Ma꞉tiu 6:28 - Panake Pi La: Ula: Buka pita: Kine Pieke Buka

²⁸ Ika꞉ aka꞉manu ekipa muluepe laa pa ekipeke ka꞉nda꞉ma꞉ homo halemepe. Mo si ale manuna꞉ momamanu opa꞉la꞉eki hone wipee. Koto moma manuma꞉ta꞉ ika꞉ yama꞉peke aka꞉manu muluekema꞉ e na poko halememe. Koto hau na pu halemepate

Ma꞉tiu 6:28 Referans Kwoze

Ma꞉tiu 6:25

Do ekina꞉ yeke iki pa꞉ta꞉ dupa la kitolome. I̱ homaama꞉na꞉ ikali ne aleke nolua꞉pe laa make ya yama꞉peke ale tonka꞉na꞉ ekipa mulua꞉pe laa ka꞉nda꞉ma꞉ na homo hapa꞉peke. Do ekina꞉yeke loa꞉me. Mo ika꞉ da꞉ta꞉la꞉ ekima꞉ta꞉ mo ne na lombei pu make o ika꞉ lokema꞉ta꞉ mo aka꞉manu ota꞉ na lombei pa꞉lekeyeke yekea.

Pilipai 4:6

Ala꞉ta꞉ ala꞉ta꞉ paeyao pa꞉ta꞉ hone witeleme ekina꞉ ka꞉nda꞉ma꞉ homolo na yoko hapa꞉peke. Kotoeki na pikita꞉ hoto ma꞉nda꞉ a꞉nda꞉ Koda꞉ pa꞉ta꞉ yeni pimika꞉na꞉ta꞉ ika꞉ mia꞉peke ya꞉la꞉ alemanu kina꞉ keiyae alo hata꞉ honke lo hapa꞉peke.

Luku 12:27

Mo hapeke pa꞉ta꞉manu pa opa꞉la꞉ moma sununa꞉ opa꞉la꞉ ekita꞉ handa꞉pa꞉peke. Ikana꞉ma꞉ta꞉ e na poko make aka꞉manu na tombulu yamo halememe. Koto pa꞉la꞉pate I̱ma꞉ iki pa꞉ta꞉ alome. Kini Solomonoma꞉ta꞉ hamoko alemanu wotu wiekepate kone do moma manuna꞉ loke hake dau epeke epeke ekimanu ma꞉nda꞉ ota꞉ na wia hayekeme.

Ma꞉tiu 6:31

Kutu piliekema꞉ ikana꞉ma꞉ta꞉ Ya nolo polo ne ikali make aka꞉ peaata꞉ hanema꞉ epea꞉ka꞉na꞉ mulua꞉pe laa ka꞉nda꞉ma꞉ na homo hapa꞉peke.

Luku 3:11

Dionima꞉ ika꞉ pi hombo peaaso hata꞉ alota꞉ Hali ma꞉nda꞉ma꞉ ipika꞉ dau yaapo wia꞉ka꞉na꞉ta꞉ kota꞉ ma꞉nda꞉ta꞉ mo dau dia꞉ya꞉la꞉ natehali ma꞉nda꞉ pa꞉ta꞉ hala꞉peke. Kutupa make ne napekeeki wia꞉ka꞉na꞉ta꞉ kota꞉ ne dia꞉ya꞉la꞉ wanda꞉halimanu pa꞉ta꞉ telipea hala꞉pa꞉pekee leekeme.

Ma꞉tiu 10:10

Ta pota꞉na꞉ poluekema꞉ta꞉ nu o topo dau o topo ankedake o tumapu make na mea pu pea꞉pa꞉peke. Pa ekipeke. Mo e pokaasa꞉ halima꞉ta꞉ ipika꞉ e pokaasa꞉ alemanu kone hala꞉peke ya꞉lieke.

Ma꞉tiu 6:27

Ika꞉ ka꞉nda꞉ma꞉ homo halemeeki manuma꞉ta꞉ ika꞉ halo peleme nate leke hokulu peaapeke ya꞉la꞉pe.

Luku 10:41

Koto leeke Tekehalima꞉ Madana꞉ pi hombo peaaso alota꞉ Madao. Madao. Nakana꞉ma꞉ ala꞉ta꞉ ala꞉ta꞉ wotu pa꞉ta꞉ hone u taapo make hone ka꞉nda꞉ma꞉ homelepate

Luku 12:11

Ma꞉nda꞉ epima꞉ iki pi yokaalu puluekema꞉ ika꞉ pi hotu haleme da pa꞉ta꞉manu make o mo kapomani haliweki pa꞉ta꞉ make o handeteke haleme haliweki pa꞉ta꞉ hatuku pemeka꞉na꞉ta꞉ kota꞉ ikana꞉ma꞉ta꞉ eki pi lolua꞉pe o ekipa ya kone tamba꞉ miki pi lolua꞉pe laa ka꞉nda꞉ma꞉ na homo taapa꞉peke

Luku 12:22

Koto hoki naneta꞉ Yesuma꞉ ipika꞉ disaipolo haliweki pa꞉ta꞉ alota꞉ I̱ma꞉ do alo ekita꞉ ikana꞉ma꞉ iki pa hapeke ekina꞉ nemanu make lokena꞉ yama꞉peke alemanu koto alemanu pa꞉ta꞉ta꞉ ka꞉nda꞉ma꞉ na homo hapa꞉peke.

1 Pida 5:7

Ipikana꞉ma꞉ iki pa꞉ta꞉ hone wopu u hala꞉ ekina꞉ ika꞉ witeleme hone eleke eleke paeyao ipiki pa꞉ta꞉ lopa monea꞉pa꞉peke.