Ma꞉tiu 9:37 - Panake Pi La: Ula: Buka pita: Kine Pieke Buka

³⁷ Koto ekina꞉ ipika꞉ hoki nane telimiki haliweki handolo alota꞉ Ne napeke tieke wopu pota꞉la꞉pate mo mea momba꞉laapeke wanda꞉halita꞉ aneke dia꞉me.

Ma꞉tiu 9:37 Referans Kwoze

Luku 10:2

Kutupa ipikana꞉ma꞉ iki pa꞉ta꞉ alota꞉ Ne napeke wotu mo ena꞉ta꞉ pota꞉la꞉pate mo ne momba꞉laapeke wanda꞉halita꞉ aneke hapu dia꞉me. Koto ekina꞉ta꞉ mo e teke halima꞉ ipika꞉ ena꞉ ne mea momba꞉laalo peleme wanda꞉hali ana꞉na꞉ tapaena꞉ ikana꞉ma꞉ yeni pu hapa꞉peke.

Maka 16:15

Yesuma꞉ iki pa꞉ta꞉ alota꞉ Kenke paeyao pa꞉ta꞉ puaata꞉ wanda꞉hali paeyao pa꞉ta꞉ do pi seliapo wala꞉pa꞉peke laa

1 Kotindi 3:9

Dikita꞉ mandake pa꞉ta꞉ hata꞉ Koda꞉na꞉ e pokaasoma꞉ haliweki halopa꞉me. Kutupa ikita꞉ Koda꞉na꞉ e kone halememe. Kutupa ikita꞉ Koda꞉na꞉ da make halememe.

Ma꞉tiu 28:19

Koto ekina꞉ta꞉ wanda꞉hali paeyao ya disaipolo haena꞉ mea hamena꞉ kenke honiki honiki paeyao pa꞉ta꞉ wala꞉tia pu hapa꞉peke. Koto ya disaipolo halimi wanda꞉halita꞉ Koda꞉na꞉ bikina꞉ make Ya bikina꞉ make mo Holi Sipitidina꞉ bikina꞉ make bapitaisi hau peao hapa꞉peke.

2 Kotindi 6:1

Koto ekina꞉ nikana꞉ma꞉ Koda꞉ ame̱le̱ e pokaasoma꞉ tapake hata꞉ iki Koda꞉na꞉ a꞉ta꞉ma꞉ homa tamba꞉ mina꞉la꞉eki meleme wanda꞉hali pa꞉ta꞉ta꞉ do meleme hauta꞉ na hoeyaapa꞉peke laa honke aloma꞉me.

Aposolo 16:9

Timba upama꞉ piki nono pea Poloma꞉ hali ma꞉nda꞉ handeekeme. Ma꞉sedonia hali homekema꞉ ipiki pa꞉ta꞉ honke alo hata꞉ alota꞉ Ma꞉sedonia nane niki tamba꞉ mulu a꞉pa꞉peke laa leeke some homeke handeekeme.

Luku 24:47

ipika꞉ bikina꞉ mo hoke hauna꞉ hone la꞉ka꞉la꞉la꞉eki make pa paeyaasa꞉eki make mo Diutuseleme da pa꞉ta꞉ kini pea pua mo kenke honiki paeyao pa꞉ta꞉ haleme wanda꞉hali pa꞉ta꞉ ota꞉ walotia pua꞉pa꞉peke ya꞉la꞉me.

1 Timodi 5:17

Ika꞉ you haliwekima꞉ wanda꞉hali handeteke hata꞉ e epeke tupa꞉ pokemeka꞉na꞉ta꞉ ika꞉ biki a꞉meiyaaso yenki ana꞉na꞉ haka꞉ta꞉pao mina꞉e hone wia꞉peke ya꞉la꞉me. Mo pi wala꞉pekeeki o mana꞉ moka꞉la꞉ tiaaso hata꞉ ota꞉ honkopu hao wopu pokemeka꞉na꞉ta꞉ kota꞉ kutu piki you haliweki pa꞉ta꞉ amba꞉la hone wia pea꞉peke.

Kolosi 4:11

Diosua hande Diasedasi leleme somema꞉ make a꞉talo la꞉neaasa꞉me. Do hone la꞉ka꞉la꞉ meneleme Diu hali tepo homeketa꞉ hande Koda꞉na꞉ kilu tumbuao hala꞉ ekina꞉ I̱ ame̱le̱ e pokoloma꞉me. Kutupa ikita꞉ I̱ wopu tamba꞉ mu halememe.

Aposolo 18:10

Pa ekipeke I̱ta꞉ neke yaapo halome. Kutupa neke luekema꞉ hali ma꞉nda꞉ na tiaalieke leekeme. Do da pa꞉ta꞉ ya wanda꞉hali wotu halememe laa leekeme.

Ma꞉tiu 9:38

Koto ekina꞉ta꞉ mo e teke halima꞉ ipika꞉ ena꞉ ne napeke mea momba꞉laalo peleme haliweki ana꞉na꞉ tapaena꞉ ikana꞉ma꞉ ipiki pa꞉ta꞉ yeni pu hapa꞉peke leekeme.

Ma꞉tiu 20:1

Mo hepenina꞉ Kilu Tombuao Hala꞉ ekita꞉ do tupa꞉e. Nate homeke ma꞉nda꞉na꞉ hali homeke ma꞉nda꞉ma꞉ mandane haliweki yenki haluekema꞉ ipikana꞉ma꞉ ipika꞉ waini pu e pokaena꞉yeke da ka꞉la꞉paaso siki weilu peekeme.

Dia꞉mesi 5:4

Opua꞉pe. Ika꞉ e pokaaseme haliwekina꞉ yenkita꞉ makeaaso hata꞉ mandaneeki na haleke pa wia haleme ekima꞉ta꞉ pi ala꞉me. Kutupa make ika꞉ e pokaaseme haliwekina꞉ pi alemeeki make oli ya nane hala꞉ ami haliwekina꞉ Tekehalima꞉ amba꞉ opa꞉la꞉me.