Biblia Todo Logo
Bib sou entènèt

- Piblisite -




Ma꞉tiu 26:39 - Panake Pi La: Ula: Buka pita: Kine Pieke Buka

39 Hosiki mo pate leke puaata꞉ kenkena꞉ puki yama peliniaaso dupiki yeni piekeme. Ya Apa꞉o. Nakana꞉ma꞉ pea꞉peke ya꞉ka꞉na꞉ta꞉ kota꞉ do ipula꞉ ka꞉nda꞉ tieke wopu tumbiki kapota꞉ I̱ pa꞉ta꞉ na epena꞉ leke yoka꞉ muelena꞉e laa hone pa꞉la꞉pate ya hone pa꞉la꞉eki dia꞉me. Pa naka꞉ hone pa꞉la꞉eki homekee leekeme.

Gade chapit la Kopi




Ma꞉tiu 26:39
27 Referans Kwoze  

I̱ma꞉ta꞉ oli hepeni nane hao hola꞉pa꞉niao a꞉pa yaka hone pa꞉la꞉eki puluekema꞉ na epeke I̱ tapaala꞉ halina꞉ hone pa꞉la꞉eki puluekema꞉ epolo ekina꞉ loa꞉me.


Kutupa ipikana꞉ma꞉ ipiki kone homu pea hata꞉ mo homolo polo pieke ekina꞉ na kiake mea homeekeme. Hande ipikana꞉ma꞉ a꞉ka꞉tei wapepiki tina꞉ homeeke ekina꞉ loa꞉me.


Koto laata꞉ Yesuma꞉ hoto yaapo peao paa pua yeni pitolo hata꞉ alota꞉ Ya Apa꞉o. Do ka꞉nda꞉ma꞉ tumbiki kapo ipula꞉eki a꞉nda꞉ na yoka꞉ mea baeka꞉na꞉ ota꞉ nono lea꞉ka꞉na꞉ta꞉ kota꞉ a꞉pa꞉la꞉ma꞉ naka꞉ hone peleeki pea꞉peke leekeme.


Yesuma꞉ do kenkena꞉ hata꞉ta꞉ mo hande homa꞉la꞉ ekima꞉ ipiki meaama꞉na꞉ mo ipika꞉ pa꞉ta꞉la꞉peke yeke Koda꞉ pa꞉ta꞉ ipika꞉ yeni pieke ekima꞉ make honke leeke ekima꞉ make e̱ wi tieke laa e̱ pankeke lopolo haena꞉ yeni piekeme. Koto yenita꞉ homu pikima꞉ pieke handaa Koda꞉ma꞉ ota꞉ opiekeme.


I̱ma꞉ ya kone hone wia hau ma꞉nda꞉ pea꞉peke na ya꞉la꞉me. Koda꞉ma꞉ I̱ pa꞉ta꞉ la kita꞉la꞉eki I̱ma꞉ opuaata꞉ pi yokaalu pitolome. Yaka hone pa꞉la꞉eki puluekema꞉ hone na wiki I̱ tapaala꞉ halina꞉ hone pa꞉la꞉eki puluekema꞉ hone witolo ekina꞉ I̱ma꞉ pi yokaalu pitolo ekita꞉ tikitikina꞉ pea꞉peke ya꞉la꞉me.


Pa I̱ma꞉ yaka Apa꞉ pa꞉ta꞉ pukima꞉ homolo ekita꞉ do kenke wanda꞉halima꞉ handena꞉ loluekema꞉yeke ipikana꞉ma꞉ I̱ pa꞉ta꞉ doeki pea꞉peke lea꞉ haumanu paeyao pu halome laata꞉ Tiao do pa꞉ta꞉ mina꞉pa꞉lao pomana꞉e laa leekeme.


Kutu pieketa꞉ Yesuma꞉ Pida pa꞉ta꞉ alota꞉ Naka꞉ kepete hokulu pao mea dake pa꞉ta꞉ panka꞉niae. Yaka Apa꞉ma꞉ I̱ ka꞉la꞉ kapo ikalita꞉ na noluepe leekeme.


Kutupa hande toopi pa nane mea wimikime. Yesuma꞉ handa꞉liao hata꞉ alota꞉ Apa꞉o. Nakana꞉ma꞉ yaka pi opu hale ekina꞉ neke pa꞉ta꞉ keiyae pi alome.


Koto leekepate Yesuma꞉ mo wanda꞉na꞉ eiyeke yaapo pa꞉ta꞉ alota꞉ Ipilika꞉ honke alepe ekita꞉ hone wotu na wiki hata꞉ alepeme. I̱ma꞉ mo ka꞉nda꞉ pa꞉la꞉ ekina꞉ kapona꞉ nolua꞉ ekita꞉ ipilikana꞉ma꞉ make napa꞉peke yelepe leekeme. Ipilikana꞉ma꞉ ipika꞉ pi hombo peaaso alota꞉ Diki ana꞉ pa꞉la꞉me lepekeme.


Yayapiki Ketisomanu make yayapiki pi la꞉ mea halo hala꞉ haliweki make a꞉pa mo hande Koda꞉na꞉ ma̱leke lila꞉ wanda꞉hali pa nane hatuku mea puluekema꞉ yeke iki makeaapeke ya꞉la꞉o laa makea handuluekema꞉ na handeke hau tieke tiekemanu make wele pita꞉la꞉ ekimanu make walimikie.


I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.


Koto leeke Eipola꞉ma꞉ta꞉ you panda꞉puniao ipika꞉ popeleketa꞉ oni yu wataeyeke handaa Koda꞉ma꞉ alota꞉


Pida da pa꞉ta꞉ honda꞉ pambeeketa꞉ Koniliesima꞉ a꞉pa manda꞉hande pea ipika꞉ anke pa꞉ta꞉ lopa꞉niao Pida pa꞉ta꞉ panda꞉puniaeyekeme.


a꞉pa Yesuna꞉ leke popelekena꞉ puki yama peliolo hata꞉ ta꞉na꞉e pi leekeme. Kutu pieke halita꞉ Sametia hali yeekeme.


Yayapiki Ketiso haliweki make yayapiki potopede haliweki make a꞉paata꞉ iki penkilipulu peleme alemanu make wele pita꞉la꞉ ekimanu make walaata꞉ mo hande Koda꞉na꞉ talopu ma꞉la꞉ wanda꞉hali kone kutu pea꞉peke ya꞉ka꞉na꞉ta꞉ hatuku pu hoeyaaluekema꞉ walimikie.


Koto ekina꞉ Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Hande Eiyekema꞉ ipika꞉ kone hone wia hau ma꞉nda꞉ pea꞉peke na ya꞉la꞉me. Ipika꞉ Apa꞉ma꞉ pita꞉la꞉eki handa꞉ pu hala꞉me. Hande Apa꞉ma꞉ pu hala꞉eki kone hande Eiyekema꞉ make pu hala꞉me.


Swiv nou:

Piblisite


Piblisite