Pilipai 2:13 - Panake Pi La: Ula: Buka pita: Kine Pieke Buka13 Kota꞉ pa ekipeke Koda꞉ma꞉ta꞉ ikana꞉ma꞉ ipika꞉ hone pa꞉la꞉ hau pulu pa꞉la꞉eki peawaluekema꞉ ika꞉ hone pina꞉yeke ika꞉ tukiki pa꞉ta꞉ e pokolo ombu hala꞉me. Gade chapit la |
Nikita꞉ ipika꞉ wanda꞉hali hamono yeke Koda꞉ma꞉ pa꞉ta꞉la꞉ mea wi la꞉la꞉me. Koto hau pieke ekina꞉ teketa꞉ nikana꞉ma꞉ epeke hau puma꞉ ekina꞉ dia꞉pate pa ipikana꞉ma꞉ a꞉ta꞉ma꞉ homolo hata꞉ ipika꞉ hone pieke ekima꞉ kone niki wi la꞉la꞉me. Koda꞉ma꞉ do kenke a̱i̱ na wepia wina꞉ leeke pita꞉ma꞉ta꞉ do a꞉ta꞉ma꞉ homa꞉la꞉ hauta꞉ niki miomono yeke Ketiso Yesu pa꞉ta꞉ yama꞉ wina꞉ leekeme.
Kutu pua꞉pate ame pa I̱ do halo ekita꞉ Koda꞉ma꞉ ipika꞉ pa hameke a꞉ta꞉ma꞉ homa꞉la꞉ ekima꞉ peaala꞉me. Kutupa koto ipikana꞉ma꞉ I̱ pa꞉ta꞉ pa hameke a꞉ta꞉ma꞉ homa꞉la꞉ ekima꞉ta꞉ wele na piki paekie laa pi lapeke na ya꞉la꞉me. Dia꞉me. I̱ma꞉ta꞉ honkopu hao ipika꞉ e pokaaso hata꞉ mo hande aposolo haliweki paeyao kone wetepeaowa꞉me. Kutu pua꞉pate I̱ma꞉ ya kone na pua꞉me. Koda꞉na꞉ pa a꞉ta꞉ma꞉ homa꞉la꞉ ekima꞉ I̱ pa꞉ta꞉ pita꞉ peaeya꞉me.
Nikana꞉ma꞉ koto ekina꞉ hone witolo hata꞉ Koda꞉ pa꞉ta꞉ ikina꞉ yeni peawao haloma꞉me. Koda꞉ma꞉ ipika꞉ hau ikana꞉ma꞉ puemena꞉ wi lea꞉ ekina꞉ ikana꞉ma꞉ koto tupa꞉ ota꞉ ana꞉na꞉ hamena꞉ lena꞉ Koda꞉ pa꞉ta꞉ meme pea yeni peawao haloma꞉me. Koda꞉ma꞉ ikana꞉ma꞉ epeke haumanu puluekema꞉ witeleme hone paeyao ipika꞉ welema꞉ puemena꞉ lena꞉ kutupa make ika꞉ hone tulaaso pitelemeeki pu paeyawaena꞉ yeni peawao haloma꞉me.
Koda꞉ma꞉ta꞉ mo weki yaapota꞉ ma꞉nda꞉ hondo muluekema꞉ ipika꞉ hone wia kone inkiki pa꞉ta꞉ alota꞉ Mupeke wekima꞉ta꞉ wetepe nane wekina꞉ e pokaalieke laa leekeme. Koto leeke pita꞉ mo weki yaapo a̱i̱ na mendiki haena꞉ make epeke hau o hoke hau ma꞉nda꞉ a̱i̱ na piki haena꞉ kone Koda꞉ma꞉ leekeme. Koto ekina꞉ Koda꞉ma꞉ talopu mea haena꞉ la꞉la꞉ ekita꞉ mo weki yaapoma꞉ pipiki ekina꞉ dia꞉ yekepate pa ipika꞉ hone wia kone wi leekeme.
Koda꞉ma꞉ ipika꞉ pa hameke a꞉ta꞉ma꞉ homa꞉la꞉eki I̱ pa꞉ta꞉ kieke handaata꞉ kota꞉ I̱ma꞉ iki paeyao pa꞉ta꞉ pi dupa alome. Naka꞉ kone neke pa꞉ta꞉ hone witolota꞉ I̱ta꞉ ya handoloeki ya haloeki make wanda꞉halina꞉eki ankulao halome laa koto hone na wia꞉peke. Iki homeke homekema꞉ta꞉ ika꞉ ika꞉ kone hosiki yao hone wia hata꞉ Koda꞉ma꞉ ka꞉la꞉ hone tulaasa꞉eki ana꞉na꞉ handaata꞉ hone u hapa꞉peke.