau pitoloma꞉me laa hone witelemepe. Dia꞉me. Mo pi na miki wanda꞉halima꞉ make ika꞉ ika꞉ kone kutu piki hau pu halememe.

Aposolo 20:38

Ipikana꞉ma꞉ta꞉ ya leke mineke paa na handilimikie leeke handaa a꞉ta꞉ma꞉ wotu homememe. Kutupa mo palai kawaso pa꞉ta꞉ ipiki hatuku pememe.