Ma꞉tiu 26:45 - Panake Pi La: Ula: Buka pita: Kine Pieke Buka

⁴⁵ Kutupiki yeni pea paeyeke ipika꞉ disaipolo haliweki pa꞉ta꞉ paa la꞉ka꞉la a꞉pa alota꞉ Ikita꞉ hoto pita꞉ u̱ polu pita꞉ pimipe. A꞉e handepe. A꞉nda꞉ lomba꞉la꞉ halima꞉ Wanda꞉halina꞉ Eiyeketa꞉ mo hoke hau pu haleme haliwekima꞉ minina꞉ ala꞉me.

Ma꞉tiu 26:45 Referans Kwoze

Dioni 13:1

Mo hande Lombei Pupa Yapeeke natena꞉ ne pambuluekema꞉ hata꞉ta꞉ Yesuma꞉ do kenke mina꞉pa꞉lao Ateke pa꞉ta꞉ polo pieke di amba꞉ tunkula꞉la꞉me hone wiekeme. Ipikana꞉ma꞉ do kenkena꞉ haemeke ipika꞉ wanda꞉hali pa꞉ta꞉ pukima꞉ homo hao paeyaalo pulu hata꞉ make iki pa꞉ta꞉ pukima꞉ homeekeme.

Dioni 17:1

Yesuma꞉ koto pimanu laata꞉ oli ya nane handa꞉liao hata꞉ alota꞉ Apa꞉o. Hande di amba꞉ epa꞉la꞉me. Naka꞉ wekima꞉ naka꞉ bikita꞉ mea a꞉meiyaena꞉yeke naka꞉ wekina꞉ biki nakana꞉ma꞉ mea a꞉meiyapeke.

Dioni 12:27

Ameta꞉ ya puki tandama꞉ homolome hata꞉ eki pi lonope. Doeki lapeke ya꞉la꞉pe. Apa꞉o. Hande I̱ pa꞉ta꞉ epolo pa꞉la꞉ di na epena꞉ lapeke lonope. Dia꞉me. Koto tanda tandama꞉ homolo polo di muluekema꞉ epoa꞉me.

Luku 22:53

I̱ta꞉ nate wopu oni tembolo da tukiki pa꞉ta꞉ iki ame̱le̱ haowa꞉pate ikana꞉ma꞉ I̱ da꞉ka꞉pa꞉ minuluekema꞉ na taapememe. Koto pa꞉la꞉pate do timbata꞉ naka꞉ natee. Mo hande timba꞉ leke ekina꞉ honkopuma꞉ handeteke halo pa꞉la꞉ natee leekeme.

Ma꞉tiu 26:18

Ipikana꞉ma꞉ ika꞉ pi hombo peaaso hata꞉ alota꞉ Ikana꞉ma꞉ handeleme daoni tukiki pa꞉ta꞉ hala꞉ some ma꞉nda꞉ pa꞉ta꞉ pua dupa lapa꞉peke Hande Wala꞉la꞉ halima꞉ alota꞉ Ya nateta꞉ teke pa꞉ta꞉ opolo a꞉pa꞉la꞉me. Ya disaipolo haliweki nikana꞉ma꞉ naka꞉ da pa꞉ta꞉ mo Lombei Pupa Yapeeke ne pambulumeke lea꞉ma꞉ lapa꞉peke leekeme.

Ma꞉tiu 26:2

Ika꞉ hone wilimi tupa꞉ nate homeke hao ma꞉nda꞉na꞉ta꞉ mo hande Lombei Pupa Yapeeke Nate ipilieke. Koto natena꞉ta꞉ haliwekima꞉ mo Wanda꞉halina꞉ Eiyeketa꞉ a꞉ka꞉tei wape piki tina꞉ endiao lina꞉ halimikie leekeme.

Ma꞉tiu 26:44

Kutupa Yesuma꞉ paa pua hoto tepo peao yeni pua pitolo hata꞉ta꞉ mo hande amba꞉ yeni pitolo leeke pimanu kone leekeme.

Ma꞉tiu 26:46

Pomana꞉ tiaape. Hande I̱ minina꞉ a꞉nda꞉ lomba꞉la꞉ halita꞉ koto ipula꞉ handa꞉e leekeme.

Maka 14:35

Kutupa hosiki mopate leke puaata꞉ kenkena꞉ peliniao yeni piekeme. Ipika꞉ yeni pieke ekita꞉ dupa piekeme. Ana꞉ pia꞉ka꞉na꞉ta꞉ do ka꞉nda꞉ pa꞉la꞉eki ipula꞉eki mone yaae laa yeni piekeme.

Dioni 12:23

Yesuma꞉ ipilika꞉ pi hombo peaaso alota꞉ Wanda꞉halina꞉ Eiyekema꞉ mo pa̱a̱ piki kapu tieke mulu pa꞉la꞉ di ame ipula꞉me.