Ma꞉tiu 25:6 - Panake Pi La: Ula: Buka pita: Kine Pieke Buka

⁶ Kutaa buta꞉hoki nane yopua paeyeketa꞉ ma꞉nda꞉ma꞉ wi tieke la alota꞉ Hande wanda꞉ mulu pa꞉la꞉ halita꞉ do ipula꞉ma꞉ a꞉pa manda꞉hande pipee leekeme.

Ma꞉tiu 25:6 Referans Kwoze

2 Pida 3:10

Koto pa꞉la꞉pate Tekehalina꞉ Nateta꞉ mo hande pake nala꞉ hali ipula꞉ tupa꞉ ipilieke. Koto Natena꞉ta꞉ oli yata꞉ pututu piki e̱ wi laa alupilieke. Oli yana꞉ hala꞉ ale manuta꞉ tima꞉ taa hoeyaota꞉ do kenke make kenke pa꞉ta꞉ ula꞉ ale paeyao make taa alupaalieke.

Ma꞉tiu 25:1

Yesuma꞉ alota꞉ Koto nate a꞉nda꞉ opolo epea꞉ka꞉na꞉ta꞉ mo hande hepenina꞉ Kilu Tombuao Hala꞉ ekina꞉ hauta꞉ do tupa꞉ pia꞉ka꞉na꞉ handilimikie. Nate ma꞉nda꞉na꞉ kiki yaapo wandiki tonu a꞉nda꞉ma꞉ wanda꞉ mulu pieke hali epeeke manda꞉hande pea handa꞉ mea ipuluekema꞉ ika꞉ ka꞉ta꞉sini ola꞉pake mea mina pemekeme.

Ma꞉tiu 24:44

Ikana꞉ma꞉ make koto pieke tupa꞉ kone hoto paeyao tikitiki yao hapa꞉peke. Pa ekipeke. Mo Wanda꞉halina꞉ Eiyeketa꞉ ikana꞉ma꞉ dupita꞉ma꞉ ipilieke hone na wilimi natena꞉ opolo ipilieke.

Ma꞉tiu 24:31

Kutu pilia꞉ dina꞉ta꞉ bu kanake tieke homekema꞉ e̱ tieke alo haena꞉ta꞉ ipikana꞉ma꞉ oli nate pamba꞉la꞉ opa꞉la꞉ yaapo nane make olina꞉ onina꞉ yaapo paeyaona꞉ haleme ipika꞉ ma̱leke lila꞉ wanda꞉hali momba꞉lawaena꞉ ipika꞉ enisolo tonu tapaa tapaa pilieke.

Peneme Yaeyekeeki 16:15

Opie. I̱ta꞉ pake nala꞉ hali leke ipulueke. U̱ na peliki hata꞉ ipika꞉ aka꞉manu wopu handeteke hao hale someta꞉ ta꞉na꞉ma꞉ homilieke. Ipikita꞉ paa tia pominolo hata꞉ wanda꞉hali leke popelekena꞉ yaala꞉ meaapa꞉na꞉yeke pita꞉la꞉me.

1 Desalonaika 4:16

Kutu pilie natena꞉ta꞉ mana꞉ pi aneke hapu alo haena꞉ mo titina꞉ enisolona꞉ pi ho̱la̱꞉make tonka꞉na꞉ alo haena꞉ Koda꞉na꞉ bu kanake make litolo haena꞉ kutupiki haumanu pitolo haena꞉ta꞉ Tekehali ipiki oli hepeni nanema꞉ hao hola꞉pa꞉nialo ipilieke. Hande Ketiso pa꞉ta꞉ hone tulao hata꞉ homemeke wanda꞉hali amba꞉la paa mea tialieke.

Luku 12:46

ipika꞉ you halita꞉ Do natena꞉ ipilieke hone na witolo halia꞉ natena꞉ta꞉ koto kone opolo ipilieke. A꞉paata꞉ mo e pokaasa꞉ halita꞉ homena꞉ liaata꞉ pa pi na opiki wanda꞉hali ame̱le̱ haena꞉ la꞉lieke leekeme.

Luku 12:20

Koda꞉ma꞉ ipiki pa꞉ta꞉ alota꞉ Neketa꞉ hone na wiki halio. Ame do timba kone naka꞉ da꞉ta꞉la꞉eki pao yokulueke. Kutu pua꞉ka꞉na꞉ta꞉ kota꞉ nakana꞉ma꞉ naka꞉eki laa wia hale ale manuta꞉ epima꞉ milia꞉pe laa leekeme.

Ma꞉tiu 25:31

Kutu piki onkoluma꞉ pi lo paeyaaso hata꞉ Yesuma꞉ alota꞉ Mo Kenke Wanda꞉halina꞉ Eiyeketa꞉ pa Kini Hali hata꞉ ipika꞉ enisolomanu tonka꞉na꞉ do kenkena꞉ epea꞉ka꞉na꞉ta꞉ kota꞉ ipikana꞉ma꞉ ipika꞉ pa̱a̱ tieke piki handeteke hala꞉ biki wiki sea tieke manda pitilieke.

Ma꞉tiu 25:5

Hande wanda꞉ mulu pieke some a̱i̱ na opolo epeeketa꞉ mo hande wandiki paeyao u tonda꞉pao u polu pitimikime.

Ma꞉tiu 25:7

Koto leeketa꞉ mo wandiki tonu paeyao tiao ika꞉ ola꞉pake lankake honda꞉pa꞉ bepe pimikime.