Pilipai 1:17 - Panake Pi La: Ula: Buka pita: Kine Pieke Buka

¹⁷ Mo hande amba꞉ titina꞉ loa꞉ haliwekima꞉ta꞉ Ketisona꞉ bikina꞉ epeke hone na wiki pa ika꞉ biki homeke daeyaluekema꞉ yeke pi walo halememe. Ika꞉ honema꞉ta꞉ I̱ma꞉ do dipula pita꞉ ka꞉nda꞉ mandaneeki mina꞉e laa pi walo halememe.

Pilipai 1:17 Referans Kwoze

Pilipai 2:3

Kutupa make naka꞉ honumake homeke hone witolo o honumake hau o handaena꞉ hau ma꞉nda꞉ na pea꞉pa꞉peke. Kotoeki na pikita꞉ iki paeyao homu pu alualu pea hata꞉ ma꞉nda꞉ pa꞉ta꞉ ika꞉ hauma꞉ta꞉ nika꞉ hau lombei pa꞉la꞉me laa hone u hapa꞉peke.

Pilipai 1:7

Koto ta꞉na꞉ma꞉ homolo ekita꞉ ota꞉ a꞉pa꞉la꞉me. Do Koda꞉ma꞉ ka꞉leke pokolo e seliapota꞉ iki ame̱le̱ mandakena꞉ apa꞉tao pokoloma꞉me. Ame do I̱ dipula pilu pita꞉ma꞉ make amba꞉ pa pomu haowa꞉ pita꞉ma꞉ make I̱ma꞉ mo Koda꞉na꞉ Pi Seliapota꞉ honkopu haena꞉ loluekema꞉ ya pima꞉ a꞉nda꞉ litolo hombo peao halo ekita꞉ iki ame̱le̱ apa꞉tao hata꞉ pu haloma꞉me.

2 Timodi 4:16

Mo pi yokaalu puma꞉ natena꞉ta꞉ I̱ma꞉ ya pua꞉ haumanu waluekema꞉ titina꞉ hombo peaowa꞉ dina꞉ta꞉ mo I̱ tamba꞉ mina꞉la꞉ hali paeyao homeke a꞉nda꞉ na hake iki paeyaoma꞉ I̱ mina꞉pa꞉lao pememe. Koda꞉ma꞉ ika꞉ pimi hoke hauta꞉ hone yonka꞉laena꞉e.

1 Timodi 2:7

Koto pi walono yeke Koda꞉ma꞉ I̱ aposolo hano la꞉la꞉me. I̱ma꞉ yaa pi na alome. Ota꞉ pi alo loa꞉me. Ipikana꞉ma꞉ I̱ta꞉ mo Diendaili wanda꞉halina꞉ moka꞉la꞉ tiaasa꞉ hali hata꞉ta꞉ ipika꞉ ota꞉ pi make mo hone tulaasa꞉eki make walaano yeke hano la꞉la꞉me.

Aposolo 26:24

Kutupa Poloma꞉ koto pi alo haena꞉ Pesitasima꞉ pi anekema꞉ alota꞉ Polo neketa꞉ keaase lea꞉me. Nakana꞉ma꞉ hau paeyao pitele ekima꞉ neke koto mea keaasa꞉ handa꞉e lea꞉pate

Aposolo 26:1

Akatipama꞉ Polo pa꞉ta꞉ alota꞉ Naka꞉ kone pi lapeke ya꞉la꞉me. Lae lea꞉me. Kutupa Poloma꞉ ipika꞉ kiki tindipao pi alo alota꞉

Aposolo 22:1

Kame apa꞉titio. Iki pa꞉ta꞉ I̱ma꞉ ame do alo pi opua꞉pe leekeme.

Luku 21:14

Mo nate a̱i̱ na miki haena꞉ kone titina꞉ amba꞉la ika꞉ lolo polome pina꞉ hone ti na yokulueke laa a̱i̱ telipea꞉peke.

Loma꞉ 2:8

Kutu piliepate mandane wanda꞉halima꞉ta꞉ ika꞉ hone pa꞉la꞉ ekimanu pu hao pa epeke hau pea꞉pa꞉pekeeki kiao hokeeki kone pu halememe. Kutu piki wanda꞉hali pa꞉ta꞉ Koda꞉ma꞉ mineke pankolo hata꞉ hoke yenki halieke.

Pilipai 1:18

Koto pa꞉la꞉pateta꞉ Ketisona꞉ pita꞉ pia꞉peke ya꞉la꞉ pota꞉ ula꞉ tupa꞉ waleme ekina꞉ta꞉ I̱ma꞉ ta꞉na꞉ma꞉ homolome. Epeke hone witolo pia꞉ka꞉na꞉ make o epeke hone na witolo pia꞉ka꞉na꞉ make a꞉pa꞉la꞉me. Pina꞉e. Kutupa I̱ma꞉ ta꞉na꞉ma꞉ homolo ombu halueke.

2 Timodi 2:9

I̱ma꞉ do Pi Seliapo walo halo ekina꞉ ka꞉nda꞉ tieke mu halome. Kutaa make I̱ta꞉ pi yamba꞉la꞉la꞉ hoke hali leke seni puma꞉ tonkao uleke halome. I̱ta꞉ koto pa꞉leke halopate pa Koda꞉na꞉ pita꞉ kutupe seni puma꞉ na tonkao ula꞉me.