Pilipai 1:30 - Panake Pi La: Ula: Buka pita: Kine Pieke Buka

³⁰ Ameta꞉ ikana꞉ma꞉ I̱ ame̱le̱ mandakena꞉ ta꞉ma꞉ni pea mo a꞉nda꞉ lita꞉la꞉ ekina꞉ tunao hapa꞉peke ya꞉la꞉me. Mo amba꞉ hande pueke handeme a꞉nda꞉ kone alome. Kutupa ikana꞉ma꞉ ame mo opiteleme a꞉nda꞉ta꞉ koto mandake a꞉nda꞉ kone pa pu halome.

Pilipai 1:30 Referans Kwoze

1 Desalonaika 2:2

Desalonaika nane ipuluekema꞉ hamonota꞉ mo Pilipai da nane hata꞉ niki yaala꞉ma꞉ homaaso hata꞉ niki tanda kimieki make ikita꞉ opimime. Kutu pimipate nika꞉ Koda꞉ma꞉ nika꞉ puki hana꞉ noka꞉paeyeke handaata꞉ niki ame̱le̱ a꞉nda꞉ litolo haena꞉ kone iki pa꞉ta꞉ Koda꞉na꞉ Pi Seliapo a꞉pa waloma꞉me.

2 Timodi 4:7

I̱ta꞉ mo hotoneli kita꞉la꞉ ekina꞉ta꞉ ya wele paeyaoma꞉ epeke tupa꞉ a̱i̱ya pua mo tombo epeke tupa꞉ watao halome. Kutupa make mo ya Koda꞉ pa꞉ta꞉ hone tulaalo ekita꞉ na mina꞉pa꞉lalome.

Hibulu 12:4

Mo hoke hau ame̱le̱ a꞉nda꞉ta꞉ pelemepate mo a꞉nda꞉ pelemeeki peneme yaena꞉ta꞉ ika꞉ lokena꞉ we a꞉nda꞉ na yapa꞉la꞉me.

Dioni 16:33

Do la kitolo pita꞉ ikana꞉ma꞉ I̱ yaapo ta꞉ma꞉ni pea hata꞉ puki lopa꞉niao hamina꞉yeke la loa꞉me. Kenke wanda꞉halima꞉ iki pa꞉ta꞉ tanda kulu pelemepate honkopu hao hapa꞉peke. Do kenkena꞉ pita꞉la꞉ hau manuta꞉ I̱ma꞉ amba꞉ bepolao ulume leekeme.

Peneme Yaeyekeeki 12:11

Ipikita꞉ nika꞉ kame tonuma꞉ mo Sipisipi Ma꞉na꞉ Ikikina꞉ wema꞉ make mo ota꞉ ekie laa waleme ekima꞉ make bepolaya꞉me. Kutupa make ikana꞉ma꞉ ika꞉ da꞉ta꞉la꞉ ekita꞉ pina꞉ pa hoeyao homa꞉la꞉ ekita꞉ pa pulumeke laa lememe.

1 Timodi 6:12

Wanda꞉halima꞉ hoto neli kita꞉la꞉ nate nina꞉ mo hande tombo muluekema꞉ honkopu hao a̱i̱ya pu halememe. Koto tupa꞉ nakana꞉ma꞉ make Koda꞉ pa꞉ta꞉ hone tulaaso hata꞉ naka꞉ deto hala꞉ ekita꞉ mo tombo wataasa꞉ tupa꞉ muluekema꞉ ota꞉ honkopu hao a̱i̱ya pu hapeke. Koto deto hala꞉ ekita꞉ nakana꞉ma꞉ wanda꞉hali wopuna꞉ leke popelekena꞉ Koda꞉ pa꞉ta꞉ hone tulaasome alo hata꞉ peneme yaeketa꞉ kota꞉ Koda꞉ma꞉ muelena꞉yeke neke wi lea꞉me.

Kolosi 1:29

Doeki pu paeyaaluekema꞉ a꞉ yeketa꞉ do I̱ pa꞉ta꞉ e poka꞉la꞉ Ketisoma꞉ kita꞉la꞉ wele wopu piki honkopuma꞉ta꞉ kima꞉ na homeke a꞉ka꞉li apa꞉la꞉ mea baatia pulu honkopu hao e poko halome.

Pilipai 1:13

Koto ekima꞉ta꞉ mo hande Sisana꞉ da handeteke haleme a꞉ndeli miniki haliweki paeyaoma꞉ make pa do haleme wanda꞉halima꞉ make I̱ma꞉ Ketisona꞉ e pokaaso hali halo ekina꞉ dipula mea pitalemeke handelememe.

Kolosi 2:1

Ikina꞉ make mo Laodisia wanda꞉halina꞉ make mo I̱ hone na wilimi mandane wanda꞉halina꞉ make iki paeyaona꞉ I̱ma꞉ honkopu tieke hao e pokaaloeki iki la kionoe.

Hibulu 12:1

Mo hande amba꞉ haeme wanda꞉halita꞉ ameta꞉ niki hopa꞉liao koa leke haleme ekima꞉ta꞉ ika꞉ hone tulaemekeeki niminaa tiaasememe. Kutu peleke handaata꞉ do ame haloma꞉ wanda꞉hali nikita꞉ pa eki pumana꞉pe. Do haumanu pumana꞉e. Mo niki miniki hata꞉ me̱i̱me̱i̱ liaasa꞉ alemanu paeyao make pa mo ta̱la꞉ pelia hasa꞉ hoke haumanu paeyao londa꞉la꞉ mipi bao pomana꞉e. Kutaata꞉ mo Koda꞉ma꞉ peomono yeke telipala꞉ a̱i̱ya꞉ pula꞉ hauna꞉ta꞉ nika꞉ puki hana꞉ noka꞉pa hao hamana꞉e.