Pilipai 2:25 - Panake Pi La: Ula: Buka pita: Kine Pieke Buka

²⁵ Ya honema꞉ta꞉ nika꞉ Ketiso yankeke Epa꞉pototaitisi iki nane epena꞉ ota꞉ tapaapeke ya꞉la꞉me hone ulume. Ipikita꞉ I̱ yaapo mandakena꞉ Koda꞉na꞉ e pokaaso hata꞉ mo Pi Seliapo hoeyaama꞉na꞉ sa꞉sa꞉ pitolo hata꞉ haopa꞉me. Kutupa ipikita꞉ I̱ tamba꞉ muluekema꞉ ika꞉ pi lawaasa꞉ hali make haya꞉me.

Pilipai 2:25 Referans Kwoze

Pilipai 4:18

Do wapena꞉ alo pita꞉ mo hande ikana꞉ma꞉ kimi alemanu molo ekina꞉ iki pa꞉ta꞉ keiyae pi alome I̱ma꞉ haka꞉ta꞉pao molo ekita꞉ ana꞉e alome. Ameta꞉ mo hande Epa꞉pototaitisima꞉ ika꞉ pa kiteleme alemanu paeyao mea a꞉paeyeke handa ya wia halo polo ale manuta꞉ ana꞉na꞉ molome. Koto pa keleme ale manuta꞉ Koda꞉ pa꞉ta꞉ totopo yolepiki hala꞉la꞉ alema꞉ handa꞉la꞉me. Kutupa Koda꞉ma꞉ kutupiki alemanu minolota꞉ ta꞉na꞉ma꞉ homa꞉la꞉me.

Kolosi 1:7

Ikana꞉ma꞉ Koda꞉na꞉ a꞉ta꞉ma꞉ homolo tamba꞉ mina꞉la꞉ ekina꞉ pita꞉ nika꞉ mandake e pokaasa꞉ hali Epa꞉petasi pa꞉ta꞉ mimime. Ipikita꞉ diki tamba꞉ minolo hata꞉ kima꞉ na homeke Ketisona꞉ e epeke tupa꞉ pokaasa꞉ halie.

Pilipai 4:3

Kutupa ya Ketiso ta꞉ma꞉ni epekeo. Neke pa꞉ta꞉ make mo wanda꞉ yaapoma꞉ hone homeke wina꞉ tamba꞉ mia꞉peke alome. Pa ekipeke mo wanda꞉ yaapo make Ka꞉lemiti make mo ya e mandake pokoloma꞉ wanda꞉hali paeyaoma꞉ tonka꞉na꞉ mo Ketisona꞉ Pi Seliapota꞉ peo lao daeyaena꞉yeke I̱ma꞉ iki ame̱le̱ weleke we wopu pea e tieke pokoma꞉me. Koto wanda꞉halina꞉ biki paeyaota꞉ mo Koda꞉na꞉ deto hala꞉ tapakena꞉ biki ula꞉ bukana꞉ wape pa ula꞉me.

1 Kotindi 3:9

Dikita꞉ mandake pa꞉ta꞉ hata꞉ Koda꞉na꞉ e pokaasoma꞉ haliweki halopa꞉me. Kutupa ikita꞉ Koda꞉na꞉ e kone halememe. Kutupa ikita꞉ Koda꞉na꞉ da make halememe.

Pailimono 1:24

Kutaa make ya e mandake pokoloma꞉ haliweki Maka A꞉tisakusi Dimasi make Luku ikana꞉ma꞉ make a꞉taloe alememe.

Hibulu 3:1

Koda꞉ma꞉ wi la꞉ mea haena꞉ la꞉la꞉ ya Ketiso kame tonuo nika꞉ hone tu lao haloma꞉ ekina꞉ yeni peao hala꞉ You hali pita꞉ Koda꞉ma꞉ tapaeyeke hali Yesu peneme yaaso hata꞉ta꞉ ipiki pa꞉ta꞉ hone wopu u hapa꞉peke.

1 Desalonaika 3:2

hata꞉ta꞉ hande Ketisona꞉ Pi Seliapo walolo hali nika꞉ mandakena꞉ Koda꞉na꞉ e pokaasoma꞉ hali dika꞉ kame Timodi tapaopa꞉me. Timodi tapaopa꞉ ekita꞉ mo iki pa꞉ta꞉ a꞉nda꞉ limiki ekina꞉ hali ma꞉nda꞉ paa la꞉ka꞉la peliekeyeke ipikana꞉ma꞉ iki taka꞉lao hata꞉ ika꞉ hone tulaalemeeki daeyamena꞉ petelo epeekeme. Kutupiki a꞉nda꞉ lita꞉la꞉eki manuta꞉ niki pa꞉ta꞉ a꞉pa꞉tiki pilieke laa Koda꞉ma꞉ la꞉ wiekeeki ikana꞉ma꞉ hone wilimime.

Kolosi 4:11

Diosua hande Diasedasi leleme somema꞉ make a꞉talo la꞉neaasa꞉me. Do hone la꞉ka꞉la꞉ meneleme Diu hali tepo homeketa꞉ hande Koda꞉na꞉ kilu tumbuao hala꞉ ekina꞉ I̱ ame̱le̱ e pokoloma꞉me. Kutupa ikita꞉ I̱ wopu tamba꞉ mu halememe.

2 Kotindi 2:13

Pate I̱ta꞉ pomo tieke pia꞉me. Pa ekipeke nika꞉ kame Taitasita꞉ na handa꞉ u hao loa꞉me. Koto ekina꞉ta꞉ I̱ma꞉ta꞉ mo wanda꞉hali pa꞉ta꞉ A꞉taloe laa mo Ma꞉sedonia nane poa꞉me.

Dioni 17:18

Nakana꞉ma꞉ I̱ do kenkena꞉ tapae tupa꞉ta꞉ I̱ma꞉ do haliweki kenke ta꞉ta꞉ ta꞉ta꞉ pa꞉ta꞉ tapaowa꞉me.

Dioni 13:16

Iki pa꞉ta꞉ ota꞉ pi alome. Pa hameke e pokaasa꞉ halima꞉ta꞉ ipika꞉ e teke hali ankulapeke na ya꞉la꞉me. Kutupa pi lolo pena꞉ tapaasa꞉ halima꞉ make ipiki tapaasa꞉ hali kone ankulaapeke na ya꞉la꞉me.

Loma꞉ 16:3

Nika꞉ mandakena꞉ hata꞉ Yesu Ketiso ipika꞉ e pokao haloma꞉ tooli Pisila Akuila yaapo pa꞉ta꞉ a꞉taloe pi make la꞉niaasome.

Loma꞉ 16:9

Nika꞉ mandakena꞉ hata꞉ Ketisona꞉ e pokao haloma꞉ hali Ebanusi ipiki pa꞉ta꞉ make ota꞉ yaka yankeke Sitakusi ipiki pa꞉ta꞉ make a꞉taloe pi la꞉niaasome.

Pilipai 2:26

Ipikana꞉ma꞉ iki a̱i̱ handuluekema꞉ hone wotu u hala꞉me. Kutupa ipiki yeni haasa꞉me pi opelemeeki opitolo hata꞉ ipikana꞉ma꞉ puki tandama꞉ homa꞉la꞉me.