Pailimono 1:1 - Panake Pi La: Ula: Buka pita: Kine Pieke Buka

¹ Polo I̱ta꞉ Yesu Ketiso hone witolo hata꞉ dipula polo hali I̱ make nika꞉ kame Timodi dikana꞉ma꞉ mo dika꞉ e yankeke some Pailimono neke pa꞉ta꞉ wape pitopa꞉me.

Pailimono 1:1 Referans Kwoze

Epesese 3:1

Koto pa꞉la꞉ ekina꞉ I̱ Poloma꞉ta꞉ iki Diendaili wanda꞉hali ika꞉ e pokaowa꞉ ekina꞉ Yesu Ketiso ipika꞉ dipula hali hata꞉ta꞉ Koda꞉ pa꞉ta꞉ yeni pu halome.

Pailimono 1:9

paa neke pa꞉ta꞉ pukima꞉ homolo ekima꞉ pa honke ala꞉eki homeke pitolome. Do honke alo ekita꞉ I̱ Polota꞉ koke hali hata꞉ kone pa Yesu Ketisona꞉ e pokoeke handaa dipula mea pitaalemeke pita꞉ kone alome.

Kolosi 1:1

I̱ta꞉ Poloma꞉ mo hande Koda꞉na꞉ hone pa꞉la꞉ ekina꞉ Yesu Ketisona꞉ aposolo hali hata꞉ make nika꞉ kame Timodi dikana꞉ma꞉ do tameiya꞉ a꞉paasopa꞉me.

Pilipai 2:25

Ya honema꞉ta꞉ nika꞉ Ketiso yankeke Epa꞉pototaitisi iki nane epena꞉ ota꞉ tapaapeke ya꞉la꞉me hone ulume. Ipikita꞉ I̱ yaapo mandakena꞉ Koda꞉na꞉ e pokaaso hata꞉ mo Pi Seliapo hoeyaama꞉na꞉ sa꞉sa꞉ pitolo hata꞉ haopa꞉me. Kutupa ipikita꞉ I̱ tamba꞉ muluekema꞉ ika꞉ pi lawaasa꞉ hali make haya꞉me.

1 Kotindi 3:9

Dikita꞉ mandake pa꞉ta꞉ hata꞉ Koda꞉na꞉ e pokaasoma꞉ haliweki halopa꞉me. Kutupa ikita꞉ Koda꞉na꞉ e kone halememe. Kutupa ikita꞉ Koda꞉na꞉ da make halememe.

2 Timodi 1:8

Mo nika꞉ Tekehalina꞉ pi walawasa꞉ ekina꞉ta꞉ nakana꞉ma꞉ yaala꞉ma꞉ na homa꞉peke. Kutaa make I̱ mo Ketisona꞉ e pokawa꞉ ekina꞉ dipula mea pitaalemeke pilu ekina꞉ neke yaala꞉ma꞉ na homa꞉peke. Kotoeki na pikita꞉ mo Koda꞉ma꞉ ka꞉la꞉ wele tapu hata꞉ mo Pi Seliapo wala꞉la꞉ ekina꞉ ka꞉nda꞉ta꞉ I̱ yaapo mandake mea tia hapana꞉e.

1 Desalonaika 3:2

hata꞉ta꞉ hande Ketisona꞉ Pi Seliapo walolo hali nika꞉ mandakena꞉ Koda꞉na꞉ e pokaasoma꞉ hali dika꞉ kame Timodi tapaopa꞉me. Timodi tapaopa꞉ ekita꞉ mo iki pa꞉ta꞉ a꞉nda꞉ limiki ekina꞉ hali ma꞉nda꞉ paa la꞉ka꞉la peliekeyeke ipikana꞉ma꞉ iki taka꞉lao hata꞉ ika꞉ hone tulaalemeeki daeyamena꞉ petelo epeekeme. Kutupiki a꞉nda꞉ lita꞉la꞉eki manuta꞉ niki pa꞉ta꞉ a꞉pa꞉tiki pilieke laa Koda꞉ma꞉ la꞉ wiekeeki ikana꞉ma꞉ hone wilimime.

Kolosi 4:11

Diosua hande Diasedasi leleme somema꞉ make a꞉talo la꞉neaasa꞉me. Do hone la꞉ka꞉la꞉ meneleme Diu hali tepo homeketa꞉ hande Koda꞉na꞉ kilu tumbuao hala꞉ ekina꞉ I̱ ame̱le̱ e pokoloma꞉me. Kutupa ikita꞉ I̱ wopu tamba꞉ mu halememe.

Pilipai 4:3

Kutupa ya Ketiso ta꞉ma꞉ni epekeo. Neke pa꞉ta꞉ make mo wanda꞉ yaapoma꞉ hone homeke wina꞉ tamba꞉ mia꞉peke alome. Pa ekipeke mo wanda꞉ yaapo make Ka꞉lemiti make mo ya e mandake pokoloma꞉ wanda꞉hali paeyaoma꞉ tonka꞉na꞉ mo Ketisona꞉ Pi Seliapota꞉ peo lao daeyaena꞉yeke I̱ma꞉ iki ame̱le̱ weleke we wopu pea e tieke pokoma꞉me. Koto wanda꞉halina꞉ biki paeyaota꞉ mo Koda꞉na꞉ deto hala꞉ tapakena꞉ biki ula꞉ bukana꞉ wape pa ula꞉me.

Epesese 4:1

I̱ta꞉ Poloma꞉ Tekehalina꞉ e pokaaso ekita꞉ dipula pita꞉ kone iki pa꞉ta꞉ hone wotu witolo hata꞉ doeki alome. Koda꞉ma꞉ wi la꞉la꞉ ekina꞉ iki do tupa꞉ tikitiki yao hapa꞉peke.

2 Kotindi 1:1

Koda꞉na꞉ hone pa꞉la꞉ ekina꞉ I̱ta꞉ Yesu Ketisona꞉ aposolo hali hano la꞉la꞉ hali I̱ Poloma꞉ make nika꞉ kame Timodima꞉ make tapaasopa꞉ wape doe. Mo Kotindi da pa꞉ta꞉ Koda꞉na꞉ siosi pa꞉ta꞉ make mo Akaya kenke pa꞉ta꞉ hala꞉ Koda꞉na꞉ wanda꞉hali pa꞉ta꞉ alopa꞉me.

Pailimono 1:24

Kutaa make ya e mandake pokoloma꞉ haliweki Maka A꞉tisakusi Dimasi make Luku ikana꞉ma꞉ make a꞉taloe alememe.

2 Desalonaika 1:1

Polo Sailasi Timodi niki tepoma꞉ iki Desalonaika siosi pa꞉ta꞉ dupiki tameiya꞉ wape pea tapaasoma꞉me. Ikita꞉ Koda꞉ nika꞉ Apa꞉ make Yesu Ketiso nika꞉ Tekehali tieke ame̱le̱ halememe.

Epesese 6:20

I̱ta꞉ dipula pita꞉ kone mo hande Koda꞉na꞉ Pi Seliapo wala꞉tiki pitolo halie. Koto ekina꞉ do Pi Seliapo honkopu hao walonoyeke yeni pea꞉tiki pea꞉pa꞉peke.

Aposolo 16:1

Kutupa mo Debi Lisita da yaapo nane opolo epepekeme. Ketiso hali homeke Timodi koto pa꞉ta꞉ hayekeme. Ipika꞉ inkikita꞉ Diu wanda꞉ma꞉ kone pi miniki hayeke wanda꞉na꞉ eiyeke hayekepate ipika꞉ ateketa꞉ Kitiki hali hayekeme.

Ka꞉leisia 3:26

Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.

Pilipai 1:1

I̱ Polo make Timodi dikana꞉ma꞉ Yesu Ketisona꞉ e pokaaso hata꞉ mo Pilipai nane haleme Koda꞉na꞉ wanda꞉hali ika꞉ siosi you haliweki pa꞉ta꞉ make ika꞉ dikoni haliweki pa꞉ta꞉ make iki Yesu Ketiso pa꞉ta꞉ haleme wanda꞉hali paeyao pa꞉ta꞉ do wape pea tapaasopa꞉me.

Pailimono 1:23

Ketisona꞉ hauna꞉ I̱ ame̱le̱ mandake dipula pilupa꞉ hali Epa꞉petasima꞉ neke pa꞉ta꞉ a꞉talo pi tapaala꞉me.