Pilipai 4:15 - Panake Pi La: Ula: Buka pita: Kine Pieke Buka

¹⁵ Iki Pilipai wanda꞉halima꞉ta꞉ I̱ma꞉ amba꞉ hande Ketisona꞉ Pi Seliapo waloa꞉ta꞉ mo hande Ma꞉sedonia mina꞉pa꞉lao poa꞉ dina꞉ koto pita꞉ma꞉ siosi tapake ma꞉nda꞉ma꞉ dia꞉ya꞉pate ikana꞉ma꞉ homeke I̱ tamba꞉ muma꞉me laa ota꞉ hone witolo pitememe. Siosi tapake ma꞉nda꞉ma꞉ ika꞉ manima꞉ I̱ ota꞉ na tamba꞉ mimipate ikana꞉ma꞉ homeke koto hau pimime.

Pilipai 4:15 Referans Kwoze

Pilipai 1:5

Pa ekipeke mo amba꞉ hande titi panake pa꞉ta꞉ kone kini pea a꞉pa ame do natena꞉ I̱ma꞉ mo Koda꞉na꞉ Pi Seliapo walono ikana꞉ma꞉ I̱ tamba꞉ mimi hau manuna꞉ hone witolo hata꞉ loa꞉me.

Aposolo 16:40

Polo Sailasi yaapoma꞉ mo dipula da mina꞉pa꞉laota꞉ Lidiana꞉ da pa꞉ta꞉ pepekeme. Ipilikana꞉ma꞉ta꞉ Ketiso wanda꞉hali ame̱le̱ koto pa꞉ta꞉ momba꞉la hata꞉ta꞉ iki pa꞉ta꞉ sa꞉tiaasa꞉ pimanu laata꞉ mo da mina꞉pa꞉lao pepekeme.

Loma꞉ 15:26

Do I̱ polueke alo ekita꞉ mo hande Ma꞉sedonia Kitiki kenke yaapo nane haleme siosi wanda꞉halima꞉ta꞉ mo hande Diutuseleme da nane haleme Koda꞉na꞉ wanda꞉hali pa mandane natehali wanda꞉hali pa꞉ta꞉ mani haluekema꞉ hone wilimi ekina꞉ pulu loa꞉me.

Pilipai 1:7

Koto ta꞉na꞉ma꞉ homolo ekita꞉ ota꞉ a꞉pa꞉la꞉me. Do Koda꞉ma꞉ ka꞉leke pokolo e seliapota꞉ iki ame̱le̱ mandakena꞉ apa꞉tao pokoloma꞉me. Ame do I̱ dipula pilu pita꞉ma꞉ make amba꞉ pa pomu haowa꞉ pita꞉ma꞉ make I̱ma꞉ mo Koda꞉na꞉ Pi Seliapota꞉ honkopu haena꞉ loluekema꞉ ya pima꞉ a꞉nda꞉ litolo hombo peao halo ekita꞉ iki ame̱le̱ apa꞉tao hata꞉ pu haloma꞉me.

Pilipai 1:12

Ya Ketiso yankeke tonuo I̱ma꞉ ya hone pa꞉la꞉ ekita꞉ iki paeyaoma꞉ mo hande I̱ pa꞉ta꞉ a꞉pa pia꞉ ekimanu hone uemena꞉e. Koto hande hau manuma꞉ta꞉ mo Koda꞉na꞉ Pi Seliapo sa꞉sa꞉ na pita꞉la꞉pate ota꞉ kende tupa꞉ wina꞉ ala꞉me.

Pilipai 1:16

Ame do loa꞉ haliwekima꞉ta꞉ mo Pi Seliapota꞉ honkopu haena꞉ loluekema꞉ mo pima꞉ a꞉nda꞉ litolo hombo peao hala꞉ hauta꞉ Koda꞉ma꞉ I̱ pa꞉ta꞉ ka꞉la꞉me hone wilimime. Koto ekina꞉ I̱ pa꞉ta꞉ pukima꞉ homolo hata꞉ mo pi walo halememe.

Pilipai 2:12

Ya yankeke tonuo. Hande I̱ma꞉ iki ame̱le̱ mandake haoma꞉ pita꞉ma꞉ta꞉ ya kakena꞉ homo haeme ekita꞉ epea꞉pate ameta꞉ I̱ iki ame̱le̱ na halo dina꞉ ya kakena꞉ pa homo halimi ekita꞉ kota꞉ koto ekita꞉ ota꞉ titina꞉ haue. Ika꞉ Ketiso haleme ekita꞉ paala꞉ma꞉ make pututuma꞉ homolo hata꞉ pu paeyaaluekema꞉ hone wopu u hapa꞉peke.