Ma꞉tiu 9:33 - Panake Pi La: Ula: Buka pita: Kine Pieke Buka

³³ Yesuma꞉ mo hande hoke temoko tolu lieketa꞉ koto kone mo hande pi na leke halima꞉ pi paa leekeme. Koto piekeeki wanda꞉hali paeyaoma꞉ handolo tola꞉tia pominolo alota꞉ Dupiki hau homeke ma꞉nda꞉ Isulai kenke pa꞉ta꞉ ota꞉ na handoma꞉me lemekeme.

Ma꞉tiu 9:33 Referans Kwoze

Luku 11:14

Hali ma꞉nda꞉ta꞉ pi na leke hoke temoko pitiki hali hayeke Yesuma꞉ mo hoke temoko tolu lieke handa mo halima꞉ pi lombo leekeme. Kutu pieke handa wanda꞉hali paeyaoma꞉ tola꞉tia pomimikipate

Luku 7:9

Koto leekeeki Yesuma꞉ opuolota꞉ penkilipa꞉tia pominolo hata꞉ mo hande ipiki telimiki wanda꞉hali pa꞉ta꞉ la꞉ka꞉la꞉ moneao handolo hata꞉ alota꞉ I̱ma꞉ iki pa꞉ta꞉ ota꞉ pi alome. Dupiki hone tulaake some homeke ma꞉nda꞉ a꞉nda꞉ I̱ na handolome. Mo Isulai tapake tukiki pa꞉ta꞉ kone ota꞉ ma꞉nda꞉ a꞉nda꞉ na handa꞉ ulume.

Maka 2:12

Koto leeke handaa mo hali tiaeyekeme. Koto kone ipika꞉ tili tamba꞉ mea mina paeyaoma꞉ handolo haena꞉ hama peekeme. Koto ekina꞉ iki paeyaoma꞉ penkilipa꞉ Koda꞉na꞉ biki mea a꞉meiyao alota꞉ Dupita꞉la꞉ ekita꞉ ota꞉ hoto homeke a꞉nda꞉ na handoloma꞉ haue lemekeme.

Ma꞉tiu 8:10

Koto leekeeki Yesuma꞉ opuolota꞉ penkilipa꞉tia pominolo hata꞉ mo hande ipika꞉ hoki nane telimiki wanda꞉hali pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Mo Isulai tapake tukiki pa꞉ta꞉ dupiki hone tulaake some homeke ma꞉nda꞉ a꞉nda꞉ I̱ na handolome.

Ma꞉tiu 9:32

Mo hande leke holu piki hali yaapo mo da mina꞉pa꞉lao pulu haena꞉ta꞉ pa mandane wanda꞉halima꞉ pi na leke hali homeke Yesu pa꞉ta꞉ hatuku epemekeme. Mo halina꞉ pi na leeke ekita꞉ hoke temoko pita꞉ piekeme.