Ma꞉tiu 27:21 - Panake Pi La: Ula: Buka pita: Kine Pieke Buka

²¹ Kutu pimikipate Pailedima꞉ mo wanda꞉hali pa꞉ta꞉ alota꞉ Do hali yaapota꞉ iki naneta꞉ hando hali ka꞉la꞉pa꞉ ta꞉pao epena꞉ lonope leekeme. Koto leeke iki paeyaoma꞉ alota꞉ Batabasi tapae lemekeme.

Ma꞉tiu 27:21 Referans Kwoze

Ma꞉tiu 27:20

Mo yeni peao haemeke you haliweki pita꞉ tondiki haliweki ikana꞉ma꞉ wanda꞉halima꞉ Pailedi pa꞉ta꞉ honke alo hata꞉ Batabasita꞉ tapaaso hata꞉ Yesuta꞉ lina꞉e lena꞉ ika꞉ hone u tiao haemekeme.

Ma꞉tiu 27:22

Koto pi opitolo hata꞉ Pailedima꞉ iki pa꞉ta꞉ alota꞉ Kota꞉ do Ketiso aleme hali Yesu pa꞉ta꞉ta꞉ eki peonope leekeme. Koto leeke iki paeyaoma꞉ alota꞉ A꞉ka꞉tei wape piki tina꞉ tamendiae lemekeme.

Ma꞉tiu 27:17

Koto ekina꞉ wanda꞉hali paeyao wopuma꞉ momba꞉la haena꞉ Pailedima꞉ iki pa꞉ta꞉ alota꞉ Ika꞉ honema꞉ta꞉ hande Yesu Batabasi tapanope o mo Ketiso aleme hali Yesu tapaanope leekeme.

Luku 20:14

Kutu piekepate mo hande e handeteke haemeke haliwekima꞉ta꞉ mo weki epeekeeki handaata꞉ kota꞉ ika꞉ honema꞉ lombolo alota꞉ Hande e teke halina꞉ anke teke mulu pa꞉la꞉ wekita꞉ koto ipula꞉ handa꞉e. Ota꞉ lumana꞉e la alota꞉ Luma꞉ka꞉na꞉ta꞉ kota꞉ mo eta꞉ ota꞉ nika꞉ eki wilieke lemekeme.

Luku 23:13

Pailedima꞉ mo yeni peao haemeke you haliwekima꞉ make tondiki haliwekima꞉ make mo wanda꞉hali