Pilipai 1:19 - Panake Pi La: Ula: Buka pita: Kine Pieke Buka

¹⁹ Pa ekipeke mo ikana꞉ma꞉ yeni peao halemeke mo Yesu Ketisona꞉ temokoma꞉ I̱ tamba꞉ mina꞉la꞉ ekina꞉ make I̱ta꞉ dipula da mina꞉pa꞉lao pomu halueke hone ulume.

Pilipai 1:19 Referans Kwoze

Loma꞉ 8:28

Koda꞉ma꞉ta꞉ ipiki pa꞉ta꞉ pukima꞉ homoloma꞉ wanda꞉hali niki ame̱le̱ hata꞉ wetepe pulu pa꞉la꞉ ekimanu epekeeki wina꞉yeke pu hala꞉me. Koto wanda꞉hali nikita꞉ Koda꞉ma꞉ ipika꞉ hone wita꞉la꞉eki peaaluekema꞉ niki wi la꞉la꞉me. Koto pa꞉la꞉ ekita꞉ nikana꞉ma꞉ handoloma꞉me.

Aposolo 16:7

Kutupa Maisia nane teke pa꞉ta꞉ opolo epemekepate Bidinia nane poluekema꞉ pu handemekepate Yesu ipika꞉ Sipitidima꞉ sa꞉sa꞉ piekeme.

2 Kotindi 1:11

Kutupa make niki tamba꞉ minolo yeni peaasome ekima꞉ta꞉ ipikana꞉ma꞉ niki pa tamba꞉ mina꞉ lelimikie. Koto ekina꞉ta꞉ nikina꞉ piteleme yeni paeyaota꞉ hombo pealieke. Kutupa Koda꞉ma꞉ niki epeaalieke. Koto ekina꞉ wopuma꞉ nikina꞉ Koda꞉ pa꞉ta꞉ keiyae lelimikie.

Ka꞉leisia 4:6

Ikita꞉ Koda꞉na꞉ wekiwandiki haleme ekina꞉ta꞉ Koda꞉ma꞉ ipika꞉ wekina꞉ Sipitidita꞉ nika꞉ puki pa꞉ta꞉ pitina꞉ tapaeya꞉me. Mo Apa꞉o. Ya Apa꞉o lo hala꞉ Sipitidita꞉ niki pa꞉ta꞉ tapaeya꞉me.

Loma꞉ 8:9

Kutupu halemepate ika꞉ lokena꞉ hone pa꞉la꞉eki manuma꞉ iki na handeteke hatiki pita꞉la꞉pateta꞉ Koda꞉ ipika꞉ Sipitidita꞉ iki tukiki pa꞉ta꞉ ota꞉ pitia꞉ka꞉na꞉ta꞉ kota꞉ hande Sipitidima꞉ walo hala꞉eki pea꞉tiki pu halememe. Hali ma꞉nda꞉ pa꞉ta꞉ Ketiso ipika꞉ Sipitidi na pitia꞉ka꞉na꞉ta꞉ kota꞉ ipikita꞉ Ketisona꞉eki dia꞉me.

1 Kotindi 4:17

Koto ekina꞉yeke hande Timodita꞉ iki pa꞉ta꞉ tapaasome. Ipikita꞉ yaka pukima꞉ homolo weki hata꞉ta꞉ ipika꞉ Ketiso hala꞉eki make ota꞉eki hala꞉me. I̱ma꞉ Ketiso hata꞉ hau pu haloeki make mo siosi paeyaona꞉ wanda꞉hali paeyao pa꞉ta꞉ walo haloeki make Timodima꞉ ika꞉ hone paa u tiaalieke.

1 Pida 1:11

Ketisona꞉ temokoma꞉ mo potopede haliweki tukiki pa꞉ta꞉ pita꞉ Ketiso ipika꞉ tanda mulu piekeeki make ipika꞉ pa̱a̱ma꞉ telimea epolo piekeeki make la꞉ wia waleeke pita꞉ma꞉ta꞉ ikana꞉ma꞉ koto hau manuta꞉ ekipa handima꞉ ipiliepe laa handuluekema꞉ weiyu taapo haemekeme.

Ka꞉leisia 3:5

Ikana꞉ma꞉ mo pi ula꞉eki manuma꞉ pea꞉pa꞉peke ala꞉eki opua puemena꞉yeke handa Koda꞉ma꞉ ipika꞉ Sipitidi iki pa꞉ta꞉ kiaata꞉ mo na handeke haumanu iki pa꞉ta꞉ peao hala꞉pe o mo pi seliapo opua hone tulaamena꞉yeke handa kutu pu hala꞉pe.

Pilipai 1:18

Koto pa꞉la꞉pateta꞉ Ketisona꞉ pita꞉ pia꞉peke ya꞉la꞉ pota꞉ ula꞉ tupa꞉ waleme ekina꞉ta꞉ I̱ma꞉ ta꞉na꞉ma꞉ homolome. Epeke hone witolo pia꞉ka꞉na꞉ make o epeke hone na witolo pia꞉ka꞉na꞉ make a꞉pa꞉la꞉me. Pina꞉e. Kutupa I̱ma꞉ ta꞉na꞉ma꞉ homolo ombu halueke.