Pailimono 1:10 - Panake Pi La: Ula: Buka pita: Kine Pieke Buka

¹⁰ Ya Ketiso weki homeke Onisimasi pa꞉ta꞉ nakana꞉ma꞉ pulu pele ekina꞉ neke pa꞉ta꞉ honke alome. I̱ do dipula pita꞉ kone ipiki pa꞉ta꞉ Ketisona꞉ pi waloa꞉ ekima꞉ta꞉ I̱ta꞉ ipika꞉ apa꞉ haowa꞉me.

Pailimono 1:10 Referans Kwoze

Kolosi 4:9

Ipiki yaapota꞉ Onisimasi hande kima꞉ na homeke hone tulaala꞉ kame ipula꞉me. Ipikita꞉ ika꞉ tapake halie. Ipilikana꞉ma꞉ta꞉ do pate pita꞉la꞉ hau paeyao la kilieke.

1 Kotindi 4:15

Ika꞉ Ketiso haleme ekina꞉ pi wala꞉la꞉ haliwekita꞉ mo 10 daosenimanu mea haena꞉ lemeka꞉na꞉ta꞉ epolo pa꞉la꞉pate pa ika꞉ apa꞉ta꞉ homekee. Ika꞉ Yesu Ketiso pa꞉ta꞉ haleme ekina꞉ I̱ta꞉ ika꞉ apa꞉ halome. Koto mo Pi Seliapo iki pa꞉ta꞉ mea epolo ekina꞉ loa꞉me.

1 Timodi 1:2

Do wape Timodi neke pa꞉ta꞉ wape pitolome. Mo Koda꞉ pa꞉ta꞉ hone tulaaseme ekina꞉ta꞉ neketa꞉ ota꞉ ya weki haleme. Mo Apa꞉ Koda꞉ pita꞉ Ketiso Yesu nika꞉ Tekehali ipilikana꞉ma꞉ mo tamba꞉ mina꞉la꞉eki make a꞉ta꞉ma꞉ homa꞉la꞉eki make puki lopaasa꞉eki make neke pa꞉ta꞉ kina꞉e.

Ka꞉leisia 4:19

Ya wekiwandiki sunuo. Ikana꞉ma꞉ Ketisona꞉ hau muemena꞉yeke ama꞉ma꞉ weki taapolo pila꞉ tupa꞉ I̱ma꞉ iki paa taapolo hata꞉ tanda mua꞉tiki pulume.

Taitasi 1:4

Koto ekina꞉ do wapeta꞉ mo Taitasi pa꞉ta꞉ wape tapaasome. Mo dika꞉ hone tulaalope ekina꞉ ipikita꞉ ota꞉ ya weki hala꞉me. Mo Apa꞉ hala꞉ Koda꞉ma꞉ make mo nika꞉ da꞉taasa꞉ Ketiso Yesuma꞉ make neke pa꞉ta꞉ a꞉ta꞉ma꞉ homa tamba꞉ mina꞉la꞉eki pita꞉ puki lopao haasa꞉eki yaapo kina꞉e la alome.

Maka 9:17

Wanda꞉hali tukiki pa꞉ta꞉ hayeke hali ma꞉nda꞉ma꞉ ipika꞉ pi hombo peaaso alota꞉ Tekehalio. Yaka weki neke pa꞉ta꞉ hatuku epoa꞉me. Hoke temoko pila꞉ ekima꞉ pi na lo hala꞉me leekeme.

Loma꞉ 12:1

Koto pa꞉la꞉ ekina꞉ yaka kame titio. Koda꞉ma꞉ niki pa꞉ta꞉ a꞉ta꞉ma꞉ wotu homo haleke handaata꞉ I̱ma꞉ iki pa꞉ta꞉ honke aloeki ma꞉nda꞉ta꞉ dupa. Hande hotekemanu lia Koda꞉ pa꞉ta꞉ halemeke tupa꞉ ame ikana꞉ma꞉ta꞉ ika꞉ loke manuta꞉ pa da꞉ta hata꞉ kone Koda꞉ pa꞉ta꞉ hala꞉pa꞉peke. Ikana꞉ma꞉ kutu pimika꞉na꞉ta꞉ kota꞉ ikita꞉ ipika꞉eki hata꞉ta꞉ ipika꞉ e pokaaluekema꞉ make ipiki ta꞉na꞉ma꞉ homaaluekema꞉ make pilimikie. Kutu pita꞉la꞉ hauta꞉ Koda꞉ pa꞉ta꞉ panda꞉puniao ika꞉ temokoma꞉ ota꞉ yeni pita꞉la꞉eki pea꞉pa꞉peke aleo.

1 Kotindi 4:14

Iki pa꞉ta꞉ I̱ma꞉ do wape polo ekita꞉ iki yaala꞉ma꞉ homaaluekema꞉ na pua꞉me. Pate ikita꞉ yaka weki wandiki leke haleme ekina꞉ ika꞉ hone tikitiki yaluekema꞉ pua꞉me.

Pailimono 1:11

Amba꞉ ipikita꞉ naka꞉ epeke e pokaasa꞉ weki na haya꞉pate ameta꞉ neke I̱ diki epeke tamba꞉ mea꞉peke some hala꞉me.

Pailimono 1:13

I̱ma꞉ Yesuna꞉ Pi Seliapo wala꞉tiki pu haoweke handaa dipula do pilume. Do pilu pa꞉ta꞉ nakana꞉ma꞉ I̱ tamba꞉ mulu pele tupa꞉ta꞉ Onisimasima꞉ naka꞉ anke teke mina꞉ ipikita꞉ I̱ yaapo pa haena꞉e laa hone pa꞉la꞉me.

3 Dioni 1:4

Naka꞉ hoto paeyao mo hande ota꞉eki pa꞉ta꞉ hao hale tupa꞉ loa꞉me. Yaka weki wandikita꞉ mo ota꞉eki pa꞉ta꞉ halemeeki opitoloeki homekema꞉ I̱ta꞉ ta꞉na꞉ wopu peaasa꞉me.