Pilipai 1:8 - Panake Pi La: Ula: Buka pita: Kine Pieke Buka

⁸ Yesuma꞉ wanda꞉hali pa꞉ta꞉ pukima꞉ homa꞉la꞉ tupa꞉ kone iki pa꞉ta꞉ I̱ma꞉ make mandake tupa꞉ pukima꞉ homolo hata꞉ iki ame̱le̱ a꞉pa haowee hone u halome. I̱ma꞉ do alo pita꞉ ota꞉ pi aloeki Koda꞉ma꞉ handa꞉la꞉me.

Pilipai 1:8 Referans Kwoze

Pilipai 4:1

Ya yankeke tonuo. Ikana꞉ma꞉ I̱ma꞉ hande loa꞉ pimanu paeyao hone witolo hata꞉ ika꞉ mo Tekehali pa꞉ta꞉ haleme ekita꞉ ota꞉ taka꞉lao hao hapa꞉peke. O ya yankeke tonuo. Ikita꞉ ya puki piki wanda꞉halie. I̱ma꞉ iki ame̱le̱ mandakena꞉ haluekema꞉ hone wopu pa꞉la꞉me. Ikana꞉ma꞉ I̱ ta꞉na꞉ma꞉ homa꞉ tiao halememe. I̱ma꞉ make iki pa꞉ta꞉ paleke na hao halome.

Loma꞉ 1:9

Do alo ekita꞉ ota꞉ pi aloeki Koda꞉ma꞉ handa꞉la꞉me. Do Koda꞉ta꞉ ipika꞉ Eiyekena꞉ Pi Seliapo walolo hata꞉ yaka tieke pukima꞉ ipika꞉ e pokao halome. Hoto paeyao iki pa꞉ta꞉ hone witolo hata꞉

2 Timodi 1:4

Mo naka꞉ leke pa꞉ta꞉ e̱ pankeke lopo haya꞉eki handoa꞉eki niminaaso hata꞉ neke handuluekema꞉ I̱ma꞉ ta꞉na꞉ pa꞉la꞉me. Kutu pua꞉ka꞉na꞉ta꞉ I̱ma꞉ ta꞉na꞉ tiekema꞉ homulueke.

1 Desalonaika 2:8

Nikana꞉ma꞉ iki pa꞉ta꞉ pukima꞉ homoma꞉ ekina꞉ Koda꞉na꞉ Pi Seliapo homeke homeke iki pa꞉ta꞉ waluekema꞉ hone na uma꞉pate pa nika꞉ hau puma꞉eki make kuluekema꞉ hone uma꞉me. Pa ekipeke iki pa꞉ta꞉ nika꞉ pukima꞉ homoma꞉eki tiekeyeke puma꞉me.

Loma꞉ 9:1

I̱ma꞉ alo ekita꞉ ota꞉ pi alome. I̱ta꞉ Ketisona꞉eki ota꞉ hata꞉ yayapiki pi na alome. Holi Sipitidima꞉ yaka hone pa꞉ta꞉ handeteke haena꞉ I̱ma꞉ta꞉ yayapiki pi aleme laa ya hone pa꞉ta꞉ kone na ala꞉me.

Pailimono 1:12

Koto peleke ameta꞉ I̱ma꞉ ipiki neke pa꞉ta꞉ ya pukima꞉ homoloeki tonka꞉na꞉ epena꞉ alome.

Kolosi 2:1

Ikina꞉ make mo Laodisia wanda꞉halina꞉ make mo I̱ hone na wilimi mandane wanda꞉halina꞉ make iki paeyaona꞉ I̱ma꞉ honkopu tieke hao e pokaaloeki iki la kionoe.

Ka꞉leisia 4:19

Ya wekiwandiki sunuo. Ikana꞉ma꞉ Ketisona꞉ hau muemena꞉yeke ama꞉ma꞉ weki taapolo pila꞉ tupa꞉ I̱ma꞉ iki paa taapolo hata꞉ tanda mua꞉tiki pulume.

Ka꞉leisia 1:20

Do wape pitolo pita꞉ ota꞉ pi alome. Ota꞉ diki honumakesiki I̱ma꞉ yapi alo na loa꞉me. Ota꞉ Koda꞉ma꞉ handa꞉la꞉me.

2 Kotindi 7:15

Koto ekina꞉ta꞉ ipikana꞉ma꞉ iki pa꞉ta꞉ pukima꞉ homa꞉la꞉ ekita꞉ honkopu hao daeyatia pula꞉me. Mo ikana꞉ma꞉ ipika꞉ walea꞉ ekimanu koto kone opua pimime. Kutupa make ikana꞉ma꞉ ipiki paala꞉ma꞉ make pututuma꞉ make homolo hata꞉ handa꞉ mimi ekina꞉ make loa꞉me.

2 Kotindi 6:12

Nikana꞉ma꞉ta꞉ niki pukimanu iki pa꞉ta꞉ na a꞉mbo haloma꞉pate kone pa ikana꞉ma꞉ta꞉ ika꞉ pukimanu niki pa꞉ta꞉ a꞉mbo halememe.

Luku 1:78

Pa ekipeke. Nika꞉ Koda꞉ta꞉ yopu hao hata꞉ niki pa꞉ta꞉ a꞉ta꞉ma꞉ homo hala꞉me. Da panake ka꞉la꞉polo hata꞉ pa̱a̱ peaasa꞉ tupa꞉ta꞉ Koda꞉ma꞉ niki pa꞉ta꞉ da꞉ta꞉la꞉eki kilieke.

1 Dioni 3:17

Mo hamoko halima꞉ ipika꞉ hameke ala꞉ta꞉ ma꞉nda꞉ dia꞉ ya꞉la꞉eki handolo hata꞉ kone hameke pa꞉ta꞉ ipika꞉ puki na halea꞉ka꞉na꞉ta꞉ pa ekieki pea ipikana꞉ma꞉ Koda꞉ pa꞉ta꞉ pukima꞉ homolome laa leliepe.

Pailimono 1:20

Pilisi I̱ma꞉ ta꞉na꞉ma꞉ homonota꞉ kota꞉ nakana꞉ma꞉ mo Tekehali pa꞉ta꞉ hone witolo ya Ketiso kame hata꞉ ya honke loa꞉ ekita꞉ ota꞉ pia꞉peke.

1 Desalonaika 2:5

Nikana꞉ma꞉ iki pa꞉ta꞉ imeke pulueke alo hata꞉ iki pa꞉ta꞉ imeke piki pi na leke kutupa make nikana꞉ma꞉ pasa꞉tei hau puluekema꞉ a꞉mba a꞉mba piki pi make na loma꞉me. Koda꞉ma꞉ make handolo haena꞉ ikana꞉ma꞉ make handememe.

Kolosi 3:12

Ikita꞉ Koda꞉na꞉ wanda꞉halie. Iki pa꞉ta꞉ pukima꞉ homolo hata꞉ ipika꞉eki hamina꞉ ma̱leke lila꞉me. Koto ekina꞉ta꞉ ikana꞉ma꞉ta꞉ dupiki hau manuta꞉ dau leke yama꞉pa꞉peke. Pukima꞉ a꞉ta꞉ma꞉ homa꞉la꞉eki make yankeke pa꞉ta꞉ a꞉ta꞉ma꞉ homolo tamba꞉ mina꞉la꞉eki make kimelema꞉ homa꞉la꞉eki make homu pea hala꞉eki make homu pea yu wia hala꞉eki paeyaoma꞉ loa꞉me.

Pilipai 2:26

Ipikana꞉ma꞉ iki a̱i̱ handuluekema꞉ hone wotu u hala꞉me. Kutupa ipiki yeni haasa꞉me pi opelemeeki opitolo hata꞉ ipikana꞉ma꞉ puki tandama꞉ homa꞉la꞉me.

Pilipai 2:1

Ika꞉ Ketiso pa꞉ta꞉ haleme ekita꞉ iki honkopu hamena꞉ la꞉la꞉pe o ipika꞉ pukima꞉ homa꞉la꞉ ekima꞉ta꞉ ika꞉ hone bamena꞉ la꞉la꞉pe o ikana꞉ma꞉ mo Holi Sipitidi ame̱le̱ ta꞉ma꞉ni pea halemepe o ika꞉ kone pukima꞉ homolo epeke hau pu alualu pelemepe.

2 Kotindi 13:9

Niki damako poloma꞉ dina꞉ta꞉ iki honkopu hao haleme ekima꞉ nikita꞉ ta꞉na꞉ wopu pa꞉la꞉me. Koto ekina꞉ta꞉ iki ota꞉eki a꞉nda꞉ na piki wanda꞉hali hamena꞉ nikana꞉ma꞉ yeni pea꞉tiki pu haloma꞉me.

Ka꞉leisia 3:26

Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.