Pailimono 1:5 - Panake Pi La: Ula: Buka pita: Kine Pieke Buka

⁵ Kutu piki hauta꞉ mo nakana꞉ma꞉ Koda꞉na꞉ wanda꞉hali paeyao pa꞉ta꞉ pukima꞉ homo make kutaa mo Tekehali Yesu pa꞉ta꞉ hone tulao haleeki make opitolo hata꞉ alome.

Pailimono 1:5 Referans Kwoze

Kolosi 1:4

Pa ekipeke. Ikana꞉ma꞉ Yesu Ketiso pa꞉ta꞉ hone tulalemeeki make mo Koda꞉na꞉ wanda꞉hali paeyao pa꞉ta꞉ pukima꞉ homo halemeeki opu hao loma꞉me.

Epesese 1:15

Ikana꞉ma꞉ Tekehali Yesu pa꞉ta꞉ hone tulaalemeeki make Koda꞉na꞉ wanda꞉hali paeyao pa꞉ta꞉ pukima꞉ homelemeeki make I̱ma꞉ opu haota꞉

1 Kotindi 16:1

Ikana꞉ma꞉ mo mandane Diutuseleme haleme Koda꞉na꞉ wanda꞉hali tamba꞉ muluekema꞉ mani amu pulu peleme ekita꞉ I̱ma꞉ mo Ka꞉leisia kenke nane haleme siosimanu pa꞉ta꞉ Dupa꞉pe laa loa꞉ tupa꞉ ikana꞉ma꞉ make pea꞉pa꞉peke.

1 Dioni 3:23

Kutupa ipikana꞉ma꞉ mo niki pa꞉ta꞉ pipee ala꞉ ekita꞉ dupa. Nikana꞉ma꞉ ipika꞉ Eiyeke Yesu Ketiso pa꞉ta꞉ hone tulao hata꞉ make pa mo hande Yesuma꞉ leeke tupa꞉ kone niki ame̱le̱ pukima꞉ homa꞉ alualu pu hapa꞉peke.

Pailimono 1:7

A꞉ta꞉e. Ya kameo. Naka꞉ pukima꞉ homele ekima꞉ ya puki pa꞉ta꞉ ta꞉na꞉ tieke peaya꞉ ekima꞉ hana꞉ noka꞉paeya꞉me. Koto pele ekima꞉ta꞉ nakana꞉ma꞉ mo Koda꞉na꞉ wanda꞉hali paeyaona꞉ puki mea tiawaaleme.

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

Loma꞉ 12:13

Mandane Ketiso yankeke manuma꞉ ota꞉ mea꞉peke yelia꞉ alemanu mea꞉peke na ya꞉ka꞉na꞉ta꞉ kota꞉ ikana꞉ma꞉ ika꞉ wia haleme ekimanu kone telipa ma꞉nda꞉ hala꞉pa꞉peke. Da ma꞉nda꞉ nane haleme Ketiso wanda꞉hali kimisu a꞉pa pitimika꞉na꞉ta꞉ kota꞉ ika꞉ da pa꞉ta꞉ handa꞉ mea peliaapa꞉peke.

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

1 Desalonaika 3:6

Kutu puma꞉pate ameta꞉ Timodi iki mina꞉pa꞉lao paa la꞉ka꞉la a꞉pa ika꞉ epeke pukima꞉ homa hata꞉ make ika꞉ epeke hone tulaalemeeki make niki pa꞉ta꞉ la kia꞉me. Ipikana꞉ma꞉ la kitolo alota꞉ Hoto paeyao ikana꞉ma꞉ niki pa꞉ta꞉ hone wopu witolo hata꞉ nikana꞉ma꞉ iki handuluekema꞉ hone pia꞉ tupa꞉ ikana꞉ma꞉ make niki handuluekema꞉ make homeke hone kone wilimime ala꞉me.