Ma꞉tiu 26:58 - Panake Pi La: Ula: Buka pita: Kine Pieke Buka

⁵⁸ Pidama꞉ Yesu telimea peekepateta꞉ ipika꞉ teke pa꞉ta꞉ na peketa꞉ pa mo hande yeni peao hayeke you halina꞉ da hankepe nane honda꞉pa꞉ lopa Yesu pa꞉ta꞉ta꞉ eki haumanu pilimipe laa handuluekema꞉ mo hande pota꞉ kake handeteke haemeke haliweki ame̱le̱ pitiekeme.

Ma꞉tiu 26:58 Referans Kwoze

Dioni 7:32

Mo wanda꞉halima꞉ Yesu pa꞉ta꞉ koto pi lemeke ekimanu mo Pa꞉tisi haliwekima꞉ opuata꞉ mo yeni peao haemeke you haliweki ame̱le̱ apa꞉tao Yesu da꞉ka꞉pa꞉ minulu pena꞉ mo tembolo da handeteke haemeke haliweki tapaemekeme.

Dioni 18:25

Pidama꞉ ipika꞉ loke titipu pina꞉ alo koto pa꞉ta꞉ pa ha pelia hayekeme. Kutupu haena꞉ mo mandane haliwekima꞉ ipiki pa꞉ta꞉ alota꞉ Neketa꞉ mo hande halina꞉ disaipolo hali ma꞉nda꞉ na halepe lemekepate Pidama꞉ a꞉mbaaso alota꞉ I̱ta꞉ dia꞉me leekeme.

Dioni 7:45

Kutu pieketa꞉ mo tembolo da handeteke haemeke haliwekita꞉ mo yeni peao haemeke you haliweki make mo Pa꞉tisi haliweki ame̱le̱ haemeke alena꞉ paa la꞉ka꞉la pemekepate mo haliwekima꞉ hande tembolo da handeteke haemeke haliweki pa꞉ta꞉ alota꞉ Mo hande halita꞉ ekipeke da꞉ka꞉pa꞉ mina na hatuku ipulimipe lemekeme.

Ma꞉tiu 5:25

Hali ma꞉nda꞉ma꞉ neke yaapo pi yokaalu puluekema꞉ hatuku pea꞉ka꞉na꞉ta꞉ kota꞉ koto pota꞉na꞉ pulu hata꞉ kone ipiki yaapo koto kone tikitiki yao epeapa꞉peke. Kotoeki na pika꞉na꞉ta꞉ kota꞉ ipikana꞉ma꞉ neketa꞉ mo pi yokaalu pita꞉la꞉ ekina꞉ you hali pa꞉ta꞉ halieke. Kutaa mo you halima꞉ta꞉ mo polisi haliweki pa꞉ta꞉ neke halieke. Kutu pia꞉ka꞉na꞉ta꞉ mo polisi haliwekima꞉ neke dipula mea pitalieke.

Ma꞉tiu 26:3

Koto pita꞉ kone mo Pa꞉tisi haliweki pita꞉ mo you haliweki paeyaoma꞉ mo yeni peao hayeke you hali Kaiya꞉pasina꞉ da tieke pa꞉ta꞉ a꞉pa momba꞉la pitaa

Luku 22:54

Mo haliwekima꞉ Yesu mina mo yeni peao hayeke teke halina꞉ da nane hatuku mea pemekeme. Kutupa Pidata꞉ mopate leke hata꞉ telia꞉ mea peekeme.

Dioni 19:6

Mo yeni peao haemeke you haliwekima꞉ make mo tembolo da handeteke haemeke haliwekima꞉ make Yesu handaata꞉ anekema꞉ wi la alualu pitolo alota꞉ A꞉ka꞉tei wape piki tina꞉ tamendiao homena꞉ lie. A꞉ka꞉tei wapepiki tina꞉ tamendiao homena꞉ lie lemekeme. Pailedima꞉ iki pa꞉ta꞉ alota꞉ Kota꞉ ika꞉ kone ipiki mea pua a꞉ka꞉tei wapepiki tina꞉ tamendiao lipe laa I̱ma꞉ta꞉ ipika꞉ ketete ma꞉nda꞉ pa꞉la꞉ ekita꞉ na handa꞉ ua꞉me leekeme.

Aposolo 5:22

Mo tembolo da handeteke haemeke haliwekima꞉ dipula da pa꞉ta꞉ opolo pua handemekepate pa mo aposolo haliweki na pitimikieki handaata꞉ paa la꞉ka꞉la pua mo ka̱le̱sete haliweki pa꞉ta꞉ la halolo alota꞉

Aposolo 5:26

Koto ekina꞉ mo hande tembolo da handeteke hayeke you halima꞉ ipika꞉ haliweki ame̱le̱ puaata꞉ mo aposolo haliweki hatuku mulu pua epemekeme. Wanda꞉halima꞉ toopima꞉ iki liaama꞉na꞉yeke mo haliweki yopu hatuku mea epemekeme.