Pilipai 3:18 - Panake Pi La: Ula: Buka pita: Kine Pieke Buka

¹⁸ Ame do lolo polo pita꞉ I̱ma꞉ amba꞉ iki pa꞉ta꞉ hoto eleke eleke wopu la ku haowa꞉pate ameta꞉ I̱ma꞉ e̱ alo alo hata꞉ paa ta la kitolo handa꞉e. Mandane wanda꞉hali ika꞉ pu haleme hauma꞉ kone mo a꞉ka꞉tei wapepiki ti manda Ketiso homa꞉la꞉eki pa꞉ta꞉ ikita꞉ a꞉nda꞉ tunkulao haena꞉ lo haleme.

Pilipai 3:18 Referans Kwoze

Epesese 4:17

Koto ekina꞉ Tekehalina꞉ bikina꞉ I̱ma꞉ iki pa꞉ta꞉ do pi tieke wotu alome. Hande pi na miki wanda꞉hali haleme tupa꞉ na hapa꞉peke.

Ka꞉leisia 6:12

Mo ikana꞉ma꞉ sekemesaisi hau puemena꞉ yeke ti aleme wanda꞉halima꞉ta꞉ ika꞉ biki mea a꞉meiyaaso hata꞉ kone pa mo yonkeleke manda pita꞉la꞉ hauna꞉ hakoko liki pimanu loluekema꞉ yeke alememe. Kutu pita꞉la꞉ ekita꞉ ikana꞉ma꞉ mo Yesu homeeke kolosuna꞉ pi walaemeka꞉na꞉ta꞉ mandane Diu tapakema꞉ iki pa꞉ta꞉ ka꞉nda꞉ halaama꞉na꞉ yeke pa yanaaso do manda yonkelekena꞉ pita꞉la꞉ hau pu halememe.

Ka꞉leisia 2:14

Koto haliweki ikita꞉ mo panake pi seliapoma꞉ wala꞉la꞉ tupa꞉ tikitiki na pemekeeki handa I̱ma꞉ iki paeyaona꞉ leke popelekena꞉ Pida pa꞉ta꞉ alota꞉ Neketa꞉ Diu hali halepate kone nakana꞉ma꞉ Diu hali dia꞉ma꞉ pa mo Diendaili tapake haleme tupa꞉ kone haeme. Koto pele ekina꞉ta꞉ eki epi tekena꞉ nakana꞉ma꞉ mo Diendaili tapake Diu tapake leke haena꞉ tialo alepe.

Ka꞉leisia 1:7

Koto pimika꞉ta꞉ pateta꞉ I̱ma꞉ta꞉ pi seliapota꞉ ma꞉nda꞉ ota꞉ dia꞉me hone witolome. Koto alo ekita꞉ mandane wanda꞉halima꞉ mo Ketisona꞉ ota꞉ pi seliapo topo topo puluekema꞉ taapelememe.

2 Pida 2:10

Ota꞉ mo ika꞉ ha̱i̱ piki lokena꞉ na꞉na꞉ma꞉ homa꞉la꞉eki pita꞉ Koda꞉na꞉ handeteke hala꞉ ekita꞉ pa pina꞉ma꞉ hone u haleme wanda꞉hali pa꞉ta꞉ loa꞉me. Do yayapikieki wala꞉la꞉ haliwekima꞉ta꞉ ma꞉nda꞉ pa꞉ta꞉ homu na piki ika꞉ homeke hone u hata꞉ oli manda hala꞉ seliapo piki enisolo titita꞉ na handomo tiao halememe. Kotoeki na pikita꞉ pa iki kitao halememe.

1 Desalonaika 4:6

Do ekina꞉ta꞉ hali ma꞉nda꞉ma꞉ ipika꞉ Ketiso yankeke tekipuleke lao hoke hau ma꞉nda꞉ na pea꞉pa꞉peke aleo. Koto pita꞉ iki pa꞉ta꞉ kinki wopu pitolo hata꞉ loma꞉ ekita꞉ dupa. Kutupiki hau pu haleme wanda꞉halita꞉ Tekehalima꞉ wape walieke laa loma꞉me.

Pilipai 1:4

Kutupa ikina꞉ Koda꞉ pa꞉ta꞉ I̱ma꞉ yeni peaaso pita꞉ma꞉ta꞉ ta꞉na꞉ pita꞉ hata꞉ peatiki pu halome.

Ka꞉leisia 5:21

o ma꞉nda꞉na꞉ epeke hauna꞉ mineke panka꞉la꞉eki make o ikali naa keaasa꞉eki make o kima꞉ na homeke hoke ikali nala꞉ haumanu make kutupiki mandane hau ma꞉nda꞉manu make hone wilimime. Amba꞉ iki kinki pua꞉ tupa꞉ ame make paa kinki pitolome. Do alo haumanu pu haleme wanda꞉hali ikita꞉ Koda꞉na꞉ Kilu Tombuao Hala꞉eki pa꞉ta꞉ pua꞉peke na yelieke.

Ka꞉leisia 2:21

Koda꞉na꞉ a꞉ta꞉ma꞉ homa꞉la꞉eki pa꞉ta꞉ I̱ma꞉ kiaaso hata꞉ mo tea꞉ hata꞉ pina꞉e pi na lolueke. Pate ma꞉nda꞉ma꞉ hone witolo hata꞉ta꞉ Koda꞉ yaapo tikitiki yao haluekema꞉ mo pi ula꞉eki manuma꞉ homeke pulueke hone wia꞉ka꞉na꞉ta꞉ kota꞉ Ketisota꞉ pa homeya꞉ka꞉ta꞉me.

2 Kotindi 11:29

Ma꞉nda꞉ a꞉nda꞉ damako pia꞉ka꞉na꞉ta꞉ I̱ make homeke tupa꞉ damako pu halome. Ma꞉nda꞉ a꞉nda꞉ hoke hau pa꞉ta꞉ mea lopaeya꞉ka꞉na꞉ta꞉ kota꞉ I̱ta꞉ ya puki pa꞉ta꞉ ka꞉nda꞉ma꞉ homolome.

2 Kotindi 11:13

Koto haliwekita꞉ ota꞉ aposolo haliweki dia꞉me. Ikita꞉ makeaaso aposolo haliweki hata꞉ ika꞉ pokeleme ena꞉ yayapiki pi laata꞉ ikita꞉ Ketisona꞉ ota꞉ aposolo haliweki leke au lo halememe.

2 Kotindi 2:4

Iki pa꞉ta꞉ tameiya꞉ tapaowa꞉ta꞉ yaka puki ka꞉nda꞉ tieke pitolo hata꞉ tanda tieke pia꞉me. Kutupa e̱ wopu loa꞉me. Mo tameiya꞉ tapaowa꞉ ekina꞉ teketa꞉ ika꞉ puki ka꞉nda꞉ma꞉ homaaluekema꞉ na pua꞉pate ikana꞉ma꞉ I̱ma꞉ iki pa꞉ta꞉ pukima꞉ homoloeki hone uemena꞉yeke pua꞉me.

1 Kotindi 6:9

Hande hoke hau pu haleme wanda꞉halima꞉ Koda꞉na꞉ Kilu Tombuao Hala꞉ ekina꞉ pua꞉peke na ya꞉la꞉ ekita꞉ hone na witelemepe. Ika꞉ kone na makeaapa꞉peke. Mo wanda꞉halina꞉ loke hoeyao haleme wanda꞉hali make toopi tima꞉ wepia ula꞉ ale pa꞉ta꞉ panda꞉ puniao haleme wanda꞉hali make tooli ka꞉tao haleme wanda꞉hali make mo wanda꞉ pa꞉ta꞉ pita꞉la꞉eki hali ma꞉nda꞉ pa꞉ta꞉ kone pu haleme haliweki make kutupu haleme wanda꞉weki make

1 Kotindi 1:18

Hoke hauna꞉ alupulu pa꞉la꞉ wanda꞉halima꞉ta꞉ hande a꞉ka꞉tei wape piki tina꞉ endiaemeke pi pa꞉ta꞉ta꞉ Pa ekie alemepate pa Koda꞉ma꞉ mea da꞉taasa꞉ wanda꞉halima꞉ta꞉ do pi pa꞉ta꞉ta꞉ Koda꞉na꞉ wele pita꞉la꞉ ekie aloma꞉me.

Loma꞉ 9:2

I̱ma꞉ta꞉ yaka wanda꞉hali ota꞉ yaka Diu tapake wanda꞉hali pa꞉ta꞉ hone witolo hata꞉ a꞉ta꞉ tieke pu hala꞉ ekima꞉ ya puki pa꞉ta꞉ tanda pia꞉tiki pu hala꞉me.

Luku 19:41

Yesu mo Diutuseleme da teke pa꞉ta꞉ opolo a꞉pa mo da handolo hata꞉ta꞉ e̱ alo alota꞉

Diudi 1:13

Ikita꞉ mo hande keaasa꞉ dawala homa꞉ handaa ika꞉ yaala꞉ma꞉ na homeke hau manuta꞉ mo hande ikali dakodako peneme yao wala꞉la꞉ ekima꞉ handelememe. Ikita꞉ mo hande pomu lopeleme hombulanka꞉ma꞉ handelememe. Koda꞉ma꞉ta꞉ mo wanda꞉halina꞉ hoto paeyao pa hao halo peleme timba꞉ kitii la꞉papeke da panda꞉ wamo pea wiala꞉me.

2 Desalonaika 3:11

Nikana꞉ma꞉ doeki aloma꞉ ekina꞉ teketa꞉ taa iki tukiki pa꞉ta꞉ mandakena꞉ haleme wanda꞉halita꞉ soka꞉la꞉ pamba pa pitu hata꞉ mandane wanda꞉halina꞉ pita꞉la꞉eki manuna꞉ wakopu tia pomu dupi dupi la꞉tiki pu haleme ekita꞉ opu haloma꞉me.

Aposolo 20:19

I̱ma꞉ta꞉ e̱ alo hata꞉ homu peaata꞉ Tekehalina꞉ hau peaaso hano hande Diu haliwekima꞉ I̱ luekema꞉ taapolo hata꞉ ka꞉nda꞉ma꞉ homaemeeki manuta꞉ handememe lea꞉me.

Ka꞉leisia 6:14

Kutu pu halemepate I̱ma꞉ta꞉ mo nika꞉ Tekehali Yesu Ketiso mo kolosuna꞉ homeeke ekina꞉ homeke hakoko liki pi lolueke. Yesu Ketisoma꞉ kolosuna꞉ homeeke handa ya hone pa꞉ta꞉ta꞉ do kenke hau paeyaota꞉ homeke alema꞉ handa꞉la꞉me. Kutupa make I̱ta꞉ do kenke hauna꞉ta꞉ homa꞉ pa ulume hone witolome.