Ma꞉tiu 27:66 - Panake Pi La: Ula: Buka pita: Kine Pieke Buka

⁶⁶ Koto leeketa꞉ ikana꞉ma꞉ Pailedi mina꞉pa꞉lao mo hali lapa꞉ pa꞉ta꞉ pua mo lapa꞉ kake a꞉mbeeke toopi ka꞉ka꞉na꞉ manuta꞉ domama꞉ a꞉mbo hopa꞉liao paeyeketa꞉ mo hande sa꞉sa꞉ pita꞉la꞉ tapakema꞉ handeteke haena꞉ laa pemekeme.

Ma꞉tiu 27:66 Referans Kwoze

2 Timodi 2:19

Koda꞉ma꞉ nokopeeke taka꞉lake pinkita꞉ da̱o̱la꞉pa pa꞉la꞉me. Koto pinkina꞉ pi yaapo wape pea ula꞉ ekita꞉ dupa. Tekehalima꞉ ipika꞉ wanda꞉halita꞉ ipika꞉ amba꞉ hando ulume laa wape pea ula꞉me. Kutupa pi ma꞉nda꞉ make dupa. Ma꞉nda꞉ hali epima꞉ I̱ta꞉ mo Tekehalina꞉eki halome lea꞉ka꞉na꞉ta꞉ kota꞉ mo hokeeki paeyao ota꞉ mina꞉pa꞉lao hoki walaa pua꞉peke ya꞉la꞉me pi yaapo wape pa꞉la꞉me.

Ma꞉tiu 28:2

koto kone yu momeni tieke piekeme. Kutu pieke taapuna꞉ta꞉ Tekehali Koda꞉na꞉ enisolo homeke oli hepeni nanema꞉ hola꞉pa꞉niao a꞉pa hata꞉ mo hande apa꞉nda꞉ kake a꞉mbeeke toopi londolo pete pete peaota꞉ mo toopi manda ipiki pitiekeme.

Ma꞉tiu 27:60

ipika꞉ panake awa wieke tikene dama꞉ handeke lapa꞉ pa꞉ta꞉ mea pua wiekeme. Koto lapa꞉ data꞉ Diosepema꞉ manda꞉ piki toopi manda tomba꞉la awa wieke ekie. Mo hali toko wina꞉ laata꞉ Diosepema꞉ toopi homeke ma꞉nda꞉ mea pete pete peatiki pua mo toopi ka꞉ka꞉na꞉ a꞉mbaata꞉ peekeme.

Ma꞉tiu 28:11

Koto wanda꞉ yaapo la꞉ka꞉la pulu haena꞉ta꞉ mo hande lapa꞉ handeteke haemeke mandane ami haliwekima꞉ mo hande Diutuseleme daoni nane paa la꞉ka꞉la puaata꞉ hande yeni peao hayeke you haliweki pa꞉ta꞉ mo hande pieke yeke hau paeyao la halemekeme.

Ma꞉tiu 27:65

Koto lemekeeki opuaata꞉ Pailedima꞉ iki pa꞉ta꞉ alota꞉ A꞉pa꞉la꞉me. Sa꞉sa꞉ pita꞉la꞉ tapake ma꞉nda꞉ hatuku puaata꞉ mo hali lapa꞉na꞉ pota꞉ kaketa꞉ epeke tupa꞉ katolapa꞉peke leekeme.

Maka 16:4

Koto lemekepate pa handa꞉liaaso hata꞉ mo hande toopi petepete yawao lumbupa wieke ekita꞉ handemekeme. Kutupa make mo toopita꞉ ota꞉ tieke yeekeme.

Dioni 20:1

Da kelepuluekema꞉ yu pa̱a̱ pitolo haena꞉ Sande kone Ma꞉kadala wanda꞉ Metita꞉ hande hali hoimiki pa꞉ta꞉ puaata꞉ hande naku kake a꞉mbaniao wimiki toopita꞉ paa londolo wiekeeki handeekeme.

Peneme Yaeyekeeki 20:3

Mo enisoloma꞉ta꞉ mo sita꞉ oni naku tieke kiake pa꞉ta꞉ yola꞉ mea loka꞉ hao a꞉mbo pambea꞉me. Pa ekipeke mo sima꞉ta꞉ do kenke paeyao haleme tapake ta꞉ta꞉ ta꞉ta꞉ makeaama꞉na꞉ mo 1 daoseni bapimanu paeya꞉ka꞉na꞉ opolu baena꞉yeke pia꞉me. Koto hoki naneta꞉ nateleke hosiki siki ka꞉la꞉pa꞉ tapaalieke.