Ma꞉tiu 28:19 - Panake Pi La: Ula: Buka pita: Kine Pieke Buka

¹⁹ Koto ekina꞉ta꞉ wanda꞉hali paeyao ya disaipolo haena꞉ mea hamena꞉ kenke honiki honiki paeyao pa꞉ta꞉ wala꞉tia pu hapa꞉peke. Koto ya disaipolo halimi wanda꞉halita꞉ Koda꞉na꞉ bikina꞉ make Ya bikina꞉ make mo Holi Sipitidina꞉ bikina꞉ make bapitaisi hau peao hapa꞉peke.

Ma꞉tiu 28:19 Referans Kwoze

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

Ka꞉leisia 3:27

Ikana꞉ma꞉ Ketiso ame̱le̱ ta꞉ma꞉ni pea hamena꞉yeke bapitaisi peaya꞉me. Koto ekina꞉ta꞉ ameta꞉ ikana꞉ma꞉ Ketisona꞉ da꞉taasa꞉ ekita꞉ aka꞉ leke pambao halememe.

Loma꞉ 10:18

Kutu pitelemepate I̱ma꞉ lota꞉ pitoloeki dupae. Hande pita꞉ wanda꞉halima꞉ na opelememe ala꞉ ekita꞉ ota꞉ alemepe. Dia꞉me amba꞉ opimime. Hande Baibolo bukana꞉ wape pa꞉la꞉ ekita꞉ dupa Mo pi mea puaaseme haliwekina꞉ kakema꞉ lemeke pi manuta꞉ kenke paeyao pa꞉ta꞉ amba꞉ pa꞉la꞉me. Ikana꞉ma꞉ lemeke pi manuta꞉ kenke honiki pa꞉ta꞉ haleme wanda꞉halima꞉ amba꞉ opelememe laa wape pa꞉la꞉me.

Epesese 2:18

Ketisoma꞉ peaala꞉ ekima꞉ta꞉ Diu wanda꞉hali make Diendaili wanda꞉hali make niki paeyaoma꞉ta꞉ homeke Sipitidi meata꞉ Koda꞉ hala꞉ pa꞉ta꞉ pua꞉peke ya꞉la꞉me.

Aposolo 28:28

Kutupa Poloma꞉ lo paeyaaso hata꞉ alota꞉ Hone wia꞉pa꞉peke. Koda꞉ma꞉ ipika꞉ da꞉taasa꞉ pita꞉ mo Diendaili wanda꞉hali pa꞉ta꞉ tapaasa꞉ma꞉ opilimikie laa lea꞉me.

Aposolo 2:41

Koto leeke handa wanda꞉hali wopuma꞉ Pidama꞉ waleeke pi opuaata꞉ bapitaisi hau pimikime. Paeyaota꞉ 3 daoseni wanda꞉hali tupa꞉ koto natena꞉ mo hande pi minolo hata꞉ mo Ketiso wanda꞉hali ame̱le̱ apa꞉tao hao haemekeme.

1 Pida 3:21

Koto ikalita꞉ mo hande wetepena꞉ bapitaisi hau epolo piekeeki manda mieke ikalie. Do ame pu haleme bapitaisi hauma꞉ta꞉ pa ika꞉ lokena꞉ ha̱i̱ tanda꞉ pelemeeki dia꞉ya꞉la꞉pate ika꞉ epeke hone tekema꞉ Koda꞉ pa꞉ta꞉ pi la꞉ witolo hamena꞉ mo ikalima꞉ iki petolo hala꞉me. Do bapitaisi hauta꞉ mo Yesu Ketisona꞉ paa tiaeyeke ekima꞉ iki petolo hala꞉me.

Kini Pieke 1:26

Kutupa Koda꞉ma꞉ alota꞉ Kota꞉ ameta꞉ wanda꞉halimanu wepumana꞉e laa leekeme. Ikita꞉ nikima꞉ handaa nika꞉ hau hondena꞉e laa leekeme. Ikana꞉ma꞉ta꞉ mo ta꞉pelimanu make bamanu make pona꞉la꞉ hotekemanu make tikene hala꞉ hotekemanu make tieke make hosikale sunu make paeya tapaota꞉ kilu tombuao haena꞉e laa leekeme.

1 Kotindi 15:29

Pate Paa na tiaalumekee lemeka꞉na꞉ta꞉ kota꞉ mandane wanda꞉halima꞉ta꞉ mo amba꞉ homemeke wanda꞉hali pa꞉ta꞉ hone witolo hata꞉ bapitaisi piteleme hauta꞉ eki puluekema꞉ koto hau pitelemepe. Amba꞉ homemeke wanda꞉hali paa mea tiaapeke na ya꞉ka꞉na꞉ta꞉ kota꞉ mo wanda꞉halima꞉ta꞉ amba꞉ homemeke wanda꞉hali pa꞉ta꞉ hone witolo hata꞉ ekipeke bapitaisi hau pitelemepe.

Aposolo 14:21

Kutupa Polo Banabasi yaapoma꞉ koto da pa꞉ta꞉ mo hande Pi Seliapo walaka꞉na꞉ disaipolo wanda꞉hali wopu haena꞉ laata꞉ oli hande Lisita Aikoniomo A꞉ndioko damanu paeyao nane la꞉ka꞉la puaata꞉

Kolosi 1:23

Koto pa꞉la꞉pate ikana꞉ma꞉ta꞉ mo da̱o̱la pelia hala꞉ ekina꞉ hata꞉ honkopu hao kima꞉ na homeke pa putia pua꞉pa꞉peke. Kutupa ikita꞉ ika꞉ mo hande waloma꞉ Pi Seliapo opimi natena꞉ mimi hone ti laasemeeki pa꞉ta꞉ta꞉ aleta꞉ ma꞉nda꞉ma꞉ iki wato baena꞉ waleke na hala꞉pa꞉peke. I̱ Polota꞉ do Pi Seliapona꞉ pa hameke e pokaasa꞉ hali haowa꞉me. Do Pi Seliapota꞉ mo kenke honiki paeyao pa꞉ta꞉ haleme wanda꞉hali pa꞉ta꞉ wala꞉la꞉ pina꞉ loa꞉me.

Aposolo 9:18

Kutupa koto kone mo ta꞉peli o̱ma꞉ handeke ale manuma꞉ leke tombuao hao londa꞉la꞉pa lopeke nono piekeme. Kutupa ipika꞉ leke paa ki leekeme. Kutupa koto kone tiao pua bapitaisi piekeme.

Ma꞉tiu 13:52

Koto lemeke opitolo Yesuma꞉ alota꞉ Hali ma꞉nda꞉ epi a꞉nda꞉ma꞉ta꞉ mo amba꞉ la꞉ wieke Lo Pimanu walo hala꞉ hali hata꞉ta꞉ pa mo hepenina꞉ Kilu Tombuao Hala꞉ ekina꞉ hau paeyao miniki hala꞉ hali make haya꞉ka꞉na꞉ta꞉ kota꞉ koto someta꞉ mo da tiekena꞉ tekehali tupa꞉ hata꞉ ipika꞉ momba꞉la nu pindu hao u hala꞉ da panda꞉ pa꞉ta꞉ pua amba꞉ epeke alemanu make panake epeke alemanu make apa꞉tao mea a꞉pa peneme yaasa꞉ somema꞉ handilieke leekeme.

1 Dioni 5:7

Do ekina꞉ wekitisi haasa꞉eki manuta꞉ tepoe.

Ma꞉tiu 25:32

Koto pa꞉ta꞉ta꞉ do kenkena꞉ hala꞉ tapake tapake paeyao ipika꞉ leke popelekena꞉ mombelena꞉ lelimikie. Kutaa ipikana꞉ma꞉ta꞉ mo hande ma꞉na꞉ handeteke hala꞉ halima꞉ ipika꞉ sipisipi pita꞉ meme yaapo putupa꞉ alu peao peliaasa꞉ tupa꞉ do kenke wanda꞉hali make mandake tupa꞉ tapake yaapo putupa꞉ alu pilieke.

Aposolo 1:2

Kutupa Holi Sipitidima꞉ walolo haena꞉ Yesuma꞉ ipika꞉ talopu mea haena꞉ leeke aposolo haliweki pa꞉ta꞉ pi lo paeyaota꞉ oli ya nane a꞉meiyeketa꞉ wape pu naowa꞉me.