Pilipai 2:26 - Panake Pi La: Ula: Buka pita: Kine Pieke Buka

²⁶ Ipikana꞉ma꞉ iki a̱i̱ handuluekema꞉ hone wotu u hala꞉me. Kutupa ipiki yeni haasa꞉me pi opelemeeki opitolo hata꞉ ipikana꞉ma꞉ puki tandama꞉ homa꞉la꞉me.

Pilipai 2:26 Referans Kwoze

Pilipai 1:8

Yesuma꞉ wanda꞉hali pa꞉ta꞉ pukima꞉ homa꞉la꞉ tupa꞉ kone iki pa꞉ta꞉ I̱ma꞉ make mandake tupa꞉ pukima꞉ homolo hata꞉ iki ame̱le̱ a꞉pa haowee hone u halome. I̱ma꞉ do alo pita꞉ ota꞉ pi aloeki Koda꞉ma꞉ handa꞉la꞉me.

Epesese 3:13

Ika꞉ ekina꞉ I̱ma꞉ do tanda mea pilua꞉ ekita꞉ kota꞉ iki ka꞉nda꞉ma꞉ na homa꞉pa꞉peke laa I̱ma꞉ iki honke alome. Iki epeaalo pa꞉la꞉ ekina꞉ loa꞉me.

Loma꞉ 12:15

Wanda꞉hali epi amedama꞉ ta꞉na꞉ma꞉ homemeka꞉na꞉ta꞉ kota꞉ ikana꞉ma꞉ make iki ame̱le̱ mandakena꞉ ta꞉na꞉ma꞉ homa꞉pa꞉peke. E̱ aleme wanda꞉hali make ikana꞉ma꞉ make iki ame̱le̱ mandakena꞉ e̱ lapa꞉peke.

Pilipai 4:1

Ya yankeke tonuo. Ikana꞉ma꞉ I̱ma꞉ hande loa꞉ pimanu paeyao hone witolo hata꞉ ika꞉ mo Tekehali pa꞉ta꞉ haleme ekita꞉ ota꞉ taka꞉lao hao hapa꞉peke. O ya yankeke tonuo. Ikita꞉ ya puki piki wanda꞉halie. I̱ma꞉ iki ame̱le̱ mandakena꞉ haluekema꞉ hone wopu pa꞉la꞉me. Ikana꞉ma꞉ I̱ ta꞉na꞉ma꞉ homa꞉ tiao halememe. I̱ma꞉ make iki pa꞉ta꞉ paleke na hao halome.

Loma꞉ 9:2

I̱ma꞉ta꞉ yaka wanda꞉hali ota꞉ yaka Diu tapake wanda꞉hali pa꞉ta꞉ hone witolo hata꞉ a꞉ta꞉ tieke pu hala꞉ ekima꞉ ya puki pa꞉ta꞉ tanda pia꞉tiki pu hala꞉me.

Ma꞉tiu 26:37

Koto laata꞉ ipikana꞉ma꞉ Pida make Sepedina꞉ eiyeke yaapo iki tepo hoeya꞉ nane hatuku peekeme. Kutu polo hata꞉ta꞉ ipika꞉ pukima꞉ tanda tieke minolo hata꞉ ka꞉nda꞉ tiekema꞉ homeekeme.

Ma꞉tiu 11:28

Mo ka꞉nda꞉piki alemanu tia pominolo hata꞉ soka꞉la꞉ma꞉ homa haleme wanda꞉hali paeyao iki pa꞉ta꞉ ya kulu polo hoto pita꞉la꞉ pa꞉ta꞉ ula꞉ma꞉ muemena꞉ I̱ pa꞉ta꞉ a꞉pa꞉peke.

1 Pida 1:6

Ameta꞉ tekipuleke laaseme haumanu make handolo hata꞉ hosikima꞉ ka꞉nda꞉ homo halemepate mo hande Koda꞉ma꞉ wiawala꞉ ale manuna꞉ ta꞉na꞉ma꞉ homo hapa꞉peke.

Pilipai 1:3

Iki hone u moneaaso pita꞉ma꞉ paeyaota꞉ I̱ma꞉ Koda꞉ pa꞉ta꞉ ikina꞉ keiyae pi la꞉tiki pu halome.

Ka꞉leisia 6:2

Ika꞉ ka꞉nda꞉ pa꞉la꞉ ekimanu ika꞉ ika꞉ kone tamba꞉ mu alualu pea꞉pa꞉peke. Kutu piki hau pilimi ekima꞉ta꞉ Ketisona꞉ pi la ula꞉ ekima꞉ la꞉la꞉eki telielememe.

2 Kotindi 9:14

Koto ekina꞉ta꞉ ikana꞉ma꞉ta꞉ pukima꞉ homa꞉la꞉eki tiekema꞉ ikina꞉ yeni peaalimikie. Pa ekipeke mo Koda꞉ma꞉ iki pa꞉ta꞉ ota꞉ anekema꞉ haka꞉ta꞉pake a꞉ta꞉ma꞉ homa꞉la꞉eki ka꞉la꞉ ekina꞉ loa꞉me.

1 Kotindi 12:26

Koto ekina꞉ mo lokena꞉ tunaala꞉ ale homekema꞉ tanda mia꞉ka꞉na꞉ta꞉ kota꞉ mo tunaala꞉ mandane alemanu paeyaoma꞉ make mandakena꞉ tandama꞉ homilimikie. Kutupa ma꞉nda꞉ma꞉ mo lokena꞉ tunaala꞉ ale homeke a꞉nda꞉na꞉ biki yeiya꞉ lea꞉ka꞉na꞉ta꞉ kota꞉ mo lokena꞉ tunaala꞉ mandane alemanu paeyaoma꞉ta꞉ mandakena꞉ ta꞉na꞉ma꞉ homilimikie.

Loma꞉ 1:11

Iki handuluekema꞉ I̱ma꞉ hone wotu pa꞉la꞉me. Mo hande Holi Sipitidina꞉ epeaasa꞉eki ma꞉nda꞉ iki pa꞉ta꞉ teli teli pealuekema꞉ ika꞉ puki taka꞉lao hamina꞉yeke loa꞉me.

Aposolo 21:13

Kutupa Poloma꞉ alota꞉ Ikita꞉ do e̱ e̱ aleme ekima꞉ ya puki hoeyaaluekema꞉ alemepe lea꞉me. I̱ma꞉ta꞉ Tekehali Yesuna꞉ bikina꞉ mo Diutuseleme da nane dipula pituluekema꞉ homeke na loa꞉me. Ota꞉ homuluekema꞉ kone tikitiki yao halome lea꞉me.

Pilipai 2:25

Ya honema꞉ta꞉ nika꞉ Ketiso yankeke Epa꞉pototaitisi iki nane epena꞉ ota꞉ tapaapeke ya꞉la꞉me hone ulume. Ipikita꞉ I̱ yaapo mandakena꞉ Koda꞉na꞉ e pokaaso hata꞉ mo Pi Seliapo hoeyaama꞉na꞉ sa꞉sa꞉ pitolo hata꞉ haopa꞉me. Kutupa ipikita꞉ I̱ tamba꞉ muluekema꞉ ika꞉ pi lawaasa꞉ hali make haya꞉me.

Pilipai 2:27

Ota꞉e ipikita꞉ yeni tieke mea ota꞉ teke pa꞉ta꞉ homea꞉pate Koda꞉ma꞉ ipiki pa꞉ta꞉ a꞉ta꞉ma꞉ homea꞉me. Pa ipiki homeke dia꞉ya꞉pate Koda꞉ma꞉ I̱ma꞉ puki tanda ma꞉nda꞉ma꞉ na homonoyeke I̱ pa꞉ta꞉ make a꞉ta꞉ma꞉ homea꞉me.