Ma꞉tiu 6:19 - Panake Pi La: Ula: Buka pita: Kine Pieke Buka

¹⁹ Mo maka꞉ta꞉ ikiki pu o bisapu inkikima꞉ no o haliwekima꞉ pake no kutu pulu peleme kenke pa꞉ta꞉ ika꞉ alemanu na amu pikita꞉

Ma꞉tiu 6:19 Referans Kwoze

Hibulu 13:5

Mani pa꞉ta꞉ pukima꞉ homa꞉la꞉ hauma꞉ ika꞉ puki na handeteke haena꞉ lapa꞉peke. Koto hau na pikita꞉ pa mo ika꞉ wia halemeeki manuta꞉ ana꞉ pa꞉la꞉me hone wia꞉pa꞉peke. Kutu pulu poloma꞉ ekina꞉ Koda꞉ma꞉ alota꞉ I̱ma꞉ iki hoki na walo make ota꞉ na mina꞉pa꞉lalueke la꞉la꞉me.

Luku 12:21

Kutupa Yesuma꞉ pi paeyaaso alota꞉ Hali epima꞉ Dota꞉ yakaeki homekee laa alemanu wopu mu momba꞉la꞉tiki pita꞉la꞉ dina꞉ta꞉ Koda꞉na꞉ leke popelekena꞉ta꞉ pa natehali hala꞉me. Kota꞉ dupiki some a꞉nda꞉ta꞉ mo hande titina꞉ loa꞉ haumanu pa꞉ta꞉ opolo ipilieke leekeme.

Luku 18:22

Yesuma꞉ do pi opuaata꞉ mo hali pa꞉ta꞉ alota꞉ Nakana꞉ma꞉ pulu pele hau ma꞉nda꞉ pa ula꞉me. Naka꞉ wia hale ala꞉ta꞉ ala꞉ta꞉ paeyao mandane wanda꞉halima꞉ hambena꞉ laa mo milipi manita꞉ mandane natehali wanda꞉hali pa꞉ta꞉ hale hale pea꞉peke. Kutu pikina꞉ta꞉ nakana꞉ma꞉ oli hepeni da tukiki pa꞉ta꞉ta꞉ mo epeke epeke ale wopu mu halipikie. Koto ekina꞉ta꞉ yaka hoki nane telia꞉peke leekeme.

1 Timodi 6:17

Mo kenke ala꞉ta꞉ ala꞉ta꞉na꞉ hamoko haseme wanda꞉hali pa꞉ta꞉ta꞉ dupiki pi la wia꞉peke. Ika꞉ hakoko na lu make mo a̱i̱ paelo pa꞉la꞉ kenke ale manuna꞉ hone na ti lao hao hapa꞉peke. Kotoeki na pikita꞉ niki ta꞉na꞉ma꞉ homomono epeke alemanu ku hala꞉ Koda꞉ pa꞉ta꞉ hone ti lao hapa꞉peke lapeke.

Luku 12:33

Ika꞉ ala꞉ta꞉ ala꞉ta꞉ta꞉ tapao mani meaata꞉ mo natehali wanda꞉hali pa꞉ta꞉ hala꞉pa꞉peke. Kutupa na kukutu pulu pa꞉la꞉ mani pausa meaata꞉ ika꞉ hamoko ale manuta꞉ oli ya nane na paeya꞉niake pa wia halo pelemeeki homeke amu pu hapa꞉peke. Ekipeke koto naneta꞉ mo pake no haleme haliwekima꞉ make bisapu inkikima꞉ make na hoeyaalimikie.

Luku 18:24

Yesuma꞉ mo halina꞉ puki ka꞉nda꞉ma꞉ homeekeeki handa alota꞉ Mo hamoko wanda꞉halima꞉ Koda꞉na꞉ Kilu Tombuao Hala꞉eki pa꞉ta꞉ honda꞉ pamba꞉peketa꞉ tanda wopu pa꞉la꞉me.

Ma꞉tiu 19:21

Yesuma꞉ ipiki pa꞉ta꞉ alota꞉ Naka꞉ honema꞉ I̱ta꞉ ota꞉ epeke haupiki some halueke hone wika꞉na꞉ta꞉ kota꞉ mo naka꞉ wia hale ala꞉ta꞉ ala꞉ta꞉ paeyao mandane wanda꞉halima꞉ hambena꞉ laata꞉ mo milipi manita꞉ mandane natehali wanda꞉hali pa꞉ta꞉ halehale pea꞉peke. Kutu pika꞉na꞉ta꞉ kota꞉ nakana꞉ma꞉ mo hepeni tukiki pa꞉ta꞉ta꞉ ale epeke epeke wopu mu halipikie. Koto ekina꞉ta꞉ ya hoki telia꞉peke leekeme.

Ma꞉tiu 6:20

pa mo maka꞉ta꞉ ikiki na pu bisapu inkikima꞉ na no make haliwekima꞉ pake na mulu peleme Hepeni nane ika꞉ alemanu amu pia꞉pa꞉peke.

Luku 12:39

Kutupa make doeki hone wotu wia꞉pa꞉peke. Mo da teke hali ma꞉nda꞉ma꞉ mo pake nala꞉ hali ma꞉nda꞉ epolo pa꞉la꞉eki amba꞉ handa꞉ wia꞉ka꞉na꞉ta꞉ kota꞉ koto someta꞉ oni ipika꞉ da yamba꞉la na yapena꞉ lelieke.