Ma꞉tiu 25:44 - Panake Pi La: Ula: Buka pita: Kine Pieke Buka

⁴⁴ Kota꞉ mo tapakema꞉ ipika꞉ pi hombo peaasota꞉ dupa lelimikie. Tekehalio. Hando natena꞉ neke tea꞉ma꞉ homo o ikali na꞉na꞉ma꞉ homo o da ma꞉nda꞉ hali hao o aka꞉ dia꞉ yo o yeni hao o dipula pitu koto haumanu piki handaata꞉ nikana꞉ma꞉ neke na tamba꞉ muma꞉me laa lota꞉ pimika꞉na꞉

Ma꞉tiu 25:44 Referans Kwoze

Luku 10:29

Koto leekepate hande Lo Pi walo hayeke halima꞉ ipika꞉ biki kone epeaaluekema꞉ Yesu paa lota꞉ pitolo alota꞉ Koto hali ma꞉nda꞉e la꞉la꞉ ekita꞉ epipe laa lota꞉ piekeme.

Ma꞉tiu 7:22

Mo hande wanda꞉hali paeyao momba꞉lalo pa꞉la꞉ Koda꞉na꞉ nate opolo epea꞉ka꞉na꞉ta꞉ wanda꞉hali wopuma꞉ dupiki pimanu I̱ pa꞉ta꞉ lelimikie. Tekehalio. Tekehalio. Naka꞉ biki alo hata꞉ Koda꞉na꞉ pimanu walao haloma꞉me. O Naka꞉ biki loma꞉ ekima꞉ hoke temokomanu wopu tolu lu make ta꞉ta꞉ piki na handeke haumanu tonka꞉na꞉ wopu puma꞉me lelimikie.

Ma꞉tiu 5:6

Koda꞉na꞉ hone pa꞉la꞉eki puluekema꞉ na꞉na꞉ na꞉na꞉ma꞉ homa pu haleme wanda꞉halima꞉ta꞉ ta꞉na꞉ma꞉ homo halememe. Iki pa꞉ta꞉ Koda꞉ma꞉ ota꞉ ana꞉na꞉ ana꞉ lawaalieke.

Ma꞉tiu 10:41

Wanda꞉hali epima꞉ Koda꞉na꞉ e pokaasa꞉ hali homeke handaata꞉ Do someta꞉ Koda꞉na꞉ e pokaasa꞉ somee hone witolo hata꞉ ta꞉na꞉ma꞉ homaa handa꞉ mimika꞉na꞉ta꞉ kota꞉ koto somema꞉ mulu pa꞉la꞉ yenki putu piliki kone milimikie. Wanda꞉hali epima꞉ mo epeke hali ma꞉nda꞉na꞉ epeke hau handaa Ipikita꞉ epeke halie laa ta꞉na꞉ma꞉ homaa handa꞉ mimika꞉na꞉ta꞉ kota꞉ koto epeke somema꞉ mulu pa꞉la꞉ yenki putu piliki kone milimikie.

Ma꞉tiu 25:43

I̱ma꞉ da ma꞉nda꞉ hali hao ekita꞉ ika꞉ da pa꞉ta꞉manu na hatuku mimime. I̱ aka꞉ dia꞉yeketa꞉ aka꞉ ma꞉nda꞉ na yamaemekeme. I̱ma꞉ yeni hao make dipula pitu pueketa꞉ I̱ na handeteke haememe laa lelieke.

Ma꞉tiu 25:45

kota꞉ ika꞉ pita꞉ mo Kini Halima꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ do biki na wiki kame homeke ma꞉nda꞉ siki tamba꞉ muluekema꞉ kiaemeketa꞉ kota꞉ I̱ kone tamba꞉ na miki kiaememe laa lelieke.