Pilipai 4:19 - Panake Pi La: Ula: Buka pita: Kine Pieke Buka

¹⁹ Ya Tekehali Koda꞉ma꞉ ipika꞉ ota꞉ aneke hapu haka꞉ta꞉pao ula꞉ ale manuma꞉ ika꞉ wia hapa꞉peke ya꞉la꞉ alemanu paeyaota꞉ Yesu Ketiso pa꞉ta꞉ yama꞉ ana꞉lao ku halieke.

Pilipai 4:19 Referans Kwoze

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.

1 Timodi 6:17

Mo kenke ala꞉ta꞉ ala꞉ta꞉na꞉ hamoko haseme wanda꞉hali pa꞉ta꞉ta꞉ dupiki pi la wia꞉peke. Ika꞉ hakoko na lu make mo a̱i̱ paelo pa꞉la꞉ kenke ale manuna꞉ hone na ti lao hao hapa꞉peke. Kotoeki na pikita꞉ niki ta꞉na꞉ma꞉ homomono epeke alemanu ku hala꞉ Koda꞉ pa꞉ta꞉ hone ti lao hapa꞉peke lapeke.

Kolosi 1:27

Koda꞉na꞉ pulueke hone ula꞉ ekita꞉ ipika꞉ a꞉mbao ula꞉ ekita꞉ ipika꞉ wanda꞉halima꞉ hone wina꞉e hone wita꞉la꞉me. Do napeke wia seliapo piki a꞉mbao ula꞉ ekita꞉ paeyaoma꞉ hone wina꞉ ula꞉ ekina꞉ loa꞉me. Do a꞉mbao ula꞉ ekita꞉ Ketisota꞉ iki pa꞉ta꞉ hala꞉me. Koto ekina꞉ta꞉ ikita꞉ Koda꞉na꞉ pa̱a̱ pa꞉ta꞉ pua halimikie la ala꞉me.

Epesese 3:16

I̱ma꞉ Koda꞉ pa꞉ta꞉ honke alo ekita꞉ dupae. Ipikita꞉ manda hata꞉ tieke hala꞉ ekina꞉ ipikana꞉ma꞉ ikita꞉ puki hana꞉ noka꞉pa honkopu hao hamina꞉yeke Sipitidi wele tonka꞉na꞉ kina꞉yeke honke alome.

Kolosi 3:16

Ketisona꞉ pi ipika꞉ ota꞉ epeke ta꞉ta꞉ ma꞉nda꞉ piki pi paeyaota꞉ ika꞉ puki pa꞉ta꞉ wina꞉ lapa꞉peke. Ika꞉ ika꞉ kone hone lenkene pea wita꞉la꞉eki paeyaoma꞉ walolo make tikitiki yatiki pu alualu pu hapa꞉peke. Mo Baibolona꞉ emelimanu make Tekehali yeiya꞉ laasa꞉ emelimanu make Sipitidima꞉ wala꞉la꞉ emelimanu make paeyaota꞉ ika꞉ puki nane Koda꞉ pa꞉ta꞉ keiyae alo lo hapa꞉peke.

Loma꞉ 8:18

I̱ma꞉ handolo ekita꞉ dupae. Wetepe mo hande kapu tieke handolo poloma꞉ ekima꞉ta꞉ ame do nikana꞉ma꞉ tanda tanda minoloma꞉ ekita꞉ ota꞉ ankulalieke.

Epesese 1:7

Ketiso homeeke ekima꞉ nikita꞉ ka꞉la꞉pa꞉ tapao hamono laata꞉ nika꞉ hoke hau poloma꞉ ekimanu ipika꞉ wema꞉ pa paeyaala꞉me. Koda꞉ ipika꞉ pa hameke a꞉ta꞉ma꞉ homa꞉la꞉ ekita꞉ ota꞉ wopue.

2 Kotindi 4:17

Kutupa do hosiki pa ta꞉ka꞉li minoloma꞉ ka꞉nda꞉ manuma꞉ta꞉ koto ka꞉nda꞉ ota꞉ lombeipiki pa u halopa꞉la꞉ seliapo piki pa̱a̱ mea ipilieke.

Loma꞉ 9:23

Kutupa make ipika꞉ pa̱a̱ pa꞉la꞉eki tieke pu hala꞉eki waluekema꞉ hone piekeme. Koto ekita꞉ ipikana꞉ma꞉ a꞉ta꞉ma꞉ homa꞉la꞉ wanda꞉hali niki pa꞉ta꞉ teli teli peaala꞉me. Koto hande teli teli peaala꞉ pa̱a̱ pa꞉la꞉eki tieke pu hala꞉ ekita꞉ miomonoyeke niki amba꞉la tikitiki yao hamono la꞉la꞉me.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

Epesese 1:18

I̱ma꞉ yeni pu halo ekita꞉ ika꞉ hone lumbu wia ipika꞉ pa̱a̱ pa꞉la꞉eki handoemena꞉yeke pu halome. Kotoeki handemeka꞉na꞉ta꞉ Koda꞉ma꞉ ipika꞉ pi la꞉ witolo hata꞉ ipika꞉ wanda꞉hali wotu epeaalo pa꞉la꞉ ekimanu ota꞉ seliapo pikieki hone wilimikie.

Epesese 2:7

Koto hande Koda꞉ma꞉ pieke hauta꞉ ipikana꞉ma꞉ pukima꞉ homolo hata꞉ Yesu Ketiso niki pa꞉ta꞉ ka꞉la꞉ ekima꞉ wetepena꞉ halo peleme wanda꞉halima꞉ ipikana꞉ma꞉ ota꞉ pa hameke a꞉ta꞉ma꞉ wopu homo hala꞉eki nate paeyao handa꞉tiki pina꞉ piekeme.

Loma꞉ 2:4

Koda꞉ma꞉ neke pa꞉ta꞉ a꞉ta꞉ma꞉ wopu homaata꞉ naka꞉ hoke hauna꞉ yenki a̱i̱ na kiki yu wia hao hala꞉ ekita꞉ neketa꞉ hone na witele. Koda꞉ma꞉ a꞉ta꞉ma꞉ homa꞉la꞉ ekita꞉ nakana꞉ma꞉ ipiki pa꞉ta꞉ hone ma꞉nda꞉ la꞉ka꞉la꞉ mina haelena꞉yeke pita꞉la꞉me. Koto ekita꞉ iki paeyaoma꞉ hone witolo pelememe.

Kini Pieke 48:15

Kutupa Diosepe epeaaso dupa leekeme. Mo hande yaka apa꞉mei yaapo Eipoloha꞉ma꞉ pita꞉ Aisa꞉ke yaapoma꞉ yeni pu haepeke Koda꞉ma꞉ do weki yaapo epeaena꞉e. Ame do di sikina꞉ kone I̱ hatuku a꞉pa꞉la꞉ Koda꞉ma꞉ ipiliki epeaena꞉e.

Loma꞉ 11:33

Koda꞉na꞉ ipika꞉ hamoko hala꞉ ekita꞉ ota꞉ hone mateke some kiakee. Ipika꞉ epeke hone wita꞉la꞉eki make ipika꞉ handa꞉la꞉eki make kinuku dia꞉me. Ipikana꞉ma꞉ dupa꞉pe laa ala꞉eki manuna꞉ teke manuta꞉ hali epima꞉ handa꞉ wia la kiliepe. Ipikana꞉ma꞉ pita꞉la꞉ haumanu hali epima꞉ handa꞉ tapaapeke ya꞉la꞉pe.

1 Pida 5:1

Iki ame̱le̱ hala꞉ you hali weki pa꞉ta꞉ I̱ make you hali hata꞉ iki pa꞉ta꞉ tikitiki yaasa꞉ pi alome I̱ta꞉ Ketisona꞉ tanda miekeeki handoa꞉ halie. Kutupa mo epolo pa꞉la꞉ pa̱a̱ pita꞉la꞉ ekita꞉ I̱ma꞉ make mulueke.

1 Desalonaika 2:12

Nikana꞉ma꞉ iki sa꞉sa꞉ pea tiaaso make epeke hone u tiaaso make iki sutiaaso puma꞉me. Ikana꞉ma꞉ epeke tupa꞉ hata꞉ Koda꞉ ta꞉na꞉ma꞉ homaamina꞉ iki sutiatiki puma꞉me. Pa ekipeke Koda꞉ma꞉ta꞉ ikana꞉ma꞉ ipika꞉ Kilu Tombuao Hala꞉eki pa꞉ta꞉ hata꞉ ipika꞉ hau puemena꞉ make muemena꞉ make iki wi la꞉la꞉me.

Loma꞉ 1:8

Do pi kini pitolo hata꞉ doeki alome. Ika꞉ Yesu Ketiso pa꞉ta꞉ hone tulaasemeeki kenke wanda꞉hali paeyaoma꞉ opiteleme ekina꞉ I̱ma꞉ iki paeyao pa꞉ta꞉ hone wia Yesu Ketisona꞉ bikina꞉ yaka Koda꞉ pa꞉ta꞉ keiyae pi alome.

Dioni 20:27

Mo Tomasi pa꞉ta꞉ alota꞉ Naka꞉ kiki ma̱lekema꞉ yaka kiki yaapo pa꞉ta꞉ a꞉pa puae. Kutupa naka꞉ kikima꞉ ya pa꞉ta꞉liki pa꞉ta꞉ make a꞉pa puae. Koto ekina꞉ naka꞉ pi na opitele hau paa na piki ota꞉ opua꞉peke leekeme.

Dioni 20:17

Yesuma꞉ ipiki pa꞉ta꞉ alota꞉ I̱ na mina꞉pe. Yaka Apa꞉ pa꞉ta꞉ a̱i̱ na la꞉ka꞉la a꞉meilo ekina꞉ loa꞉me. Yaka kametiti pa꞉ta꞉ yaka pi lawaalo pua꞉peke. Yaka Apa꞉ ika꞉ Apa꞉ make yaka Koda꞉ ika꞉ Koda꞉ make ipiki pa꞉ta꞉ paa la꞉ka꞉la a꞉meinolome lapeke leekeme.

Pailimono 1:4

Pailimono I̱ma꞉ yeni pu moneaaso toma꞉na꞉ta꞉ naka꞉ biki alo hata꞉ta꞉ Koda꞉ pa꞉ta꞉ keiyae pi lo halome.

2 Kotindi 12:21

I̱ paala꞉ pita꞉la꞉ ekita꞉ I̱ pa ipulua꞉ dina꞉ta꞉ yaka Koda꞉ma꞉ta꞉ ika꞉ leke popelekena꞉ I̱ta꞉ wenoko mealieke. Kutupa I̱ma꞉ta꞉ mo amba꞉ hoke hau pimi wanda꞉halita꞉ ika꞉ kikana꞉ haumanu pimieki make ika꞉ hoke hone wimi ekimanu make ika꞉ loke apa꞉taasa꞉ hoke haumanu pimi ekimanu hoki na walemeke ekina꞉ I̱ma꞉ e̱ lolueke hone witolome.

Ma꞉tiu 6:32

Mo Koda꞉na꞉ biki na opimiki wanda꞉halima꞉ta꞉ hoto paeyao koto ale manuna꞉ anke wopu tolu haleme. Pate mo ika꞉ hepeni hala꞉ Apa꞉ma꞉ta꞉ koto alemanu nate paeyao ikana꞉ma꞉ make mu hapa꞉peke ekita꞉ hone ula꞉me.

Pilipai 4:7

Koto ekina꞉ ikana꞉ma꞉ Yesu Ketiso ame̱le̱ tunao haseme ekina꞉ta꞉ mo wanda꞉halina꞉ hone wilimieki ota꞉ lombeipiki Koda꞉na꞉ puki lopaasa꞉ ekima꞉ ika꞉ hone puki yaapo hoeyaama꞉na꞉ epeke tupa꞉ handeteke hao halieke.