Pilipai 4:11 - Panake Pi La: Ula: Buka pita: Kine Pieke Buka

¹¹ Kutupa I̱ma꞉ honumake hali halome hone witolo hata꞉ do pi na alome. Pa ekipeke. Mo ya halo ta꞉ta꞉ ta꞉ta꞉ piki tupa꞉ paeyaona꞉ ta꞉na꞉ma꞉ homuluekema꞉ hone ulume.

Pilipai 4:11 Referans Kwoze

Pilipai 3:8

Koto alemanu homeke dia꞉ya꞉la꞉pate pa ya pu haowa꞉ hau paeyao tapaota꞉ ota꞉ pa alee hone witolome. Pa ekipeke. Mo ota꞉ titina꞉ hauta꞉ ya Tekehali Yesu Ketiso handuluekema꞉ yeke alome. I̱ta꞉ ipika꞉ e pokaasa꞉ hali homeke haluekema꞉ yeke ya pu haowa꞉ hau paeyao kiao baowa꞉me. Ketiso ya Tekehali haena꞉ ta꞉ma꞉ni pea haluekema꞉ yeke mo hande hau paeyaota꞉ pa mo pa tana baasa꞉ punku piki alemanue hone witolome.

2 Kotindi 9:8

Kutupa Koda꞉ma꞉ta꞉ ika꞉ dia꞉ya꞉ tupa꞉ta꞉ ota꞉ haka꞉ta꞉pao wopu kuluekema꞉ aneke hali hala꞉me. Pa ekipeke iki dia꞉ya꞉la꞉ ale ana꞉na꞉ wia hamena꞉yeke make mo mandane epeke haumanu pa꞉ta꞉la꞉la꞉eki ota꞉ haka꞉ta꞉pao wia hamena꞉yeke make loa꞉me.

2 Kotindi 6:10

Nikita꞉ puki hoeyao halemepate hoto paeyao ta꞉na꞉ma꞉ homoloma꞉me. Nikita꞉ nate hali hake nono poloma꞉pate nikana꞉ma꞉ta꞉ mandane wanda꞉hali wopu hamoko haena꞉ aloma꞉me. Nikita꞉ ala꞉ta꞉ ma꞉nda꞉ na wia hake nono poloma꞉pate nikita꞉ ala꞉ta꞉ ala꞉ta꞉ paeyao ana꞉na꞉ kone wia haloma꞉me.

2 Kotindi 8:9

Ikana꞉ma꞉ta꞉ nika꞉ Tekehali Yesu Ketisona꞉ a꞉ta꞉ma꞉ homa tamba꞉ mina꞉la꞉ ekita꞉ hone wilimime. Ipikita꞉ hamoko tieke hayekepate iki tamba꞉ muluekema꞉ yeke ipikita꞉ nate hali au leekeme. Kotota꞉ ipika꞉ natehali au leeke ekima꞉ iki hamoko hawaluekema꞉ pa꞉la꞉me.

Hibulu 10:34

Ikana꞉ma꞉ mo dipula pitimi wanda꞉hali pa꞉ta꞉ make a꞉ta꞉ma꞉ homememe. Kutupa make mandane haliwekima꞉ ika꞉ wia haeme ala꞉ta꞉ ala꞉ta꞉ paeyao pake muluekema꞉ pa꞉ta꞉la꞉ pemekeeki handemeketa꞉ kota꞉ ta꞉na꞉ma꞉ homolo hata꞉ ika꞉ honema꞉ta꞉ pa ota꞉ paeyaapeke na yeke epeke alemanu pa wia haloma꞉me hone witolo hata꞉ pa epeke tupa꞉ hao haememe.

2 Kotindi 11:27

Kutupa nate mandaneeki manuna꞉ta꞉ honkopu paena꞉ kone e wopu pokoa꞉me. Hoto eleke eleke timba꞉ naneta꞉ e pokaaluekema꞉ u na polua꞉me. Nate ma꞉nda꞉ nina꞉ta꞉ I̱ta꞉ tea꞉ma꞉ make ikali na꞉na꞉ma꞉ make homoa꞉me. I̱ta꞉ nate ma꞉nda꞉ nina꞉ta꞉ ne da dau wopu dia꞉yalo hata꞉ pa haowa꞉me.

Luku 3:14

Mandane ami haliwekima꞉ make a꞉pa lota꞉ pitolo hata꞉ alota꞉ Nikana꞉ma꞉ make ekipiki haumanu peomonope lemekeme. Koto lemeke Dionima꞉ iki pa꞉ta꞉ alota꞉ Ma꞉nda꞉na꞉ mani pake muluekema꞉ paala꞉ tiao o yayapiki ekina꞉ pa hameke la꞉ tiaasa꞉eki ota꞉ na pea꞉pa꞉peke. Kutupa ika꞉ e pokaasemeke kita꞉la꞉ yenkita꞉ ana꞉na꞉ kita꞉la꞉me hone wia꞉pa꞉peke leekeme.

Kini Pieke 28:20

Kutupa Dieikopema꞉ Tekehali pa꞉ta꞉ pi la꞉ witolo alota꞉ Kota꞉ neketa꞉ I̱ yaapo haeka꞉na꞉ta꞉ kota꞉ mo I̱ pulu pota꞉ kimisuta꞉ nakana꞉ma꞉ handeteke hao ne make aka꞉ make kika꞉na꞉ta꞉