Ma꞉tiu 27:27 - Panake Pi La: Ula: Buka pita: Kine Pieke Buka

²⁷ Kutu pieketa꞉ mo dolo a꞉ndeli miniki haliwekima꞉ Yesuta꞉ mo Kapomani tiekena꞉ da tukiki pa꞉ta꞉ panda꞉ tieke ma꞉nda꞉ pa꞉ta꞉ hatuku peeketa꞉ ika꞉ ami tapake mandaneeki paeyaoma꞉ ipiki a꞉pa ambulao haemekeme.

Ma꞉tiu 27:27 Referans Kwoze

Dioni 18:33

Pailedima꞉ da tukiki pa꞉ta꞉ la꞉ka꞉la pua hata꞉ Yesu epena꞉ wi laa ipiki pa꞉ta꞉ lota꞉ pitolo alota꞉ Neketa꞉ Diu wanda꞉halina꞉ kini hali halepe leekeme.

Dioni 18:28

Kaiya꞉pasi hayeke alena꞉ mina꞉pa꞉lao mo Kapomani You halina꞉ da pa꞉ta꞉ Yesu hatuku mea pemekeme. Da panake ka꞉la꞉polo haena꞉ mea pemekeme. Diu haliwekima꞉ta꞉ mo Lombei Pupa Yapeeke ekina꞉ ne pambemekeeki noluekema꞉ iki hoeyaama꞉na꞉ ika꞉ nindi pelemeeki hone witolo hata꞉ mo da tukiki pa꞉ta꞉ na peke hama꞉ nane pa haemekeme.

Aposolo 10:1

Mo Sesatia da nane ami opisa hali homeke hayekeme. Ipika꞉ bikita꞉ Koniliesie. Ipikana꞉ma꞉ta꞉ mo ami haliweki 100 handeteke hayekeme. Koto somema꞉ handeteke hayeke ami tapakena꞉ bikita꞉ Ideli tapakee.

Aposolo 23:35

ipikana꞉ma꞉ alota꞉ Neke pa꞉ta꞉ ba꞉sa꞉ pimiki haliweki opolo epemeka꞉na꞉ta꞉ kota꞉ naka꞉ pi opulueke leekeme. Kutupa mo Hetodina꞉ da tieke pa꞉ta꞉ mea pita kade haliwekima꞉ handeteke haena꞉yeke leekeme.

Aposolo 27:1

Kutupa Ideli nane palai kawaso tiekena꞉ pomana꞉e laa hone wimiki pita꞉ Polo mandane dipula haliweki ame̱le̱ ami opisa hali homeke Diuliusi pa꞉ta꞉ halaaka꞉na꞉ ipikana꞉ma꞉ta꞉ Okasitani tapake hali hata꞉ handeteke haena꞉yeke pimime.

Dioni 18:3

Koto ekina꞉ Diudasima꞉ta꞉ mandane ami haliweki make mo yeni peao haemeke you haliweki mo Pa꞉tisi haliweki yaapoma꞉ tapaemeke tembolo da handeteke haemeke haliweki make hande e pa꞉ta꞉ hatuku peekeme. Mo haliwekima꞉ ola꞉pake make a꞉ndelimanu make mutia pemekeme.

Ma꞉tiu 26:3

Koto pita꞉ kone mo Pa꞉tisi haliweki pita꞉ mo you haliweki paeyaoma꞉ mo yeni peao hayeke you hali Kaiya꞉pasina꞉ da tieke pa꞉ta꞉ a꞉pa momba꞉la pitaa