Pilipai 1:14 - Panake Pi La: Ula: Buka pita: Kine Pieke Buka

¹⁴ Koto mo Ketiso yankeke tonu anekema꞉ta꞉ mo Tekehali hone wotu tulaena꞉ ya dipula pilu ekima꞉ta꞉ iki wele peaala꞉me. Koto ekima꞉ta꞉ ikana꞉ma꞉ hoto paeyao paala꞉ma꞉ na homeke pipita꞉ pa pua hata꞉ pi wala꞉tiki pu halememe.

Pilipai 1:14 Referans Kwoze

1 Desalonaika 2:2

Desalonaika nane ipuluekema꞉ hamonota꞉ mo Pilipai da nane hata꞉ niki yaala꞉ma꞉ homaaso hata꞉ niki tanda kimieki make ikita꞉ opimime. Kutu pimipate nika꞉ Koda꞉ma꞉ nika꞉ puki hana꞉ noka꞉paeyeke handaata꞉ niki ame̱le̱ a꞉nda꞉ litolo haena꞉ kone iki pa꞉ta꞉ Koda꞉na꞉ Pi Seliapo a꞉pa waloma꞉me.

Kolosi 4:4

Koto polopate kone I̱ma꞉ ota꞉ pea꞉peke ya꞉la꞉ tupa꞉ walono yeni pu hapa꞉peke. Wanda꞉halima꞉ hone wopu ulu peleme tupa꞉ walono loa꞉me.

Pilipai 1:7

Koto ta꞉na꞉ma꞉ homolo ekita꞉ ota꞉ a꞉pa꞉la꞉me. Do Koda꞉ma꞉ ka꞉leke pokolo e seliapota꞉ iki ame̱le̱ mandakena꞉ apa꞉tao pokoloma꞉me. Ame do I̱ dipula pilu pita꞉ma꞉ make amba꞉ pa pomu haowa꞉ pita꞉ma꞉ make I̱ma꞉ mo Koda꞉na꞉ Pi Seliapota꞉ honkopu haena꞉ loluekema꞉ ya pima꞉ a꞉nda꞉ litolo hombo peao halo ekita꞉ iki ame̱le̱ apa꞉tao hata꞉ pu haloma꞉me.

Kolosi 4:7

Nika꞉ kame Tikikasi ipikita꞉ kima꞉ na homeke e poko hala꞉ hali make Tekehalina꞉ ena꞉ pa hameke e pokaasa꞉ yankekema꞉ I̱ma꞉ pitoloeki paeyao la kilieke.

Pilipai 4:1

Ya yankeke tonuo. Ikana꞉ma꞉ I̱ma꞉ hande loa꞉ pimanu paeyao hone witolo hata꞉ ika꞉ mo Tekehali pa꞉ta꞉ haleme ekita꞉ ota꞉ taka꞉lao hao hapa꞉peke. O ya yankeke tonuo. Ikita꞉ ya puki piki wanda꞉halie. I̱ma꞉ iki ame̱le̱ mandakena꞉ haluekema꞉ hone wopu pa꞉la꞉me. Ikana꞉ma꞉ I̱ ta꞉na꞉ma꞉ homa꞉ tiao halememe. I̱ma꞉ make iki pa꞉ta꞉ paleke na hao halome.

Epesese 3:13

Ika꞉ ekina꞉ I̱ma꞉ do tanda mea pilua꞉ ekita꞉ kota꞉ iki ka꞉nda꞉ma꞉ na homa꞉pa꞉peke laa I̱ma꞉ iki honke alome. Iki epeaalo pa꞉la꞉ ekina꞉ loa꞉me.

2 Kotindi 3:12

Nikita꞉ do hone tulao handeteke haloma꞉eki wia haloma꞉ ekima꞉ta꞉ nikita꞉ honkopu wopu haloma꞉me.

2 Kotindi 7:4

I̱ma꞉ta꞉ ikita꞉ ana꞉ pa꞉la꞉me hone ulume. I̱ma꞉ta꞉ ika꞉ piteleme hauna꞉ ta꞉na꞉ma꞉ homa꞉la꞉eki minolome. Nika꞉ ka꞉nda꞉ma꞉ homoloma꞉ ekimanu pa꞉ta꞉ta꞉ I̱ta꞉ hali au la hata꞉ honkopu haasa꞉ ekima꞉ tumbu hala꞉me. I̱ta꞉ ta꞉na꞉ pa꞉la꞉ ekima꞉ tumbaa ankou ala꞉me.

Pilipai 1:20

Ya peawee laa hone tieke pa꞉la꞉ ekita꞉ mo I̱ma꞉ pokono Koda꞉ma꞉ ka꞉la꞉ eta꞉ ota꞉ na mina꞉pa꞉laake nate paeyao make ota꞉ ame do dipula pilu pita꞉ make ota꞉ pipita꞉ pa pua hapeke yelieke la alome. Kutaata꞉ I̱ homoa꞉ka꞉na꞉ make o pa hao haoa꞉ka꞉na꞉ make ya halo hau paeyaoma꞉ mo Ketiso yeiya꞉ lao halueke.

2 Timodi 2:9

I̱ma꞉ do Pi Seliapo walo halo ekina꞉ ka꞉nda꞉ tieke mu halome. Kutaa make I̱ta꞉ pi yamba꞉la꞉la꞉ hoke hali leke seni puma꞉ tonkao uleke halome. I̱ta꞉ koto pa꞉leke halopate pa Koda꞉na꞉ pita꞉ kutupe seni puma꞉ na tonkao ula꞉me.

Maka 3:3

Koto pimipate Yesuma꞉ kiki hapueke endiki hali pa꞉ta꞉ alota꞉ Do pa꞉ta꞉ epoe leekeme.