Ma꞉tiu 5:18 - Panake Pi La: Ula: Buka pita: Kine Pieke Buka

¹⁸ Ota꞉ pi alome. Oli hepeni do kenke yaapo a̱i̱ na paeke pa ula꞉ tomona꞉ta꞉ mo Mosesima꞉ la꞉ wieke pi ula꞉eki wape pea ula꞉ pi homeke siki make o tombo hodikali siki make ma꞉nda꞉ amba꞉la ota꞉ na alu pilieke. Kotoeki na pikita꞉ do kenke ya yaapo paelia꞉ natena꞉ mandake paeyaena꞉ pa wilieke.

Ma꞉tiu 5:18 Referans Kwoze

Luku 16:17

Kutupa oli ya do kenke yaapo alupea꞉peke ekita꞉ tanda tieke ya꞉la꞉pate pa mo Lo Pi ula꞉ ekina꞉ wape pa꞉la꞉ tombo hosiki siki kone alupea꞉peke ekita꞉ ota꞉ tanda tieke pa꞉la꞉me.

1 Pida 1:25

Kutu piliepate mo Tekehalina꞉ pita꞉ na paeke pa u halieke. Koto pita꞉ mo iki pa꞉ta꞉ walea꞉ Pi Seliapoe.

Maka 13:30

Iki pa꞉ta꞉ ota꞉ pi alome. Do haleme wanda꞉halita꞉ paeyao na homeke halimi pita꞉ I̱ma꞉ loa꞉ alemanu paeyao amba꞉ ipilieke leekeme.

Peneme Yaeyekeeki 20:11

Kutupa mo hakepiki kini sea tieke pita꞉ mo seana꞉ pila꞉ hali yaapo handoa꞉me. Kutupa mo kenke ya yaapota꞉ ipika꞉ leke popelekena꞉ na haena꞉ loluekema꞉ pa pindipa pualu pitolo hata꞉ alupaepeme.

Dioni 5:19

Koto ekina꞉ Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Hande Eiyekema꞉ ipika꞉ kone hone wia hau ma꞉nda꞉ pea꞉peke na ya꞉la꞉me. Ipika꞉ Apa꞉ma꞉ pita꞉la꞉eki handa꞉ pu hala꞉me. Hande Apa꞉ma꞉ pu hala꞉eki kone hande Eiyekema꞉ make pu hala꞉me.

Ma꞉tiu 17:20

Yesuma꞉ hombo peaaso alota꞉ Ika꞉ hone tulaleme ekita꞉ aneke hapu na tulaemeke handa pia꞉me. I̱ma꞉ iki pa꞉ta꞉ ota꞉ ota꞉ pi alome. Ika꞉ hone tulaleme ekita꞉ mo ki̱mi̱le̱ma꞉ handeke ale masidadi waema꞉ handekeeki wimika꞉na꞉ta꞉ kota꞉ ikana꞉ma꞉ do pote pa꞉ta꞉ alo hata꞉ Mo pate leke pue laa la halemeka꞉na꞉ta꞉ kota꞉ koto pa꞉ta꞉ yola꞉ monealieke. Kutu piki hone tulalimi ekima꞉ta꞉ hau paeyao pea꞉pa꞉peke yelimikie.

Ma꞉tiu 16:28

I̱ma꞉ iki pa꞉ta꞉ ota꞉ pi la kitolo alome. Wanda꞉halina꞉ Eiyeketa꞉ Kini hali hata꞉ epolo pa꞉la꞉eki handuluekema꞉ do haleme mandane wanda꞉hali ikita꞉ ambi na homeke pa halimikie alome leekeme.

Ma꞉tiu 13:17

I̱ma꞉ iki pa꞉ta꞉ ota꞉ pi alome. Amba꞉ haemeke potopede haliweki wopuma꞉ make mandane tikitiki piki haliweki wopuma꞉ make ikana꞉ma꞉ ame do handeleme haumanu handuluekema꞉ hone wopu pieke taapo haemekepate na handemekeme. Koto haliwekima꞉ta꞉ do opueleme pimanu make opuluekema꞉ hone wopu pieke taapo haemekepate na opimikime.

Ma꞉tiu 10:23

Ikana꞉ma꞉ daoni homeke a꞉nda꞉ pa꞉ta꞉ halimipate wanda꞉halima꞉ iki pa꞉ta꞉ tanda kimika꞉na꞉ta꞉ kota꞉ daoni ma꞉nda꞉ pa꞉ta꞉ pindipa pua꞉pa꞉peke. I̱ma꞉ iki pa꞉ta꞉ ota꞉ ota꞉ pi alome. Mo Wanda꞉halina꞉ Eiyeke opolo epea꞉ka꞉na꞉ta꞉ ikana꞉ma꞉ mo Isulaina꞉ daoni paeyao pa꞉ta꞉ pokolo peleme emanu paeyao titina꞉ amba꞉la na mina꞉pa꞉lalimikie alome.

Ma꞉tiu 6:2

Koto ekina꞉ta꞉ mo hande natehali wanda꞉hali tamba꞉ muluekema꞉ ala꞉ta꞉ ma꞉nda꞉ halemeka꞉na꞉ta꞉ kota꞉ wala꞉ wala꞉ pea na hala꞉pa꞉peke. Mo hande yayapiki hau pu haleme haliwekima꞉ oni hande pota꞉ hopiki nina꞉ make yeni da pa꞉ta꞉manu make kutu piki wala꞉ wala꞉ piki haumanu pu halememe. Koto hau pimiki ekita꞉ mo wanda꞉halima꞉ ika꞉ biki daeyaena꞉ yeke pu halememe. I̱ma꞉ iki pa꞉ta꞉ ota꞉ pi alome. Koto tapakema꞉ ika꞉ pimi hauna꞉ yenki manuta꞉ ame do hata꞉ mu paeyaasememe.

Ma꞉tiu 5:26

Koto pa꞉ta꞉ta꞉ naka꞉ pu hauna꞉ yenki paeyao ota꞉ a̱i̱ na haleka꞉na꞉ta꞉ pa pitu halipikie.

Dioni 21:18

I̱ma꞉ neke pa꞉ta꞉ ota꞉ pi alome. Neke wekihali hae dina꞉ta꞉ nakana꞉ma꞉ ba꞉ta꞉ido hako yama naka꞉ hone pia꞉ nane pomu hayekeme. Kutupu hayekepate wetepena꞉ta꞉ neke koke yolo pa꞉la꞉ dina꞉ naka꞉ kiki yaapo tindipa moneaalo pelepate hali ma꞉nda꞉ma꞉ naka꞉ kiki mea tonkao naka꞉ hone na pa꞉la꞉ nane kone neke hatuku pelieke leekeme.

Dioni 16:23

Koto di epea꞉ka꞉na꞉ta꞉ ikana꞉ma꞉ I̱ pa꞉ta꞉ ala꞉ta꞉ ma꞉nda꞉ a꞉nda꞉ honke na lelimikie. I̱ma꞉ta꞉ iki pa꞉ta꞉ ota꞉ pi alome. Hande yaka Apa꞉ma꞉ta꞉ yaka bikina꞉ honke lolo peleme ekita꞉ iki pa꞉ta꞉ kilieke.

Dioni 16:20

Iki pa꞉ta꞉ ota꞉ pi alome. Ikana꞉ma꞉ puki tandama꞉ homolo hata꞉ e̱ lolo pelemepate kenke wanda꞉halima꞉ta꞉ ta꞉na꞉ma꞉ homilimikie. Ikita꞉ puki tandama꞉ homolo pelemepate kutupulu pelemeeki mina꞉pa꞉lao ta꞉na꞉ma꞉ homa halimikie.

Dioni 14:12

I̱ma꞉ta꞉ iki pa꞉ta꞉ ota꞉ pi alome laa I̱ pa꞉ta꞉ hone tulao hala꞉ halima꞉ta꞉ I̱ma꞉ pitoloeki manuta꞉ ipikana꞉ma꞉ make pilieke. Kutupa yaka Apa꞉ pa꞉ta꞉ I̱ polue ekina꞉ta꞉ I̱ma꞉ pitolo ekimanu kone mo halima꞉ ankulao hau tiekemanu pilieke leekeme.

Dioni 13:38

Yesuma꞉ ipika꞉ pi hombo peaaso alota꞉ Nakana꞉ma꞉ I̱ pa꞉ta꞉ homoluekema꞉ ota꞉ pi alepe laa neke pa꞉ta꞉ ota꞉ pi do alome. Mo hali koka꞉la꞉ma꞉ e̱ a̱i̱ na leke haena꞉ta꞉ nakana꞉ma꞉ hoto tepona꞉ I̱ Yesu na handolome laa lelipikie leekeme.

Dioni 13:16

Iki pa꞉ta꞉ ota꞉ pi alome. Pa hameke e pokaasa꞉ halima꞉ta꞉ ipika꞉ e teke hali ankulapeke na ya꞉la꞉me. Kutupa pi lolo pena꞉ tapaasa꞉ halima꞉ make ipiki tapaasa꞉ hali kone ankulaapeke na ya꞉la꞉me.

Dioni 12:24

Ipiliki pa꞉ta꞉ ota꞉ pi alome. Kuni wae alesiki homeketa꞉ kenkena꞉ na opa꞉ pa lopa na homea꞉ka꞉na꞉ta꞉ ipika꞉ pa u pelia halieke. Kutu pulu pa꞉la꞉pate homea꞉ka꞉na꞉ta꞉ opa kiliki wotu a꞉elieke.

Dioni 10:7

Koto ekina꞉ Yesuma꞉ paa dupa leekeme. I̱ma꞉ iki pa꞉ta꞉ ota꞉ pi alome. I̱ta꞉ sipisipi ma꞉na꞉ manuna꞉ pota꞉ kake halome.

Dioni 10:1

Yesuma꞉ alota꞉ I̱ma꞉ iki pa꞉ta꞉ ota꞉ pi alome. Hali epima꞉ mo sipisipi ma꞉na꞉manu ho̱linda꞉ pa꞉la꞉ pota꞉ kake pa꞉ta꞉ na peke pa pa꞉ta꞉ ponda꞉pa pea꞉ka꞉na꞉ta꞉ koto halita꞉ ta꞉ta꞉na꞉ alemanu muluekema꞉ pake nala꞉ halie.

Dioni 8:58

Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Eipoloha꞉ma꞉ a̱i̱ na mendieke natena꞉ kone I̱ta꞉ pa halome leekeme.

Dioni 8:51

Iki pa꞉ta꞉ ota꞉ pi alome. Hali epima꞉ yaka waloloeki opua pia꞉ka꞉na꞉ta꞉ koto halita꞉ hoto ma꞉nda꞉ a꞉nda꞉ homa꞉la꞉eki na handilieke.

Dioni 8:34

Yesuma꞉ iki pa꞉ta꞉ alota꞉ Iki pa꞉ta꞉ ota꞉ pi alome. Hali epima꞉ hoke hau pu haya꞉ka꞉na꞉ta꞉ koto halima꞉ta꞉ hoke hau pu hala꞉ ekina꞉ e pa hameke pokaasa꞉ hali leke hala꞉me leekeme.

Dioni 6:53

Yesuma꞉ iki pa꞉ta꞉ alota꞉ Iki pa꞉ta꞉ ota꞉ pi alome. Wanda꞉halina꞉ Eiyeke ipika꞉ loke mindiki make ipika꞉ we make na nemeka꞉na꞉ta꞉ ika꞉ kone da꞉ta꞉la꞉eki na milimikie.

Dioni 6:47

Iki pa꞉ta꞉ ota꞉ pi alome laata꞉ I̱ pa꞉ta꞉ hone tulaasa꞉ halita꞉ da꞉ta hao hala꞉me.

Dioni 6:32

Yesuma꞉ mo wanda꞉hali pa꞉ta꞉ alota꞉ Iki pa꞉ta꞉ ota꞉ pi alome. Mosesima꞉ta꞉ hepeni nane palaowa iki na kitolo pia꞉me. Yaka Apa꞉ma꞉ hepeni nane ota꞉ palaowata꞉ iki kia꞉peke ya꞉la꞉me.

Dioni 6:26

Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Hande wele pita꞉la꞉eki pua꞉eki handeme ekina꞉ I̱ weiya mea na epeke hande palaowa naa weleke haemeke ekina꞉ hone witolo hata꞉ I̱ weiya mea ipulimime.

Dioni 3:11

I̱ma꞉ neke pa꞉ta꞉ ota꞉ pi alome laa Nikana꞉ma꞉ honema꞉ handoloma꞉ ekimanu make lekema꞉ handoloma꞉ ekimanu make la kitoloma꞉pate iki pa꞉ta꞉ hala꞉ hali homeke a꞉nda꞉ma꞉ make do pi opuluekema꞉ hone na wita꞉la꞉me.

Dioni 3:5

Yesuma꞉ ipika꞉ pi hombo peaaso alota꞉ I̱ma꞉ neke pa꞉ta꞉ ota꞉ pi alome. Hali homeke a꞉nda꞉ ikalima꞉ make Sipitidima꞉ make ipikita꞉ panake weki leke paa na mendia꞉ka꞉na꞉ta꞉ Koda꞉ ipika꞉ Kilu Tombuao Hala꞉eki pa꞉ta꞉ na honda꞉ pamba pelieke laa

Dioni 3:3

Koto pi leeke handa Yesuma꞉ ipika꞉ pi hombo peaaso alota꞉ I̱ma꞉ neke pa꞉ta꞉ ota꞉ pi alome. Hali epima꞉ pa panake weki leke na mendia꞉ka꞉na꞉ta꞉ kota꞉ Koda꞉ ipika꞉ Kilu Tombuao Hala꞉eki na handilieke leekeme.

Dioni 1:51

Yesuma꞉ iki pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Ikita꞉ hepeni nane lomba꞉pa ula꞉ alena꞉ Koda꞉ ipika꞉ enisolo haliweki mo Wanda꞉halina꞉ Eiyeke pa꞉ta꞉ a꞉pa hata꞉ hola꞉pa꞉niatiki a꞉meiyatiki pilimieki handilimikie leekeme.

Luku 23:43

Kutupa Yesuma꞉ ipiki pa꞉ta꞉ alota꞉ I̱ma꞉ neke pa꞉ta꞉ ota꞉ pi la꞉ witolome. Ame do natena꞉ kone I̱ yaapo oli Pa꞉ta꞉daisi nane mandakena꞉ halupeke leekeme.

Luku 18:29

Yesuma꞉ iki pa꞉ta꞉ alota꞉ Ota꞉e. I̱ma꞉ iki pa꞉ta꞉ ota꞉ pi alome. Ma꞉nda꞉ epima꞉ Koda꞉na꞉ Kilu Tombuao Hala꞉ ekina꞉ hone witolo ipika꞉ wanda꞉ o da o hameke titi o apa꞉ ama꞉ o wekiwandiki ma꞉nda꞉ hondo mina꞉pa꞉lao epea꞉ka꞉na꞉ta꞉

Luku 18:17

Doeki hone wopu u hapa꞉peke. Wekiwandiki sunuma꞉ Koda꞉na꞉ Kilu Tombuao Hala꞉eki minolo piteleme tupa꞉ na mimika꞉na꞉ta꞉ kota꞉ ikita꞉ koto pa꞉ta꞉ ana꞉na꞉ na hondo pambilimikie leekeme.

Luku 13:35

Koto ekina꞉ta꞉ naka꞉ yeni pu haleme data꞉ mina꞉pa꞉laemeka꞉na꞉ta꞉ pa taake halieke. I̱ma꞉ neke pa꞉ta꞉ ota꞉ pi do la kitolo handa꞉e. Ame do ane kini pea pua nakana꞉ma꞉ I̱ pa꞉ta꞉ta꞉ Tekehalina꞉ biki mea ipula꞉ hali pa꞉ta꞉ Ta꞉na꞉e pi loluekema꞉ tiki tiki yao a̱i̱ na haeka꞉na꞉ta꞉ kota꞉ I̱ a̱i̱ na handilimikie alome leekeme.

Luku 12:37

Kutupa mo you hali paa la꞉ka꞉la a꞉pa mo ipika꞉ e pokaaseme hali wekita꞉ u̱ na polu pitiki a꞉nda꞉ pa ipiki yu wia pilimieki a꞉pa handea꞉ka꞉na꞉ta꞉ kota꞉ ikita꞉ ta꞉na꞉ma꞉ homo halimikie. I̱ma꞉ iki pa꞉ta꞉ ota꞉ pi aloma꞉ Mo haliwekima꞉ koto hau pimiki yeke handaa ika꞉ you halima꞉ta꞉ ipika꞉ manda aka꞉ hola wiaata꞉ iki pa꞉ta꞉ Ne no hala꞉ alena꞉ a꞉pa pita꞉pe laa ne pana꞉ pu kilieke.

Luku 11:51

Mo hande Eipolo limikieki kini pea a꞉pa mo hande oloda pita꞉ yako piki da yaapo tukiki pa꞉ta꞉ a꞉mbolo hata꞉ limiki hali Sekataiya alome. Aowe. I̱ma꞉ iki pa꞉ta꞉ ota꞉ loa꞉ma꞉ ame do wanda꞉halita꞉ koto limikieki paeyaona꞉ hoke yenki milimikie.

Maka 14:30

Yesuma꞉ ipiki pa꞉ta꞉ alota꞉ Neke pa꞉ta꞉ ota꞉ pi alome. Ame timba kone koka꞉la꞉ma꞉ hoto yaapo peao e a̱i̱ na leke haena꞉ nakana꞉ma꞉ hoto tepo yaka biki amba꞉la hoeyaalipikie leekeme.

Maka 14:25

Iki pa꞉ta꞉ ota꞉ pi alome. Do naloma꞉ waini ikali I̱ta꞉ paata꞉ na neke hao wetepena꞉ Koda꞉na꞉ Kilu Tombuao Hala꞉eki pa꞉ta꞉ hata꞉ panakeeki nolueke leekeme.

Maka 14:18

Kutupa ne nalo pitina꞉ Yesuma꞉ alota꞉ Iki pa꞉ta꞉ ota꞉ pi alome. I̱ minina꞉yeke I̱ ame̱le̱ do ne nala꞉ hali homekema꞉ kone a꞉nda꞉ lomba꞉lieke leekeme.

Maka 14:9

Kutupa iki pa꞉ta꞉ ota꞉ pi alome. Kenke paeyao pa꞉ta꞉ Pi Seliapo wala꞉tiki pimika꞉na꞉ta꞉ do wanda꞉ma꞉ I̱ pa꞉ta꞉ pia꞉ ekita꞉ ipiki pa꞉ta꞉ hone wina꞉yeke wala꞉tiki pilimikie leekeme.

Maka 12:43

Kutupa Yesuma꞉ ipika꞉ disaipolo haliweki pa꞉ta꞉ epena꞉ wi la꞉ mepi pea iki pa꞉ta꞉ alota꞉ Iki pa꞉ta꞉ ota꞉ pi alome. Do natehali kosa꞉piki wanda꞉ sikima꞉ mea a꞉pa lopaeya꞉ eki sikita꞉ tiekee. Mo mea a꞉pa lopaaseme wanda꞉hali paeyaona꞉ ekita꞉ hosiki alesikie.

Maka 11:23

Iki pa꞉ta꞉ ota꞉ pi alome. Hali epima꞉ oli pote pa꞉ta꞉ alota꞉ Naka꞉ kone tiao mo dawala pa꞉ta꞉ pua lopa꞉peke lea꞉ka꞉na꞉ta꞉ ipika꞉ puki pa꞉ta꞉ hone ti na yokeke pa ipika꞉ dupilieke leeke pi manuta꞉ ota꞉ pilieke laa homeke hone witolo hata꞉ lea꞉ka꞉na꞉ta꞉ mo hali pa꞉ta꞉ ota꞉ pina꞉ lelieke leekeme.

Maka 10:29

Koto leeke Yesuma꞉ alota꞉ Iki pa꞉ta꞉ ota꞉ pi alome. Hali epima꞉ ipika꞉ da ipika꞉ hameke titi ipika꞉ ana꞉ titi ipika꞉ apa꞉ ama꞉ make ipika꞉ wekiwandiki sunu make ipika꞉ kenkemanu make mina꞉pa꞉laeya꞉ka꞉na꞉ta꞉ I̱ pa꞉ta꞉ make koto Pi Seliapo pa꞉ta꞉ make hone witolo hata꞉ koto ekimanu mina꞉pa꞉laeya꞉ka꞉na꞉ta꞉ kota꞉ do kenkena꞉ hata꞉ kone damanu 100 tupa꞉ hameke titi make ana꞉ titi make apa꞉ ama꞉ titi make wekiwandiki sunu make kenkemanu make 100 tupa꞉ miliepate tanda mina꞉la꞉ ekimanu make milieke leekeme. Kutupa mo hao epolo pa꞉la꞉ dina꞉ make deto hala꞉eki milieke leekeme.

Maka 10:15

Iki pa꞉ta꞉ ota꞉ pi alome. Wanda꞉hali epima꞉ mo wekiwandiki sunuma꞉ Koda꞉na꞉ Kilu Tombuao Hala꞉eki minolo piteleme tupa꞉ na mimika꞉na꞉ta꞉ kota꞉ ikita꞉ koto pa꞉ta꞉ ana꞉na꞉ na hondo pambilimikie leekeme.

Maka 9:41

Iki pa꞉ta꞉ ota꞉ pi alome. Ikana꞉ma꞉ta꞉ ya biki melemeke handaata꞉ hali epima꞉ ikali naaka꞉na꞉ ipi kanakena꞉ hola꞉ pamba iki kia꞉ka꞉na꞉ta꞉ ipika꞉ yenki ota꞉ milieke leekeme.

Maka 9:1

Kutupa ipikana꞉ma꞉ iki pa꞉ta꞉ alota꞉ Iki pa꞉ta꞉ ota꞉ pi alome. Do haleme wanda꞉hali mandaneeki manuta꞉ a̱i̱ na homeke pa hata꞉ kone Koda꞉ ipika꞉ welema꞉ ipika꞉ Kilu Tombuao Hala꞉eki epolo pa꞉la꞉ ekita꞉ handilimikie leekeme.

Maka 8:12

Yesuma꞉ ipika꞉ pukima꞉ pomo tieke wotu homolo hata꞉ alota꞉ Ame do haleme wanda꞉halima꞉ ekipeke wele pita꞉la꞉eki ma꞉nda꞉ weitelemepe leekeme. Iki pa꞉ta꞉ ota꞉ pi alome. Ame do haleme wanda꞉halima꞉ wele pita꞉la꞉eki ma꞉nda꞉ na handilimikie leekeme.

Maka 6:11

Da ma꞉nda꞉ nane pemeka꞉na꞉ta꞉ iki na handa꞉ mimika꞉na꞉ta꞉ ika꞉ pi na opimiki kiaemeka꞉na꞉ta꞉ kota꞉ koto da pa꞉ta꞉ na hake pemeka꞉na꞉ta꞉ ika꞉ ankena꞉ tala꞉la꞉ dokolo tandelapa꞉peke. Mo wanda꞉halima꞉ kiaemekeeki tombo waluekema꞉ tandelapa꞉peke leekeme.

Maka 3:28

Iki pa꞉ta꞉ ota꞉ pi alome. Kenke wanda꞉halima꞉ hoke hau peleme ekimanu paeyao make ika꞉ Koda꞉na꞉ biki lo hoeyaaseme ekimanu make Koda꞉ma꞉ paeyaapeke ya꞉la꞉pate hali epima꞉ Holi Sipitidina꞉ biki lo hoeyaeka꞉na꞉ta꞉ Koda꞉ma꞉ koto ekita꞉ ota꞉ paeya wahapeke na ya꞉la꞉me leekeme. Koto hoke hauta꞉ hoto paeyao pa u halieke leekeme.

Ma꞉tiu 25:45

kota꞉ ika꞉ pita꞉ mo Kini Halima꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ do biki na wiki kame homeke ma꞉nda꞉ siki tamba꞉ muluekema꞉ kiaemeketa꞉ kota꞉ I̱ kone tamba꞉ na miki kiaememe laa lelieke.

Ma꞉tiu 25:40

Koto lemeka꞉na꞉ta꞉ mo hande Kini Halima꞉ ika꞉ pita꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ mo hande ya biki na wiki kame homeke ma꞉nda꞉ siki pa꞉ta꞉ pimiki epeke hau paeyaota꞉ kota꞉ ota꞉ paeyao pa I̱ pa꞉ta꞉ kone pimime laa lelieke.

Ma꞉tiu 25:12

Koto lemekepate mo wanda꞉ mulu pieke halima꞉ hombo peaaso alota꞉ Dia꞉me. I̱ma꞉ iki pa꞉ta꞉ ota꞉ pi aloma꞉ ikita꞉ I̱ wopu na handoloma꞉ ekita꞉ epi amedapee laa leekeme.

Ma꞉tiu 24:47

I̱ma꞉ iki pa꞉ta꞉ ota꞉ pi alome. Koto you halima꞉ kutu piki someta꞉ ipika꞉ e ala꞉ta꞉ ala꞉ta꞉ paeya tapao handeteke haena꞉ mea halieke.

Ma꞉tiu 24:2

Yesuma꞉ ika꞉ pi hombo peaaso alota꞉ Ikana꞉ma꞉ do da a꞉ela꞉ alemanu paeyao handelemepe. I̱ma꞉ iki pa꞉ta꞉ ota꞉ pi alome. Do toopi epeke tupa꞉ atula atula pea uleke handoloma꞉ tupa꞉ta꞉ homeke ma꞉nda꞉ ota꞉ na wilieke. Koto toopi ota꞉ paeya tapaota꞉ mea holao tankulupu bao aneya moneya pea wilieke alome leekeme.

Ma꞉tiu 23:36

I̱ma꞉ ota꞉ ota꞉ pi alome. Mo hande pa hameke limikieki paeyaona꞉ hoke yenki paeyaota꞉ do ame haleme wanda꞉hali pa꞉ta꞉ ipilieke laa leekeme.

Ma꞉tiu 21:31

Kutupa koto weki yaapo ma꞉nda꞉ hondoma꞉ta꞉ mo hande atekema꞉ hone piekeeki peayekepe leekeme. Ikana꞉ma꞉ hombo peaaso alota꞉ Ipika꞉ mupeke wekima꞉ homekee. Koto laata꞉ Yesuma꞉ alota꞉ I̱ma꞉ iki pa꞉ta꞉ ota꞉ pi alome. Hande dakisi mu hala꞉ haliweki pita꞉ yolo haleme tapakema꞉ iki mina꞉pa꞉lao ikana꞉ma꞉ amba꞉la oli Koda꞉na꞉ Kilu Tombuao Hala꞉ pa꞉ta꞉ pu halememe.

Ma꞉tiu 21:21

Yesuma꞉ hombo peaaso alota꞉ I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ hone tulaaso hata꞉ hone ma꞉nda꞉ na wimika꞉na꞉ta꞉ kota꞉ I̱ma꞉ mo nose ti pa꞉ta꞉ pua꞉ tupa꞉ kone ikana꞉ma꞉ make ana꞉na꞉ pea꞉peke yelieke. Kota꞉ koto hau homeke dia꞉ ya꞉la꞉pate ikana꞉ma꞉ ika꞉ kone do pote pa꞉ta꞉ alo hata꞉ Oni ikali pa꞉ta꞉ pua lopee lemeka꞉na꞉ta꞉ kota꞉ mo potema꞉ ota꞉ pilieke.

Ma꞉tiu 19:28

Yesuma꞉ hombo peaaso alota꞉ I̱ma꞉ ota꞉ pi alome. Mo paa kini pilia꞉ panake di kini pia꞉ka꞉na꞉ta꞉ kota꞉ mo wanda꞉halina꞉ Eiyekema꞉ ipika꞉ ota꞉ seliapo piki pa̱a̱ tiekema꞉ hopiliaasa꞉ you halina꞉ sea manda pitia꞉ka꞉na꞉ta꞉ kota꞉ koto toma꞉na꞉ta꞉ iki yaka 12 disaipolo haliweki make mo Isulaina꞉ 12 tapake handeteke haluekema꞉ ikana꞉ma꞉ mo iki handeteke hala꞉ sea manda pitilimikie.

Ma꞉tiu 19:23

Kutu pieke Yesuma꞉ ipika꞉ disaipolo haliweki pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Hamoko wanda꞉halima꞉ mo hepenina꞉ Kilu Tombuao Hala꞉ pa꞉ta꞉ pua꞉peketa꞉ ota꞉ ana꞉ siki na pilieke.

Ma꞉tiu 18:18

I̱ma꞉ iki pa꞉ta꞉ dupa alome. Ikana꞉ma꞉ do kenke nane ala꞉ta꞉ o hau ma꞉nda꞉ pi wimika꞉na꞉ta꞉ kota꞉ koto pi wita꞉la꞉ ekita꞉ oli hepeni nane make pi wilieke. Koto tupa꞉ kone ikana꞉ma꞉ do kenke nane ala꞉ta꞉ o hau ma꞉nda꞉ pi na wimika꞉na꞉ta꞉ kota꞉ hepeni nane make pi na wilieke.

Ma꞉tiu 18:3

Kutaa ipikana꞉ma꞉ iki pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Ikana꞉ma꞉ ika꞉ hone topo pina꞉ lena꞉ laata꞉ mo weki siki leke na haemeka꞉na꞉ta꞉ kota꞉ ikana꞉ma꞉ hepenina꞉ Kilu Tombuao Hala꞉ pa꞉ta꞉ ota꞉ na honda꞉ pambilimikie.

Ma꞉tiu 11:11

I̱ma꞉ ota꞉ pi alome. Mo hande bapitaisi peao haya꞉ hali Dionita꞉ mo amba꞉ haemeke hali paeyao ota꞉ lombei piki some hala꞉me. Pate mo hepenina꞉ Kilu Tombuao Hala꞉ ekina꞉ ota꞉ biki na ula꞉ some a꞉nda꞉ma꞉ta꞉ Dioni lombei pa꞉la꞉me.

Ma꞉tiu 10:42

Epima꞉ do ya hoki nane tolu hala꞉ you hali dia꞉ ya꞉la꞉pate kone pa ya hoki nane tolu hala꞉ hali ya꞉leke handaa mo hande ipi kanake homeke ma꞉nda꞉ halo haeya꞉ka꞉na꞉ta꞉ kota꞉ koto ikali halia꞉ somema꞉ ipika꞉ yenki putu piliki ota꞉ ana꞉na꞉ milieke hone wia꞉pa꞉peke alome leekeme.

Ma꞉tiu 10:15

I̱ma꞉ iki pa꞉ta꞉ ota꞉ ota꞉ pi alome. Mo Koda꞉na꞉ pi yokaalu pulu pa꞉la꞉ nate tieke ipilia꞉ dina꞉ta꞉ mo hande Sodomo da pita꞉ Komoto da yaapo pa꞉ta꞉ halo pa꞉la꞉ hoke yenkita꞉ ota꞉ tieke mulu pelepepate pa koto ikana꞉ma꞉ walimi pi kiaalimi wanda꞉hali ikana꞉ma꞉ mulu peleme yenkita꞉ Koda꞉ma꞉ ota꞉ haka꞉ta꞉pao halieke alome leekeme.

Ma꞉tiu 8:10

Koto leekeeki Yesuma꞉ opuolota꞉ penkilipa꞉tia pominolo hata꞉ mo hande ipika꞉ hoki nane telimiki wanda꞉hali pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Mo Isulai tapake tukiki pa꞉ta꞉ dupiki hone tulaake some homeke ma꞉nda꞉ a꞉nda꞉ I̱ na handolome.

Ma꞉tiu 6:16

Ikana꞉ma꞉ nee pi a꞉nda꞉ wimika꞉na꞉ta꞉ kota꞉ mo ika꞉ puki pa꞉ta꞉ ula꞉ haumanu a꞉mbaaso hata꞉ mo makeaaso hau piteme haliweki ika꞉ hoke wenoko haseme tupa꞉ na hapa꞉peke. Mo haliwekima꞉ta꞉ wanda꞉halima꞉ handolo hata꞉ ikita꞉ nee pi ula꞉ some ya꞉ka꞉ta꞉me hone wina꞉ ika꞉ loke handeteke hala꞉ hau mina꞉pa꞉latiki pu halememe. I̱ma꞉ iki pa꞉ta꞉ ota꞉ pi alome. Koto haliwekima꞉ ika꞉ mulumeke hone wilimi aleta꞉ ame do hata꞉ mu paeyaasememe.

Luku 4:24

Yesuma꞉ iki pa꞉ta꞉ alota꞉ I̱ma꞉ iki pa꞉ta꞉ alome. Koda꞉na꞉ pi wala꞉la꞉ potopede hali ipika꞉ teke wanda꞉halima꞉ ipiki hone wotu na wilimikie.